Елтаңба мен ту туралы жыр сабақ жоспары 4 сынып

Тақырыбы: Елтаңба мен Ту туралы жыр.

Мақсаты:

1. Оқушылардың Қазақстан туралы білімдерін кеңейту.

2.Өнерге деген қабілеттерін дамытып, елге, жерге патриоттық сезімдерін ояту; Ел рәміздерін, тарихын білуге, қастерлеуге үйрету;

3. Отанын сүюге, байлығын қорғауға, елжандылыққа, әсемдікті сезінуге, жауапкершілікке тәрбиелеу;

Түрі: аралас баяндау сабақ.

Әдісі: сұрақ-жауап, талдау, іздену.

Қанатты сөздер: 1. Туған жер – алтын бесік.

Отан, Отан бәрінен биік екен,

Мен сені мәңгілікке сүйіп өтем.

Сабақтың барысы:

Ұйымдастыру кезеңі. Сабаққа әзірлік.

Балалар, бір – біріңе қарап жымиыңдар, жайланып отырып, көздеріңді жұмыңдар. Менің айтқанымды іштеріңнен қайталаңдар.

Мен бақытты баламын, Жан дүниемде күн нұрлы

Жылуым мол бойымда. Осы жылуды Жер бетіндегі барлық адамдарға жолдаймын.

Менің оқығым келеді! Білімді, алғыр болғым келеді!

Шығарманы талдау. « Алтын күз» тақырыбына жазған шығарма жұмыстарын үлестіру, шығармаларын талдау жасау.

Мақсат қою кезеңі:

Сабақтың мақсатын, тақырыбын хабарлау.

Жаңа сабаққа даярлық.

Жаңа сабақ:

Туған жеріңе, өскен еліне арнап жыр жазбаған ақын жоқ шығар.

Өйткені, кімге болсын өзінің туып-өскен жері ыстық. Бұл бөлімде сендер Отан, туған жер тақырыбына жазылған тамаша өлеңдермен, әңгімелермен және олардың авторларымен танысасыңдар.

Мәтінді түсініп, жалғастырып оқу. Қос Пырақ қандай елдерді аралапты? Қыран олардан не деп сұрайды? Пырақ не деп жауап береді?

Түсінгенін тексеру:

Пырақ пен Қыран сөздерінен диалог құрыңдар.

Диалогке мәтіндегі мақал-мәтелдерді қатыстырып айтыңдар.

Елтаңба және Ту туралы білетіні бойынша мынадай кестені толтырады.

Мен не білемін?

Нені білгім келеді?

Бүгінгі сабақта не үйрендім?

(Бұл сұрақтар баланың өзін-өзі тексеруіне, өзін-өзі бақылап, бағалауына көмектеседі).

«Мен не білемін?» деген сұрақ бойынша оқушылар Тудың, Елтаңбаның авторын, ондағы бейнелердің қандай мағына беретінін айтуға болады. Елтаңба авторы – Шота-Аман Ыдырысұлы Уәлиханов. Тудың авторы – Шәкен Оңдасбекұлы Ниязбеков.

Қосымша берілетін мәліметтер:

1992 жылы алғаш рет Мемлекеттік рәміздер бекітілді:Ту Елтаңба және әнұран. 1991 жылдың 16 желтоқсанында Қазақстан Республикасының мемлекеттік тәуелсіздігі туралы Қазақстан Республикасының Конституциялық Заңы қабылданды. Қазақстан Республикасы батыстан шығысқа 3000 км-ге, солтүстіктен оңтүстікке 1600 км-ге созылған. Жер аумағы – 2724,9 мың шаршы км. Қазақстан…