Электр тогының жұмысы мен қуаты 8 сынып

ҚЫСҚА МЕРЗІМДІ САБАҚ ЖОСПАРЫ

Ұзақ мерзімді жоспар бөлімі:

8.4. «Тұрақты электр тогы»

Мектеп: Мардан Байділдаев атындағв №232 орта мектеп

Күні:

Пәні: Физика

Мұғалімнің аты-жөні: Қуанышова Қ

Сынып: 8

Қатысқандар саны:

Қатыспағандар саны:

Сабақтың тақырыбы

8.4.2. Электр тогының жұмысы мен қуаты

Осы сабақта қол жеткізілетін оқу мақсаттары (оқу бағдарламасына сәйкес)

8.4.2.12. жұмыс және қуат формулаларын есептер шығаруда қолдану.

Сабақ мақсаты

-Барлық оқушылар:

Ток жұмысы мен қуатын анықтауға арналған формулаларды қолданады;

-Оқушылардың басым бөлігі:

Электр тогының жұмысы мен қуаты арқылы электр есептеуішінің көрсеткішін анықтайды.

-Кейбір оқушылар :

Электр энергиясының құнын есептейді. Озық тапсырмаларды шешудің әр түрлі жолдарын өздері меңгереді.

Бағалау критерийлері

Аралас жалғанған тізбектің бөлігіндегі қуатты анықтайды.

Электр энергиясының жылу энергиясына айналуын біле отырып, электр тогының қуатын есептейді.

Тілдік мақсаттар

Білім алушылар:

Электр тогының жұмысы мен қуаты туралы ақпарат алады, формулаларын пайдаланады.

Қолданылатын физикалық ұғымдар:

Токтың жұмысы, Джоуль, токтың қуаты, ватт, амперметр, вольтметр, электр энергиясының құны, тариф, электр есептеуіш туралы түсінік алады.

Диалогқа қажетті сұрақтар:

Ток жұмысын анықтау үшін қандай өлшеуіш аспаптар қажет?

Тарифтер не себепті өзгеруі мүмкін?

Токтың жұмысы және қуат дегеніміз не екен?

Құндылықтарға баулу

Қарым-қатынас жасау қабілеті, жауапкершілік, өмір бойы оқуға дайын болу, зайырлы қоғам және жоғары руханият қасиеттерін игереді.

Пәнаралық байланыстар

Электротехника негіздері-«Тұрақты токтың заңдары»

Математика-есеп шығару

Тақырып бойынша алдыңғы білім

7-сынып физика «Механикалық жұмыс. Қуат» туралы біледі.

Сабақ барысы

Сабақтың жоспарланған кезеңдері (уақыт мөлшері)

Сабақтағы жоспарланған жаттығу түрлері

Ресурстар

Сабақтың басы

4 мин

І. Ұйымдастыру кезеңі. Психологиялық ахуал қалыптастыру:

Сынып реттілігін қадағалау.

Оқушыларды түгелдеу.

Оқу құралдарын байқау.

Назарларын сабаққа аудару.

Топқа бөлемін : «Билеттер арқылы» топқа бөлінеді. Оқушыларды кассадан билеттер алып, 1,2,3,4 вагондарға бөлініп отырады.

«Жариялау» әдісімен сабақ тақырыбына апаратын сұрақтар беру арқылы топтарға бөлу. (Әрбір топ берілген сұрақ бойынша өз позициясын жариялау керек. Бұл үшін топ ішінен спикер берілген уақыт ішінде (5 минут) басқа қатысушылар алдында сөйлеп, топ ұстанымын жеткізеді.)

Бір-бірімізді тыңдаймыз десек 1 рет қол шапалақтаймыз!

Ұйымшыл боламыз десек 2 рет

Белсенділік танытамыз десек 3 рет шапалақтаймыз!

Параграфты оқып сендер:

Есептер шығарғанда ток жұмысы мен қуатын анықтауға арналған формулаларды пайдалана аласыңдар;

Электр есептеуішінің көрсеткішін анықтап, электр энергиясының құнын есептей аласыңдар.

Өткен тақырыпты бекіту (қайталау)

5 мин

Сабақтың ортасы

20 мин

4 мин

«Дельфи» әдісін пайдалана отырып, өткен тақырыпқа шолу жасау.

