Қабылданған дұрыс шешімдерім туралы эссе жұмысы

Эссе

Қабылданған дұрыс шешімдерім- менің өмірлік ұстанымым.

Бұл өмірге келген әр адамның, әр тірі тіршілік иесінің өз өмірі, өз ойы, өз ұстанымы бар. Адам баласы дүниеге келгенде еш нәрсені біліп келмейді. Уақыт өте оның сырт бет- бейнесі, пішіні және көлемімен қатар оның ой –санасы, білімі, қоршаған ортасы өзгереді. Осы факторлардың қалыптасуына байланысты адамның өмірлік ұстанымы пайда болады. Сол ұстанымға байланысты ол өмір атты ағымда өз шешімдерін қабылдайды. Әрине әр адам әрқашан дұрыс шешімдер қабылдай бермейді, кейде қателесіп, өкініп жатады. Менің ойымша дұрыс шешім қабылдау үшін дұрыс ұстанымдарды таңдай білу керек. Өмірде әр адам талай рет әр түрлі ұстанымдарды кездестіреді, көреді, естиді. Әлемде қанша адам болса, сонша ұстаным, пікірлер бар. Бір адамдар айтады: «өмірге келген соң, әр кім өз еліне көмектесуі керек, үлесін қосуы қажет»- дейді, енді біреулер «өмір тек бес күндік, бүгін бар, ертең жоқ, әр адам өзі үшін өмір сүруі керек» дейді. Иә, әр кімнің өз пікірі, өз ұстанымдары құнды. Бірақ әр адам өзіне ұнайтын, өзінің жан дүниесіне келетін ұстанымдарды ұстанғаны жөн.

Кейде адамдар өз ұстанымдарын таба алмай жүреді. Ондайда адам бір шешім қабылдап, кейін уақыт өте келе оның дұрыс не бұрыстығына көз жеткізеді. Егер ол шешім дұрыс болса, сол шешімге негіздей отырып, адам өз өмірілік ұстанымын қалыптастырғаны жөн деп ойлаймын. Ал егер шешім бұрыс шешімге өзгерту керек деп білемін. Қазіргі таңда мен оқушымын, бұл өмірде менің көріп, білгенім әрине аз. Бірақ, соған қарамастан мен үлкен ата- әжелердің, ұстаздардың, ата- анамның берген ақыл – кеңестерін тыңдай және қорытындылай өз ұстанымдарымды қалыптастыруға тырысып жүрмін. Кей жағдайда жоғарыда айтқандай, өз шешімдерімнің қорытындысына қарай, өз ұстанымдарымды шығаруға тырысамын. Менің қабылданған дұрыс шешімдерім- менің өмірлік ұстанымым. Ол үшін мен өзімнің алдыма нақты мақсат қоя білуім керек. Сол мақсатыма жету үшін ерінбей, тынбай іс – әрекет жасауым қажет. Мен сонда ғана дұрыс шешім қабылдап, өмірлік ұстанымдарымды қалыптастырамын!