Ее дыбысы мен әрпі бойынша мектепалды сабақ жоспары

Білім саласы: «Коммуникация»

Білім бөлімі: «Сауат ашу»

Тақырыбы: Ее дыбысы мен әрпі

Мақсаты: Балаларды Е дыбысы мен әрпіне таныстыру. Е дыбысының сөздегі орнын ажырату. Сөздерді оқу мен жазуға үйрету.

Сабақтың типі: Жаңа сабақ.

Оқу қызметінің көрнекілігі: Суреттер, кеспе әріптер, өз бетімен жұмыс жасау. оқу, жазу.

Оқу қызметінің түрі: Жарыс сабақ.

Қызмет кезеңдері

Тәрбиешінің қызметі

Балалардың қызметі

Балалар оқу қызметін бастамас бұрын, қонақтарға амандасып, бір-бірімізге сәттілік тілейік.

Шаттық шеңбері:

Біз балдырған тең басқан,

Дос құшағын елге ашқан.

Тілегіміз тыныштық,

Ашық болсын кең аспан.

Мықты болсын іргеміз,

Бәріміз де біргеміз.

Психологиялық дайындық:

Сәлем деймін күнге мен,Сәлем деймін мен саған.Сәлем деймін апайға,Қонақтарға мың сәлем.

Бүгінгі оқу қызметін жарыс түрінде екі топқа бөлеміз.І топ «Алғырлар» тобы.ІІ топ «Тапқырлар» тобы.Ұрандары:

- Дұрыс айтасыңдар, балалар, білімді болу үшін жарысамыз. Мына екі қорапқа ұпайлар салынады, оқу қызметінің соңында жеңімпаз топты анықтаймыз.«Күнді бұлттан қорғайық» ойыны:

Ойын шарты: Өткенді қайталау мақсатында сұрақтарға жауап беру. Әр сұраққа жауап бергенде бір бұлттан алып отырамыз.

І. Өткен оқу қызметін пысықтау.- Қане, балалар біз өткен оқу қызметінде қандай дыбыспен таныстық?- Дұрыс айтасыңдар!- Қане, өткен оқу қызметін қаншалықты меңгергендеріңді білейік.

-Балалар «Бауырсақ» ертегісін білеміз бе? Ол ертегіде қандай кейіпкерлер бар? Сол кейіпкерлер бүгін бізге қонаққа келіпті. Олардың әрқайсысының өз тапсырмалары бар екен. Орындаймыз ба?ІІ. Ой қозғау.1. Бауырсақтың тапсырмасы: «Көбелектерді өз гүліне қондыр» дидактикалық ойыны. Ұшып жүрген көбелектердің қанатына бас әріптер жазылған. Ал, гүлдердің тостағаншасына кіші әріптер жазылған. Бас әріптерге сәйкес көбелектерді өз гүліне қондыр. Бұл тапсырманы дұрыс әрі ұқыпты етіп орындасақ ұшып жүрген көбелектер қатты қуанады.

ІІІ. Мағынаны тану.

Жаңа оқу қызметі:

Жұмбақ шешейік.

Басында екі таяғы бар,

Төрт аяғы бар.

Ол не?

Ешкі сөзіне дыбыстық талдау жасау. Шапалақ ұру арқылы буынға бөлдіру.

Е дыбысының баспа түрі мен жазба түрін көрсету.

«Ее дыбысы мен әрпі»- Олай болса, балалар, барлығымыз тақтаға қарап, электронды оқулықтан берілетін бейне сюжетке қарайық .

- Міне, балалар сендер Е дыбысы туралы тамаша бір бейне сюжетке куә болдыңдар. – Сонымен балалар, Е дыбысы қандай дыбыс екен?

Е дыбысына келетін сөздерге мысал келтіру.

Кеспе әріптермен жұмыс.Ал, балалар бүгінгі оқу қызметіндеЕ дыбысына байланысты сөздерді кеспе әріптермен жазайық.

Қызығушылығын ояту.

«Ертегі тыңдайық»