Оқушылар сурет қиындыларын құрастырып қандай өлшеуіш құралы екенін және осы құралмен нені өлшейді, жалпы өлшеуіш құралына байланыстының барлығын түсіндіріп береді.

Тізбек жайлы не білеміз?

Тізбек түрлері жайлы не білеміз?

Электр тогы деген не?

Электр тогы бар болу үшін қандай шарттар орындалуы керек? Тұрақты ток деген не?

Электр тогының қандай әсерлері болады?

Электр тогын сипаттайтын физикалық параметрлерді атаңдар.

Тізбек бөлігіне арналған Ом заңы.

Ток күші дегеніміз не, анықтамасын бер.

Электр кернеуі деген не?

Электр тогының қуаты дегеніміз не?

Өткен сабақты түсінгендерін «Бағдаршам» әдісімен бағалайды.

Топтық жұмыс № 1.

Берілген мәтіндерді оқушылар оқып алады.

§27. Электр тогының жұмысы мен қуаты. (174-178 беттер)

І. Токтың жұмысы және оны өлшеу.

Тізбектің сыртқы бөлігіндегі зарядтардың орнын ауыстыратын кулондық күштердің жұмысы ток жұмысы деп аталады. Ол мына формула бойынша анықталады: A=qU

Токтың жұмысын анықтау үшін зарядты ток күші және зарядтың көлденең қимадан өткен уақыты арқылы өрнектеу ыңғайлы: q=It , ендеше A=IUt.

Тізбек бөлігіндегі электр тогының жұмысы осы бөліктің ұштарындағы кернеудің, ток күші мен жұмыс істеуге кеткен уақыттың көбейтіндісіне тең.

Жұмысты есептеу формуласынан белгілі болғандай, ток жұмысын анықтау үшін үш өлшеу аспабы керек: амперметр, вольтметр және сағат.

Тұтынылған электр энергиясын есептеу үшін тұрмыста және өндірісте электресептеуіш қолданылады. Ток жұмысы қанша электр энергиясының энергияның басқа түріне айналғанын көрсетеді.

Жұмыстың өлшем бірлігі. Халықаралық бірліктер жүйесінде жұмыс бірлігін – джоульмен, ток күшін – ампермен, кернеуді-вольтпен, уақытты секундпен өлшейді. Алынған формула негізінде бұл бірліктердің байланысы төмендегідей: 1 Дж = 1А•1В•1с.

1 Дж-ге тең ток жұмысы өте аз. Тәжірибеде жүйеден тыс өлшем бірлігі 1кВт • сағ кең қолданыс тапты.

Бірліктердің байланысын анықтайық:

1кВт • сағ = 1000 Вт • 3600 с = 3600000 Дж = 3,6 • 106 Дж.

ІІ. Ток қуаты және оны өлшеу.

Тізбектегі ток әрекетінің қарқындылығы ток қуатына байланысты. Қуат – уақыт бірлігінде тізбекте атқарылған ток жұмысына тең фихикалық шама: ; мұндағы – токтың қуаты.

Ток қуатын анықтау үшін тізбек бөлігіндегі кернеуді ондағы ток күшіне көбейтеміз. P=UI. Тізбектегі токтың қуатын екі аспапты вольтметр мен амперметрді қолданып есептеуге болады. Токтың қуатын анықтауға арналған аспап жасалды, ол – ваттметр.

Қуаттың өлшем бірлігі ретінде ватт алынды. 1 ватт деп 1 секунд ішінде 1 Джоуль жұмыс атқарылуын айтамыз: . Іс жүзінде еселік қосымшасы бар өлшем бірліктері қолданылады:

1 кВт = 1000 Вт = 103 Вт.

1 Мвт = 1 000 000 = 106 Вт.

ІІІ. Ток қуатының тізбектегі ток жұмысымен байланысы. Ток қуатын электр құралының номиналды қуатымен салыстыру тізбектегі аспапқа қаншалықты жүктеме түсетінін анықтауға мүмкіндік береді. Егер ток қуаты номиналды қуаттан аз болса, онда ток жұмысының қарқындылығы төмен немесе мүлдем жоқ болады. Қуаты жоғары…