Ең сүйкімді ханшайым 2 сыныпқа арналған сыныптан тыс жұмыс

Тақырыбы: Ең сүйкімді ханшайым

Мақсаты: Жас ұрпақты әдемілік әлемінің сұлулығын көзбен көре, жанмен түсіне білуге ,зерделі болуға үйрету. Қыз балалардың жас кезінен алатын тәлім – тәрбиесіне байланысты туған мәтелдердің мән мағынасын ашу. Ұқыптылыққа ,әдемілікке, сұлулыққа тәрбиелеу.

Әдісі: Қыздар арасындағы байқау

Көрнекілігі: Суреттер,слайдтар, нақыл сөздер, шарлар, керекті құрал-жабдықтар.т.б

Барысы: 1. Ұйымдастыру кезеңі.

-Музыка ырғағымен қонақтар ,ата-аналар, оқушылар кіріп орындарына отырады.

Мұғалім:

1-жүргізуші: Құрметті асыл аналар мен қыздар!Сіздерді көктемнің алғашқы айында еліміздің барлық жерінде тойланатын 8-наурыз әжелер, аналар, қыздар мейрамымен шын жүректен құттықтаймыз.

2-жүргізуші: Сіздерге әлемнің нұрын, өмірдің гүлін, көктемнің шуағын тілейміз. Мына жарық дүниенің мәні де, сәні де сіздерсіздер!

1-жүргізуші: Ананың тілегі, ананың жүрегі, ананың махаббаты, ананың ыстық құшағынан қасиетті ештеңе жоқ. Ең ыстық күннің нұры да, ананның шапағат мейіріміне жетпейді.

2-жүргізуші: Бүгінгі мейрамда көктемдей көңіл сыйлайтын оқушыларымыздың аналарға арнап жазған өлең шумақтарын қабыл алыңыздар.

Оқушылардың өлең жолдары.

1- жүргізуші:

Бүгін біздің сыныбымызда тәрбиелік мәні зор сынып сағатымыз өткелі отыр.

Аналар мен қыздар мерекесіне орай сыныбыздағы қыздардың «Ең сүйкімді ханшайым» атты сайысын көріп тамашалайсыздар.

2- жүргізуші: Қазақ халық, «Қыздың жолы жіңішке», «Қыз өссе-елдің көркі,гүл өссе-жердің көркі»- деп табиғаттың әсемдігімен салыстырады, не бір асыл сөздерге теңейді, ән, жырға қосады, оны өмірдің өзегі санайды.

1-жүргізуші: Қыз баланы тәкәппаралықтың, сұлулықтың, инабаттылықтың, ақылдылықтың, тапқырлықтың символы деп есетейді.

жүргізуші: Халық қашанда қыз баланы ерекше құрмет тұтып төрден орын беріп, аялап әлпештеген. Қыз сұлулығын әлемге нұрын төккен күнге, аспанға, ай-жұлдызға теңеп, оны адамдықпен адалдықтың биік тұғырынан көруді армандаған.

1-жүргізуші: Қыз сыны, қыз өнері, қыз әдебі

Тал бойына жарасқан күлкі әдемі,

Бір көргенге болмай –ақ сахнада

Өмірде сақталсыншы ұлт әдебі – дей отырып бүгінгі байқауға қатысатын қыздарды қошеметтеп ортаға шықырайық.

(Еркеқызымыз) Амина

(Зерек қызымыз) Айзере

(Инабатты қыз) Әмина

(Сұлуқыз) Саяра

(Ақжарқын қыз) Кәусар

2- жүргізуші:

1. Саяра: Үздік оқып сабағын,

Бәрімізге жағатын,

Әкесінің еркесі,

Анасының сәулесі

Сүйікті ісі: сурет салу,кітап оқу.

Бағалы қасиеті: инабатты,сыпайы,кішіпейіл

1- жүргізуші:

2. Амина: Алар дәйім «бестігін»

Аққуба қыз кескінің

Бойшаң біздің Амина

Ұяңдау деп естідім

Сүйікті ісі: сурет салуды,жазуды жақсы көреді.

Бағалы қасиеті: анасының тұнғышы және көмекшісі, кішілерге қамқоршы.

2-жүргізуші:

3.Әмина : Айтқанда әні әуелі

Ерекше шығар әуені

Биязы қыз Әмина

Өзі де пысық әдемі

Сүйікті ісі: сурет салуды, билегенді ұнатады.

Бағалы қасиеті: үлкенді сыйлайды, кішіге қамқор болады.

1-жүргізуші:

4. Кәусар : Сабағын да меңгерген.

Жақсылықты жөн көрген.

Арамызда Кәусар

Өзі өнерлі қыз тіпті.

Сүйікті ісі: сурет салуды, кітап оқығанды, билегенді ұнатады.

Бағалы қасиеті : ақылды, парасатты,үлкенді сыйлайтын,кішіге қамқор бола алатын қыз.

2-жүргізуші:

5. Айзере: Ай секілді өзі де

Сыңғыр-сыңғыр сөзі де

Айзере қыздың сыныпта

Әдемі ғой көзі де.

Сүйікті ісі: өлең жазуды, билегенді ұнатады.

Бағалы қасиеті : зерек, еңбекқор,анасының көмекшісі.

2-жүргізуші: Әділқазы ақ – қазыға бір сәлем,

Әділдікке бас иеді бар әлем

Жүйрік озар сайыстарда неше бір,

Сарапқа сап , әділдікпен шеше біл – дей отырып әділқазыларды таныстыру.

