Ұ дыбысы мен әрпі мектепалды сабақ жоспары

Пәні: Сауат ашу

Сынып:0

Мектебі: «Көктүбек орта мектебі»КММ

Мұғалімнің аты-жөні: Темірғалиқызы Д

Қатысқандар саны:6

Қатыспағандар саны:0

Сабақтың тақырыбы:

Ұ дыбысы мен әрпі.

ҰОҚ-ның оқытылу мақсаттары

0.2.1.1. Сөз/сөйлем сызбасын оқу.

0.2.1.2. Суретті кітаптардан ақпаратты табу (сурет арқылы)

0.3.1.1. Сөз, сөйлем сызбасын құру.

0.3.2.1. Сөйлем сызбасының соңына тиісті тыныс белгілерін қою: нүкте, сұрақ белгісі, леп белгісі.

0.3.3.1. Жазу жолын, жоларалық кеңістікті, жолдың жоғарғы жəне төменгі сызығын сақтап, əріп элементтерін жазу.

Күтілетін нəтиже

Барлық тəрбиеленушілер: Тыңдалған материал негізінде қарапайым сұрақтарға жауап қайтарады. Сөздегі дауысты, дауыссыз, дыбыстарды ажыратады. Ұ дыбысы – дауысты дыбыс, жуан дауысты. Ұ дыбысының айтылуын дұрыс дыбыстайды. Суреттегі заттардың аттарын атай алады, сөздегі ұ дыбысының орнын ажыратады. Ұйқас сөздерді табады

Көпшілік тəрбиеленушілер: Сұраққа жауап бере отырып, суретті мазмұндайды. Берілген суретке қарап, сөздегі дауысты, дауыссыз дыбыстарды ажыратады. Сөздегі дыбыс санын, ондағы Ұ дыбысының орнын ажыратады. Ұ дыбысына сөз ойлайды. Ұ дыбысына (дауысты, жуан дауысты) сөз құрайды. Дауысты дыбыстардың санын анықтайды. Жазу жолына ұ əрпінің элементтерін жазады.

Кейбір тəрбиеленушілер: Сюжетті суреттен таныс ақпаратты табады. Тақырып аясында диалогке қатысады. Сөз/сөйлем сызбасын оқиды. Ұ дыбысын қатыстырып, сөз, сөйлем құрастырады. Сөйлем сызбасының соңына тиісті тыныс белгілерін қояды: (нүкте, сұрақ белгісі, леп белгісі)

Алдыңғы меңгерілген білім

Сөздер неге бөлінеді? Сөздерді буынға бөл. Сөздер қай дыбыстан басталып тұр? Дыбыстар қандай түстермен белгіленеді? Дауысты дыбыстар нешеге бөлінеді?

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы.

5 минут

1.Психологиялық ахуал

Өсемiз бiз күлiп-ойнап,

Он саусақтың саласындай,

Өсемiз бiз күлiп-ойнап,

Бiр адамның баласындай.

– Балалар, бір-біріміздің қолымыздан ұстап, алақан арқылы жүректің жылуын сезініп үйренген қандай тамаша, қандай қуаныш!

Ендеше ,балалар, мына суреттер бойынша топқа бөлінейік.

Ұшқыштар 1-топқа.

Ұстаздар 2-топқа.

Ұсталар 3-топқа

Осы сөздерде бірінші қандай дыбыс естіліп тұр?

Ұ дыбысы

Шаттық шеңбері

Гүлдің суреттері

Сабақтың ортасы.

25 минут

«Миға шабуыл» әдісі

-Қане, балалар, жұмбақ шешейік!

Ұя, ұлу, ұшақтың

Басын бастап беремін.

Құс, жұмыртқа,бұтақтың,

Ортасында келемін.(Ұ)