Каля-Маля 2-сыныпқа арналған сыныптан тыс жұмыс

Тақырыбы: «Каля-маля»

Мақсаты: балалардың әшекейлеу қабілетін, шығармашылық ойлауын, жұмыс істеу машықтарын дамыту; эстетикалық сауатты көрерменді тәрбиелеу;

Көрнекі-құралдары: плакаттар, сайыстың аты, киім үлгілері, ермексаз, түрлі түсті қағаздар, түрлі-түсті қарындаштар

Барысы: Кел, балалар, келіңдер,

Тамашаны көріңдер.

Бізде қызық ойын бар,

Барлығын ден қойыңдар,

Ойнаңдар да, ойлаңдар,

Думандатып тойлаңдар! -

дей отырып, «Каля-маля» сайысына қош келдіңіздер.

Әділ-қазыларды сайлап, таныстыру:

Әрбір сайысты бағалайтын

Оңды-олға, солды-солға жағалайтын

Ақты ақ деп бағалар

Біздің әділ-қазылар.

Бізді бүгін олар қуантар

Шеберлігімен, өнерімен,

Дарынымен, бірлігімен

Таныстырайын баршаға,

Қарсы алыңыздар қуана!

1 айналым: «Мен кіммін?»

Ұқыпты жасап,

Бір-біреулеріңді қолдап,

«Мен кіммін?» сайысында

Өнеріңді көрсет бұл жұртқа

2 айналым: «Дизайнер»

Тақпақты да жазамыз,

Әнге, биге баптаймыз

Дизайнер болуға да

Әр қашанда дайынбыз.

Қатысушылар тапсырманы орындап болғанша, көрермендермен ойын ойнау: сол қолмен қоянның суретін салу.

3 айналым: «Дақ»

Бағын сынап, ой шыңдар

Қане тағы қайсың бар?

Әдемі сурет шығарсаң

Тамып қалған дақтан.

Көрермендермен сайыс өткізу: кім аяқталмаған суретте не бейнеленгенін жылдам анықтап, әдемі сурет салады?

4 айналым: «Шеберхана»

Әр қыз бала қалаған,

Ермексаздан жасалған,

Бұйымдары жарасқан

Шеберханадан шыққан.

5 айналым: «Ыдыс-аяқ зауыты»

Уа, халайық, халайық!

Қол шеберін байқайық

Кез келген заттарды

Сәндей алама, қарайық.

Көрермендермен ойын: бүктеу арқылы бірнеше адамды және жетектесіп тұрғандай етіп жасау керек. Қайшымен тек бір рет қана кесуге болады.

Әділ-қазыларға сөз беру, жеңімпаздарды анықтау, марапаттау.