1. Бастауыш сынып ӘБ жетекшісі:

2. Оқу –ісі жөніндегі меңгерушісі:

3. Директордың тәрбие ісі жөніндегі орынбасары:

1- жүргізуші: Қыз емес, қыздың аты – қызыл алтын,

Көрінер қызыл айдай жүзі жарқын

Үлкенің алдын орап сөз сөйлемес

Халықтың сақтай білген ізгі салтын

2- жүргізуші: Қымбатты ұстаздар, ата-анлар және әділқазы алқасы ,сайысқа қатысушылар, оқушылар сіздерді сайыс бағдарламасымен таныстыруға рұқсат етіңіздер.

1- сайысы: Өзін-өзі таныстыру

2-сайысы : Үй тапсырмасын көрсету (қол өнер)

3-сайысы: «Білімділер сайысы» (білім жарысы)

4-сайысы: Қыздардың өнерлері (ән,өлең,би)

5 -сайысы: Мақал-мәтелдер айту (ана,қыз туралы )

1-жүргізуші : Болады қыздың аты ,затына сай,

Ниет етсең болуға өнерге бай

Артық емес үйрен де жирен деген,

Бос қалып бұл өмірде жүрмеші жай.

«Қыз өссе-елдің көркі, гүл өссе-жердің көркі» дегендей гүлдерімізді танысуға шақырамыз.

1.Мурат Амина

2.Бахыт Айзере

3.Мижитова Саяра

4.Бахыт Әмина

5. Тоқтарбайқызы Кәусар

6. Муратбек Жанайым-ды ортаға шақырамыз.

1. Таныстыру кезеңі

(Қыздар таныстыруларын кезекпен айтып шығады)

2-жүргізуші: Тұз емес пе, астың дәмін кіргізер,

Қыз емес пе, үйдің сәнін кіргізер,

Қыздың жиған жүгіндей демейміз бе?

Сұлулық пен нәзікті білгізер -деп қыздардың шеберліктерін, үй тапсырмасын көрсетеді. (қыздар үй тапсырмасын кезекпен көрсетеді)

1-жүргізуші:

Келесі кезек «Білімділер» сайысы қыздарымыздың білімдерін сынап көрейік.

Әр сұраққа 1 балл.

1.Сұрақ

Ұлы Отан соғысы қай жылдары болды? (1941 -1945 ж.ж)

Ән ұранның авторы кімдер? (Назарбаев Н.Нәжімединов)

18 қаламды 9 оқушыға берді. Оқушылар неше қаламнан алды? ( 2қалам)

Мемлекеттік тіліміз қай тіл ? (Қазақ тілі)

2.Сұрақ

Математикада неше амал бар ? ( 4 амал бар)

Археолог деген кім? ? (Ежелгі заман адамдарының мәдениеті мен

тұрмыс-тіршілігін зерттейтін ғалым)

100тг- ден 5 бәліш неше теңге болады? (500 теңге)

Елтаңбаның авторы кім? (Шота Уәлиханов, Жандарбек Мәлібеков)

3. Сұрақ

Тудың авторы кім? (Шәкен Ниязбеков)

Көліктің қандай түрлері бар? (жерүсті, жерасты, су, әуе, суасты)

16 гүлді 8 қызға бөліп берді. Қыздар неше гүлден алды? (2 гүлден)

Қазақстанның бас қаласы қай қала? (Астана)

4.Сұрақ

Ғұндардың ұлы билеушісі кім? (Аттила (Еділ))

Егемендігімізді қай жылы алдық? (1991 ж 16 желтоксан)

21 теңгеге 7 теңгеден болса, неше дәптер алуға болады? (3 дәптер)

Күн жүйесінде неше ғаламшар бар? ( 8 ғаламшар)

5.Сұрақ

1. Мемлекеттің Гимннің авторларын ата? (Жұмекен Нәжімеденов, Н.Назарбаев, Шәмшә Қалдаяқов)

2. 8 ғаламшарды ретімен ата. (меркурий,шолпан,жер марс,юпитер сатурн,нептун,уран)

3. 4 теңгеден 8 қалам алдым. Мен неше теңге сатушыға беремін? (32тг)

5. Зат есімнің қандай түрлері бар? (көпше,жекеше түрі)

2-жүргізуші: Осымен білімділер сайысы өз мәресіне жетті. Әділқазылар бағасы.

Келесі 4 кезеңімізде қыздарымыздың өнерін тамашалайық. (Қыздар өз өнерлерін көрсетеді)

1-жүргізуші: 5 кезең «Жалғасын тап» мақалдар айту.

Ана алдында — құрмет, ........... Ата алдында — қызмет

Ағайын алтау. ....... Ана біреу

Ананың сүті—бал,............ Баланың тілі — бал

Ана сүтін ақтамағанды................. ешкім мақтамайды.

Баласыз ана — ....................гүлсіз алма.

2- жүргізуші: Табылар білім болса бар асыл да,

Кезек келді қазылардың бағасына

Жақсы екен бата алған аналардан

Қазылар бұл байқауды бағалаған-деп әділқазылар алқасына сөз беріледі.

Мұғалім: Талдай бой берсін,

Сұңғыла ой берсін

Жаздай жамал берсін,

Қардай жанар берсін!

Анаға шуақ болыңдар,

Ағаға қуат болыңдар,

Нәзік жанды болыңдар,

Елінің ары болыңдар,

Басына өнерден бақ қонсын

Ақ орданың шамы болыңдар-деп бүгінгі байқауды аяқтай отырып, құрметті қыздар мақсат жеңу емес,қатысу демекші, сіздерге зор денсаулық, бақыт,оқуда озат болуларыңа тілектеспіз,ата-аналарыңның сүйікті де сүйкімді…