Ойыншықтар әлеміне саяхат ашық сабағы

Тақырыбы: «Ойыншықтар әлеміне сяхат»

Оқу қызметінің мақсаты: Балалардың сөздің дыбыстарын анық айту арқылы тиянақтау.и Ойыншықтарды атай білу және түсін дене мүшелері айырмасын ажырату. Олармен ұқыпты ойнап, күтіп, қамқорлық жасауға тәрбиелеу. Ойын арқылы балалардың көңіл күйлерін көтеру.

Көрнекіліктер: Әртүрлі ойыншықтар, ғажайып қап.

Сабақтың барысында балалар «Ойыншықтар әлеміне» келеді.Мұнда көз тартарлық әдемі алуан түрлі ойыншықтар көп болады. Олардың ортасында сиқыршы ұйықтап отырады.

Тәрбиеші: Балалар біз ойыншықтар әлеміне саяхатқа келдік. Қандай әдемі ойыншықтар! Ой балалар қараңдар ойыншықтардың арасында біреу ұйықтап қалған ба? Осы кезде сиқыршы оянып кетеді де, көзін ашып орнынан тұрады. Балалар оны мен сәлемдеседі.

Сиқыршы: Сәлеметсіңдерме балақандар! Менің әр түрлі заттардан сиқырлап жасаған әдемі ойыншықтарыма қонаққа келдіңдер ме? Бұлардың да іштері пісіп ұйықтап қалыпты. Қазір барлығын сиқырлы таяғыммен оятайын. Келгендерің өте жақсы болды. Жайғасып отырыңдар-дейді сиқыршы қуанышын жасыра алмай.

Тәрбиеші: Шыныдада балалар қараңдаршы, ойыншықтардың бәрі қуанып отыр.

А)Балалар кімге қандай ойыншық ұнайды? \Бірнеше баладан сұрайды\

Ә)Ойыншықтардың ерекшелігін атауға кіріседі.

- Балалар қоянның құлағы бар, ол қандай? \Ұзын\

-Құлыншақтың құйрығы қандай? \Ұзын\

-Ал, қошақанның құйрығы ше? \ Қысқа\

-Ал, түлкінің түсі қаендай? \Қызыл\

-Балапанның жүні қандай? \Жұмсақ\ және т.б

Тағы қандай ойыншықтарды білесіңдер? Олар жұмсақпа. Қатты ма ? Балапан, қонжық, қоян, түлкі, әтеш, машина т.б.

Тәрбиеші: Біздің балалар ойыншықтарды өте ұнатады. Олар туралы көптеген тақпақтар біледі.

Сиқыршы: Қане, қане айтып беріңдерші.

Бақыт: Ұзын құлақ, сұр қоян

Естіп қалып сыбдырды

Ойлы қырлы жерлермен

Ытқып – ытқып жүгірді

Қарап еді артына ,

Қиығын сап көзінің

Келе жатқан томпаңдап

Көжегі екен өзінің

Бекарыс: Құлын, құлын, құлыншақ

Желкілдейді тұлымшақ

Маңдайында жұлдызы

Құйрығында құндызы

Дана: Жуын, жуын, жуынсақ

Қандай жақсы қуыршақ

Әйтпегенде бөпешім

Кірлеп кеткен екенсің

Қазір аппақ боласың

Қуанады анашың

Тәрбиеші: Балалар қане қуыршақтың ұйқысы келген сияқты. Әлдилеп ұйықтатайық. «Әлди, әлди бөпешім» әні орындалады.

Сиқыршы: Бәрекелді ойыншықтар туралы көп тақпақ біледі екенсіңдер.Өздеріңде кіп кішкентай сары балапандарға ұқсайды екенсіңдер.