Елбасы жастарға сенеді тақырыбындағы мақала

Елбасы жастарға сенеді

ЖШС «Каспий өңірі «Болашақ»

колледжінің ІІ-курс студенті

Өмірзақ Дана Сембайқызы

“Жас мұраты білім тәлім - талабы,

Өнер оқу – жастықтың қару - жарағы... ” – деп, қазақтың биік үш бәйтерегінің бірі Ілияс Жансүгіров атамыз айтқандай, жастық кезде ойнап күлуден бөлек, халқыңа адал қызмет жасап, өнеге етіп көрсететіндей іс қылу болашаққа деген сенімді нығайтудың ең сара жолы. Еліміздің болашағы саналы, көзі ашық, көкірегі ояу жастардың, яғни біздің қолымызда. Мемлекеттің тұрақты дамуының негізі - бәсекеге қабілетті жастар буыны, ал бұл тікелей бесікте жатқан бүлдіршінніңде елдің дамуына өз үлесін қоса алатынын білдіретін болашағының белгісі .

Тұңғыш Президентіміз Нұрсұлтан Әбішұлы Назарбаев еліміздің жас қырандары мен қарлығаштарына үлкен үміт артатынын “Қазақстан-2050”стратегиясында атап көрсеткен. Соған сәйкес жастарға деген жан - жақты мүмкіндіктер аз емес, атап айтар болсам, білімнің соңында жүрген жас қазақстандықтар «Болашақ» бағдарламасы бойынша шет мемлекеттерде білім алуда, өз елімізде де жоғары білім алу үшін гранттар жетерлік бөлінуде. Жастарды түрлі саладағы қызметтермен қамту мәселесі бойынша да бағдарламалар жүзеге асырылуда, оған мысал: “Дипломмен ауылға” бұл яғни оқу бітірген жас мамандар ауылдың көркеюіне ат салысып ауылда қызмет жасайды. Мен бұл бағдарламаны ерекше қолдаймын, себебі ауылда небір дарынды, білімді, өнерлі, болашақ ел көркейтушілер өте көп. Ал сол ауыл жастарының көзін ашып, көкірегін оятуға жас біліктіде, білімді мамандар өз септігін мол тигізері анық.

Ауыл шіркін жан тыныштығын орнататын, кең пейіл адамдарға толы, рухани рақат алатын, жер бетіндегі жәннат деп білемін. Ақын да, жазушы да, елге сыйлы тұлғаларда ауылдан шыққан. “Отан - отбасыдан басталады” деген қазақ мақалын мысалға алар болсам, ауыл ол бір үлкен отбасы, ал отбасының мүшелері білімді де білгір болса, отбасы үлкен мәртебеге ие болып, отанға деген өз пайдасын тигізері сөзсіз.

Жастар үшін жасалған тағы бір мүмкіндік ол – Үш тұғырлы тіл саясаты.

Тұңғыш Президентіміз Н.Ә.Назарбаев айтқандай «Қазіргі қазақстандық үшін үш тілді меңгеру, бұл өз игілігінің кепілі..» Үш тілді оқыту заман талабы. Үштілділік бәсекеге қабілетті елдер қатарына апарар басты қадамдардың бірі. Үш тұғырлы тіл туралы идеяны…