Қызықты математика, мектепке дейінгі ойын сценарийі

Күні: 28.11.2018ж

Тақырыбы: «Қызықты математика»

Мақсаты: Балалардың білім деңгейін анықтай отрып , ой- өрісін, тіл байлығын дамыту, білімділікке, шапшаңдыққа, тапқырлыққа, алғырлыққа баулу.

Көрнекіліктері: Шар, гүлдер.

Тәрбиеші: Құрметті қонақтар, бүлдіршіндер! Бүгінгі өткелі отырған « Қызықты математика» білім сайысына қош келдіңіздер!

Тәрбиеші: Кімдер жүйрік, білімпаз біз білейік,

Бақшамыздың жеңімпазы деп жүрейік.

Қазылардан тек қана әділдікті,

Ал сайыскерлерге сәттілік тілейік- деп қатысқалы отырған топтарды ортаға шақырамыз. «Тапқырлар» мен «Алғырлар» тобын қарсы алыңыздар. (балалар ортаға келеді)

Тәрбиеші: Сайыста бақ сыналар, бап сыналар.

Бас жүлдені өнерлі тапқыр алар,

Кім шапшаң, кім тапқыр білу қиын,

Қазылар алқасы болмаса нақ сын алар- деп әділ қазылар алқасын таныстырып өтейік. (әділ қазыларды таныстыру)

Сайысымыз 4- кезеңен тұрады:

Кел танысайық? ( топты таныстыру )

Сен білесің бе? (сұрақ- жауап)

Кім жылдам? ( пішіндерді жинау)

Адасқан сандар? ( санды ретімен қою арқылы суреті құрау)

Тәрбиеші: Өнер қуып балалар өтер деймін,

Бір басына өнерлері жетер деймін,

Бәске түссе балалар кезектесіп,

Таныстырып топтарын өтер деймін- деп 1-ші кезекті таныстыруға береміз. (Топтарын таныстыру)

Тәрбиеші: Көңілін көрерменің таптым бүгін,

Елес қой мынау бізге жат күн бүгін,

Бір бірлеп сұрақ қойып бақ сынайық,

Байқайық топбасшының тапқырлығын- дей отыра келесі кезеңіміз «Сен білесің бе?» деп аталады. Топбасшының білімділігін, тапқырлығын анықтайтын сұрақ- жауапқа кезек береміз. (шарды жару арқылы сұрақа жауап беру, дұрыс 1жауапқа 5 ұпай)

Бір аптада неше күн бар? (7 күн)

Жол ұзын ба, қол ұзын ба? (жол)

Алма үлкен бе, түйме үлкен бе? (алма)

Үстелдің неше аяғы бар? (4)

Бір жылда неше ай бар? (12)

Үш қабырғасы бар, үш бұрышы бар пішін? (үшбұрыш)

Жақсы оқитын балаға қандай баға қояды? (5)

7санына байланысты ертегі? (жеті лақ)

Бұрышы жоқ қандай пішін? (дөңгелек)

10)Төрт қабырғасы, төрт бұрышы бар пішін? (төртбұрыш)

Тәрбиеші: 3-ші кезеңіміз «Кім жылдам?» деп аталды. Бұл сайысқа топтың мүшелері қатысады. Ойын шарты: шашылған пішіндерден, өздеріне берілген пішіндерді тауып, оны санау. (30 секунд аралығында табу)