Өнер адамдарының бағаланбауы туралы мақала

Өнер адамдарының бағаланбауы-қоғам олқылығы

Қоғам дамуының басты көрсеткіші — оның рухани деңгейі мен мәдениетке деген көзқарасы. Өнер — сол мәдениеттің негізі, елдің рухани келбеті мен санасының айнасы. Алайда бүгінгі таңда өнер адамдарының еңбегі тиісті дәрежеде бағаланбай отыр. Бұл тек жеке тұлғалар үшін ғана емес, жалпы қоғам үшін де үлкен мәселеге айналуда. Біріншіден, өнер адамдары — ақын-жазушылар, суретшілер, актерлер, музыканттар, әншілер, тележүргізушілер, SMM мамандары, әлеуметтік желінің белсенділері ұлттың болмысын танытатын, оның болашағын қалыптастыратын шығармашылық бағыттың иелері. Олар адамзаттың жан дүниесіне әсер ететін туындылар жасайды. Дегенмен, олардың еңбегі өз дәрежесіне сай бағаланбайды, тер төгіп, талай талпыныс пен жігерді талап ететін жұмыс деп санамайды. Екіншіден, өнер адамдарының қоғамдағы беделі мен мәртебесі туралы айтқанда, біз жиі «камера алдында қуып жүретіндер, хайп қуалайтындар, нағыз жұмысқа жарамсыз» ұғымымен шектелеміз. Ал шындығында олар — рухани тәуелсіздіктің, ұлттық сана мен эстетикалық тәрбиенің қозғаушы күші. Бірақ бұқаралық ақпарат құралдарында, әлеуметтік желілерде танымалдылыққа ие болмаған өнер иелері назардан тыс қалып жатады. Бұл — тек қаржылай емес, моральдық тұрғыда да