Ел іші өнер кеніші туралы мақала

Алматы облысы Көксу ауданы Жамбыл ауылы «Жамбыл атындағы мектепке дейінгі шағын орталығы бар орта мектеп»

КММ-нің тарих пәнінің мұғалімі Шитенова Каламкас Сейдахметовна

Ел іші- өнер кеніші

Көзі түскен кісіге сыр ақтарар , Өзен де бар, тау да бар, қырат та бар. Рахымбековтың көзімен қараған соң, Түпнұсқадан артықтау бірақ та олар! – деген өлең шумақтарында өнерімен бағаланған Рахымбеков Иманбек Рахымбекұлының жырлануы расында «Ел іші- өнер кеніші» екендігін көресетеді. Халық айтса, қалт айтпайды. Осындай құрметке ие, бүгінде еңбегінің зейнетін көріп отырған Қазақстан Республикасының суретшілер Одағының мүшесі, Көксу ауданының Құрметті азаматы, жоғары санатты ұстаздың бүгінгі таңда шығармашылық қоржынында 300-ге жуық туындылары бар. Ол бергісі өз ұрпақтарының мақтанышы, арғысы алты алаштың рухани байлығын жеткізуші.

Рахымбеков Иманбек Рахымбекұлы 5 шілдеде 1947 жылы қазіргі Алматы облысы Көксу ауданы Жамбыл ауылында дүниеге келді. Әкесі Рахымбек ұлттық қол өнер тері өңдеудің, анасы Сарқыт ұлттық ою-өрнек қиыстырып, сырмақ тігіп, түскиіз кестелеудің қас шеберлері болған. Жастайынан осы ұлттық құндылықтарды бойына сіңіріп, еңбекпен тәрбиеленіп көргендерін зердесіне тоқып өсті.

1955 жылы 1-сыныпқа оқуға барып, 1963 жылы Жамбыл атындағы сегізжылдық мектепті бітірді.

1963-1966 жылдары 9-11 сыныптарды Алматы қаласындағы №12 мектепте оқып аяқтады. 1966 жылы мектеп бітіргеннен кейін Қазақтың Абай атындағы педагогикалық институтының көркем-сурет және сурет факультетіне оқуға түсіп, аталған институтты 1970 жылы сызу және сурет мамандығы бойынша аяқтады.

1970 жылы институтты бітіргеннен кейін Талдықорған индустриалды-педагогикалық техникумында сызу пәнінің мұғалімі болып жұмыс істеді.

Халқының руханият саласына өзінің қомақты үлесін қосып, қол таңбасын қалдырса, спорт саласында да айшықты іздері сайрап жатыр. Бір кездері ұлт намысын ту еткен даңқты балуандар Әбілсейіт Айханов, Аманжол Бұғыбаев сынды арыстарымыз жасақтаған ұлттық команда құрамында алғашқы олимпиада чемпионы Жақсылық Үшкемпіровпен бірге боз кілемде бірге жаттыққан КСРО спорт шеберлігіне үміткер Иманбек Рахымбекұлы сол кезде спортта алған жарақатына қатысты

боз кілемнен ерте қоштасса да, әлі күнге спортты жанына серік етіп келеді.

Ал, 1977-1992 жылдар аралығында аудан, көркем-сурет шеберханаларында суретші, бас суретші болып қызметін атқарды. 1992 жылдан бері өз туған ауылында Жамбыл атындағы орта мектебінде сызу және бейнелеу пәнінің мұғалімі, 1999 жылдан бастап 2010 жылы зейнеткерлікке шыққанға дейін директордың тәрбие ісі жөніндегі орынбасары қызметін атқарды.

Отбасында аяулы жары мен қызы, күйеу баласы және екі немересі бар.

«Ұстазы жақсының ұстанымы жақсы» деген халық даналығына жүгінсек, Иманбек Рахымбекұлы қазақ ұлтының тұңғыш суретшісі Әбілхан Қастеевті еске түсіреді. Өзінің дара қолтаңбасымен ғана ерекшеленіп қоймай, туған жері мен өскен еліне перзенттік махаббатын қыл қаламның ұшымен бейнелеген ұлтымыздың біртуар ұлы суретшісі Әбілхан Қастеевтің төл шәкірті болу, екінің бірінің маңдайына қона бермейтін бақыт екендігі даусыз. Бақытын бағалай білген Иманбек Рахымбекұлы білім саласында жалықпай ұстаздық ете жүріп, өз ісіне берілген, жаңалықты жатсынбай қабылдайтын, шәкіртінің жанына нұр құйып, өмірге өзі де бақытты болып, өзгелерді де бақытқа жеткізсем деп жүретін ұстаздардың бірі.

Сонымен қатар, ұстаздық қызметін атқара жүріп, шығармашылықпен айналысып, небір шығармаларды өмірге әкелді. Асылды тани білді, бұлақтың қайнар көзін ашты. Нәтижесінде халықтың көзінен көмескі тартқан асылдар - Ескелді, Балпық би және Қабан жырау, Н.Алдабергенов бабалардың портреттері өмірге келді. Қазіргі бұл портреттері Республикалық көркем-сурет мұражайының қорында сақтаулы.

Ал, «Ұстазымның портреті», «Екі мәрте еңбек ері- Н.Алдабергеновтың портреті» және «Туған жер» сериясы бойынша туындылары Ә.Қастеев атындағы облыстық көркем-сурет галериясына қабылданды.

Иә, сурет - бұл шежіре. Ондаған ғасырлар бойы бүкіл әлем тарапынан шашауын шығармай, жоғалпай жеткізген бірден –бір куәгер. Біз сол суреттер арқылы мыңдаған жылдар жемісіндегі тіршіліктің талқысын, адамзаттың әдет- ғұрпын, кәсібін, мәдениетін, тамсандырар, дәуірлеп гүлденген шағын табиғаттың мың құлпырған бояуын, жан- жануарлар дүниесінің алуан түрлілігін танып білеміз.

Әрбір өнер туындыларында өлкеміздегі ұлы тұлғаларының тарихы, сыры, шежіресіне үңіліп қарасақ астарында жатқан тарихы бар. Қазақ еліне сіңірген ұлы тұлғаларды сомдап, оның болмысын сонымен қатар туған жердің әсем табиғатын бейнелеу оның басты тақырыбы болды. Ол - туған жері мен өскен елін, халқының бірегей және ұмытылып кеткен дәстүрлерін шежіре ретінде көркемдеп жеткізген. Ол Жамбыл Жабаев, Нұрмолда Алдабергенов, Қадырғали Қосымұлы