Электр тораптарын жобалау және автоматтандыру сабақ жоспары

№ 27 сабақ жоспары

Күні______ Тобы_____ Тақырыбы: Электр тораптарын жобалауды ұйымдастыру және автоматтандыру мүмкіндіктері туралы негізгі мәліметтер Сабақтың мақсаты:

1. Білімділік: Электр тораптарын жобалауды ұйымдастыру және

автоматтандыру мүмкіндіктері туралы негізгі мәлімет беру 2. Дамытушылық: Автоматтандыру әдіс тәсілдерін қарастыру

3. Тәрбиелік: Тақырып мазмұнын толық аша білуге оқушыларды тәрбиелеу

Сабақ түрі: теориялық

Сабақтың оқу әдісі: түсіндіру

Құралдар, жабдықтар: электр тораптары құрылысы көрсетілген плакат

Сабақ барысы: 1. Ұйымдастыру бөлімі: оқушылармен сәлемдесу, оларды жорнал бойынша тексеру.

2.Үй тапсырмасын тексеру: 1. Электр тораптары дегеніміз не? 2. Жергілікті электр тораптарын есептеу тәсілдері 3. Міндері мен ерекшеліктері 4. Тұйық электр тораптары дегеніміз не?

3.Жаңа тақырып

Электр тораптарында электр энергиясын қабылдауға және таратуға тарату пункттері мен трансформаторлы қосалқы станцияларын кеңінен қолданады. Олардың негізгі электржабдықтары – күш трансформаторлары (қосалқы станцияларда орнатылады), майлы сөндіргіштер, жоғары вольтті сақтандырғыштар, реакторлар, айырғыштар, жүктеме сөндіргіштер, сөндіргіштер мен айырғыш жетектері, релелік қорғау аппаратурасы мен басқа да коммутациялық аппараттар.

Трансформаторларды, жоғары вольтті сақтандырғыштарды, айырғыштарды және басқа да аппараттарды қондыруды, электр желілерін, станциялар мен қосалқы станция жабдықтардың пайдалануын және монтаждауын игерген жоғары білікті электр монтері орындайды.

Қосалқы станцияларда трансформаторларды бір кернеуді келесі бір түріне түрлендіру үшін қондырады. Күш трансформаторының қуаты – бірден бірнеше жүз мыңдаған кВА.

Майлы сөндіргіштер кернеуі 1 кВ жоғары жұмыс режимінде, жүктеме және қысқа тұйықталу кезінде электр тізбектерін қосып, ажырататын коммутациялық аппарат ретінде қызмет атқарады. Майлы сөндіргіштер қорғау және басқару аппаратының әсерінен қолдан және автоматты түрде қосылып, сөндіріледі.