Дыбыстар әлеміне саяхат тақырыбындағы ашық сабақ

Күні: 27. 11. 2014 жыл бейсенбі

Тәрбиеші: Төлегенова Бибігүл Қуанышбайқызы

Білім беру саласы: қатынас, шығармашылық, таным, денсаулық, әлеуметтік орта

Бөлім: сауат ашу және жазу

Тақырыбы: «Дыбыстар әлеміне саяхат»

Мақсаты: Өтілген дыбыстар туралы балалардың білімдерін бекіту. Балалардың ойлау қабілеттерін, қиялын дамыту (буын құрау, сөз құрау, жұмбақ шешу, тақпақ айту) Ш ш дыбысы және оның әріп таңбасымен таныстыру. Ш дыбысы бар сөздерге мысалдар келтіртіп, сол сөздерді қатыстыртып, сөйлем құрату арқылы байланыстырып сөйлеуге үйрету. Жазуға қолдарын жаттықтырту. Әдіс-тәсілі: сұрақ-жауап, көрнекілік, сөздік, ойын, түсіндіру.

Сөздік жұмыс: шаңырақ, ағаш, шана, шырша,шортан, шағала

Билингвистикалық компонент: шағала-чайка-gull шана-санки- sledges шырша-елка - fir- tree шошқа-свинья- pig

шөп –трава -grass шам-лампа -lamp

Қолданылатын көрнекіліктер: әліппе-дәптер , текшелер, суреттер, қызыл және көк түсті жіптер, дидактикалық ойындар, электронды ойындар.

Іс-әрекет Тәрбиешінің іс-әрекеті Балалардың іс- әрекеті

Мотиваци ялық қозғаушы

Балалар өздері бір-бірінің артынан залға кіреді. Нұралы: -Балалар, бізді осы жерге әріп ханшайымы шақырып еді, бірақ ол әлі келмеген секілді. Рамазан: -Иә, сәл күтейік, өзі де кеп қалар.

Әуенмен залға Әріп ханшайымы келеді.

-Сәлеметсіңдер ме, балалар, сендер менен бұрын келіп қалғансыңдар ма? Келгендерің үшін көп рахмет! -Балалар, «Дыбыстар әлемінде» бір сиқырлы кітап бар деп естідім, сол кітапты бірге барып көру үшін сендерді шақырған едім. Менімен баруға дайынсыңдар ма?

-Алдымен ,көңіл-күйімізді көтеріп алайық.

Күлімдеп күн бүгін Қарайды маған да Күлімдеп күн бүгін Қарайды саған да. Шуақпен төгіп нұр Күн нұрындай көңілім. Қуанайық,шаттанайық Дос болайық бәріміз. Армысыз,армысыз, қайырымды Алтын күн! Армысыз, армысыз, мейірімді Жер ана!

-Көңіл-күйіміз керемет, осындай көтеріңкі көңіл –күймен сауат ашу және жазу оқу іс- әрекетімізді бастаймыз. Балалар, «Дыбыстар әлеміне» барып білімімізді одан әрі шыңдап қайтайық.Ал, ол әлемге түсу үшін менің қолымдағы сиқырлы жіпті ұстап, көзімізді жұмып, тілек айтуымыз қажет. Балаларға жіпті ұстату.

Дыбыстар әлеміне баратын Сиқырлы есік ашылсын

Балалар өздері залға кіреді.

Әріп ханшайымымен амандасады.

«Дыбыстар әлеміне» баруға келіседі.

Әуенмен шаттық шеңберін орында, көңіл-күйлерін көтерді.

Жіпті ұстап, тілектерін айтты.

Ізденіс- ұйымдас тырушы

Перде ашылады, ішінен Дыбыстар ханшайымы мен екі баласы шығады. -Қош келдіңдер, балалар, мына орындықтарға жайғасып отыра қойыңдар. -Сәлеметсіз бе, дыбыстар ханшайымы, біз сізде сиқырлы кітап бар деп естідік, сол кітаппен біз де танысқымыз келеді. -Дыбыстар ханшайымы: -Иә, дұрыс айтасыңдар, ол кітап «Сиқырлы әріптер» деп аталады , кітаптың іші толған әріптер. Мен оны сендерге көрсетемін, бірақ сендердің осы кезге дейін алған білімдеріңді тексеріп байқайын.

Әріптер ханшайымы: -Жарайды, алдымен, жыл мезгілін еске түсіріп алайық. - Қазір жылдың қай мезгілі? - Күз мезгілінде неше ай бар? - Қазір күз мезгілінің қандай айы? - Бүгін аптаның қандай күні?

Жыл мезгілі туралы өте жақсы айттыңдар , ал сендер мен туралы не білесіңдер? -Дыбыс дегеніміз не? -Әріп дегеніміз не? -Дыбыстар нешеге бөлінеді? -Дауысты дыбыс пен дауыссыз дыбыстың айырмашылығы неде?

Дыбыстар ханшайымы -Дұрыс айтасыңдар, балалар, міне, сол дыбыс дегендерің мен боламын, ал мынау менің балаларым, қызымның аты-Дауысты , ол өте ақкөңіл, емін–еркін жүреді, үнемі қызыл көйлек кигенді ұнатады. Ал, ұлым-Дауыссыз деп аталады, мінезі сәл қырсықтау, емін-еркін жүре алмайды, үнемі бір кедергіге ұшырап жүреді. Көк киімді жақсы көреді.Ал, енді мен сендермен бір ойын ойнап, білімдеріңді тағы да байқағым келіп тұр. Дайынсыңдар ма?

Д/о: «Адасқан әріптер» Шарты: суретте көрсетілген заттарды атау және сөздердің қандай дыбыстан басталып турғанын айтып, әріпті тауып орналастыру. Әріп ханшайымы: -Балалар мына жерде бір әріп қалып қойды, ал бұл әріп сендерге таныс па? - Дыбыс ханшайымы, бізге сиқырлы кітапты көрсетесіз бе, біз осы әріптермен танысқымыз келеді.

-Дыбыстар ханшайымы:

Дыбыстар ханшайымымен амандасты.

-Қазір жылдың күз мезгілі. -Күз мезгілінде үш ай бар: қыркүйек, қазан қараша. -Қазір күз мезгілінің қараша айы. -Бүгін аптаның төртінші күні- бейсенбі.

-Дыбысты айтамыз және естиміз. -Әріп –дыбыстың таңбалануы, біз әріпті жазамыз, көреміз, оқимыз. -Дыбыстар екіге бөлінеді: дауысты және дауыссыз дыбыстар. -Дауысты дыбыстар созылып, еркін айтылады. Кедергіге ұшырамыйды. -Дауыссыз дыбыстар созылмайды, кедергіге ұшырап шығады.

Ойын арқылы өтілген әріптерін еске түсірді.

-жоқ, бұл әріп бізге таныс емес.