Электронды оқулық сұлбасын желілік ортада құрастыру

Пән: Бағдарламалау

Топ: Сабақтың өтілетін күні

Сабақтың тақырыбы: Электронды оқулықтың сұлбасын ОНЛАЙН режимінде құрастыру.

Сабақтың мақсаты:

1. Студенттерге электронды оқулықты жасауда информатика, бағдарламалау, компьютерлік графика пәндерінен алған білімдерін қолдана отырып электронды оқулық жасаудың негізгі жолдарын үйрету, іс-тәжірибеде қолдана білуге машықтандыру;

2. Зертханалық жұмыстар арқылы студенттердің қызығушылығын арттыру, ақыл ойын, ой-өрісін кеңейтіп, іздену қабілеттерін арттыру, ептілікке, дербес компьютермен жұмыс жасауға үйрете отырып, есте сақтау және зейіндік қабілеттерін дамыту, электрондық оқулық жасау дағдысын қалыптастыру.

3. Студенттерге топпен жұмыс жасай білуге, өз ойын ашық білдіруге, бір-бірін тыңдай білуге ұжымшылдыққа , жауапкершілікке тәрбиелеу.

Сабақтың түрі: Интеграциялық сабақ. (информатика, бағдарламалау, компьютерлік графика).

Сабақта қолданылатын әдістер: Интербелсенді әдіс, автоматтандырылған желіні ұйымдастыру, көрсетіп түсіндіру, зертханалық жұмыстар, топпен жұмыс,

Сабақта қолданылатын көрнекіліктер: ДК компьютерлер, интерактивті тақта, web камера, проектор, жергілікті желі, онлайн бағдарламалары, чаттар, netsuport бағдарламасы.

Сабақтың барысы

І. Ұйымдастыру

ІІ. Мақсат қою кезеңі.

ІІІ. Материалды түсіндіру

ІV. Түсінігін тексеру.

V. Сабақты қорытындылау. Нәтижесі. Білімдерін бағалау.

VІ. Үйге тапсырма беру.

І. Ұйымдастыру: амандасу, білім алушылардың сабаққа деген көңіл күйлерін қалыптастыру үшін компьютердің жұмыс алаңына түрлі смайликтерді орналастырып назарын аудару

Кіріспе әңгіме. Бүгінгі таңда электрондық оқулықтар барлық мектеп пәндері үшін жасалуда және ол мемлекеттік және қорытынды емтихандарға дайындалуға көмектесетін мәліметтер қоры ретінде пайдаланылуда. Электрондық оқулықтармен жұмыс істеу әрбір оқушымен студентті өз мүмкіндігін есепке ала отырып, пән мазмұнын оқып-үйрену барысында өз бетінше жұмыс істеуіне жол ашады. Бұл кезде олардың сабаққа деген кызығушылық пайда болып, белсенділігі арта бастайды. Оқытушы үшін электрондық оқулық бұл күнбе-күн дамытылып отыратын ашық әдістемелік жүйе және оны әрбір оқытушы өзінің педагогикалық тәжірибесіндегі материалдарымен толықтыра отырып, жетілдіреді. Сонымен бірге, электрондық оқулықты пайдалану оқытушының ғылыми-әдістемелік потенциалын дамытып, оның сабақ үстіндегі енбегін жеңілдетеді.

Осы мақсатпен біз онлайн режимінде Delрhі программалау ортасында информатика, компьютерлік графика, бағдарламалау пәндерінен электронды оқулықтың сұлбасын құрамыз. Бұл үшін №13 кабинетте 210-шы топтан құралған редакторлар, №9 кабинетте 303 топтан құралған дизайнерлер топтарымен бірлесе отырып құрастырамыз.

№13 кабинетте – Оқытушы Үсенов Берік Манапханұлы жетекшілігімен редакторлар тобы информатика, компьютерлік графика, бағдарламалау пәндерінен мәтіндік редакторда электронды оқулыққа керекті мәтін үзінділерімен жұмыс жасап, \\192.168.1.101\EL\ - желілік бумаға жібереді.