Менің педагогикалық ұстанымым туралы эссе 2 сынып

Менің педагогикалық ұстанымым

Мұнайлы ауданы

«№13 мектеп-гимназия» КММ

Бастауыш сынып мұғалімі

Онайбаева Мадина Джусупбековна

Халқымызда «Ел есінде бір жыл қалғын келсе-ас бер, он жыл қалғың келсе-ағаш отырғыз, ал мәңгі қалғың келсе-бала тәрбиеле» деген нақыл сөз бар. Сондықтан да мен үшін ең керекті, әрі ең қадірлі мамандық-ұстаздық деп білемін.

Алғаш мектеп табалдырығын аттап, қолыма қалам ұстаған күннен бастап, менің арманым мұғалім болу еді. Қазір мен өз арманыма жеттім деп мақтанышпен айта аламын. Менің ойымша, кез келген мұғалім ұстаз бола алмайды. Себебі, ұстаздық бұл-өнер. Ал өнерлі болу кез-келген адамға қона бермейді. Алдыңа келген әрбір оқушының жүрегін баурап, сонымен қатар уақытпен санаспай балалардың болашағы үшін аянбай жұмыс жасасаң, еңбегің еш кетпейді деп түсінемін.

Педагогикалық ұстанымның басымдықтары қазіргі заман талабына сай білім беру, тәрбиелеу сонымен қатар бәсекеге қабілетті, рухани адамгершілік көрқарасы мол тұлға қалыптастыру. Оқушылардың ой-өрісін жан жақты дамыту, оларға қәзіргі заман талабына сай білім беру және тәрбиелеу педагогикалық ұстанымның негізгі мәні . Демек мен өз бойымдағы барлық жақсы қасиеттерімді оқушыларға білім беру мен тәрбиелеуде үйлестіре отырып, мінсіз оқушы шығаруым керек.

Ұстаз болу-жүректің батырлығы,

Ұстау болу-сезімнің ақылдығы.

Ұстаз болу-мінездің күн шуағы,

Ұстау болу-адамның асылдығы, - деген өлең жолдарын оқығанда, мен өзімді бақытты сезінемін. Осы орайда менің мақсатым: тек білім қағидаларын меңгерту ғана емес, сонымен бірге өзін-өзі тануға, дамытуға ұмтылатын,ақылды да алғыр, қабілетті, өз көзқарасын ашық айта алатын балаларды тәрбиелеу. Бүгінгі ұстаз шәкіртіне ғылым негіздерінен мәлімет беріп қана қоймай, оны дүниежүзілік білім, ақпарат, кеңістігіне шығуға, яғни қатаң бәсеке жағдайында өмір сүруге, бәсекеге қабілетті тұлға тәрбиелеуі керек.

«Жас келсе-іске» деген сөз бойымдағы жастық күш-қуатымды, жаңашылдығымды шәкірт тәрбиелеумен қатар білім нәрін сусындатуға жігерлендіреді.Болашақта өз оқушыларымды биік белестерке шығарып, үлесімді тигізіп, ең білікті маман болу менің басты арманым.