Ең тапқыр тәрбиеленуші мектепке дейінгі тәрбиеге арналған

Шағын орталыққа арнау

Шығыс елім қақпасынан ашылған,

Күн шуағы бізге алғаш шашылған

Қорғас орта мектебінің жанынан

«Таң нұры» шағын орталығы ашылған.

Ол орталық балалардың мекені,

Күлкісіне баланың не жетеді,

Ойын күлкі күмбірлейді күй болып

Әрбір күні мәз-мейрам боп өтеді.

Жаттығуын жасайды таңда келіп

Тәрбиеші апайға олар еріп.

Асын ішер асықпай,сосын сабақ,

Ойын ойнап бақшаға көрік беріп.

Бұл өмірге кеңейтіп танымдарын,

Сандарменен пішіндерді танығаны.

Түрлі түсті бояуларды ажыратып,

Би билеп,әнін айтып жамырады.

Әдемі етіп суретті де салады,

Әріп жазып қолға қалам алады.

Саяхаттап ертегілер еліне

Әрбір күні серуенге де барады.

Түскі астан соң барлығы да жатады,

Қалғып бәрі тәтті ұйқыға батады,

Оянғансоң барлығы бір топталып

Асыр салып ойынға олар батады.

Кеш батқанда қимай балабақшасын

Әзер жабар балабақша қақпасын.

Балаларым өткізеді осылай

Айларымен, күндерін де аптасын.

Корғас орта мектебі

шағын орталығының тәрбиешісі

Г.С.Тажиева.

Жиырма жасқа келді міне Астана!

Тоқсан сегіз астананы Ақмолаға көшірдің,

Содан бері жас баладай мәпеледің өсірдің.

Ел басына сан мың алғыс айтады елі бүгінде

Әсем қала салып берген жағасына Есілдің.

Бүгінгі күн жиырма жасқа келіпті сол Астана,

Туған күнің құтты болсын елімдегі бас қала!

Бар әлемді тамсандырып сән-салтанат құра бер,

Өсіп өніп көркейе бер Ел ордамыз жас қала!

Есілдейін ерке өзен екі жағын жалғаған,

Бар әлемге Астанамның аты биік самғаған.

Еліміздің даласына көрік беріп өсе бер

Талай ғасыр қазағымның батырлары қорғаған

Сары арқадай кең далада жарқырай бер Астана,

Қазағымның мақтанышы болып келген басқала.

Жас ұрпақтың арманы боп гүлдене бер өсе бер,

Көзайымы қазағымның арман қала Астана!

Тәуелсіз ел бесігінде тербетілген жас қала,

Тал шыбықтай кербез ару бой жете бер бас қала,

Қиындықтың басқа түскен бәрін жеңген бастағы

Егемен ел батырындай ер жете бер Астана!

Атақ даңқың қыран құстай шарықтасын бас қала,

Тарихыңда ғасырларға жалғассыншы жас қала.

Отанымның жүрегі сен ел ордасы Астана,

Тәуелсіз ел тірегі сен Ару қала Астана!