Энергияның сақталу заңы 9 сынып ашық сабақ жоспары

ЭНЕРГИЯ. ЭНЕРГИЯНЫҢ САҚТАЛУ ЖӘНЕ БІР ТҮРДЕН

ЕКІНШІ ТҮРГЕ АЙНАЛУ ЗАҢЫ.

Күлсара Шамшенқызы Құлмағанбетова

С.Ерғалиев атындағы орта мектебінің

физика пәні мұғалімі.

Бейімбет Майлин ауданы, Қостанай облысы.

Сабақтың мақсаты:

Білімділік: Механикалық энергия және оның түрлерімен таныстыру, анықтама беру.

Оқушының өз бетінше жұмыс істей алу мүмкіндігін дамыту, оқу материялын өңдеудің жекеленген тәсілдері арқылы жұмыс істей білуге үйрету.

Дамытушылық: Есте қалдыру, шапшаң ойлау қабілеттерін дамыту.

Тәрбиелік: Ғылыми дүниетанымын арттыру, алған білімді өмірде пайдалана білу, өз бетінше ізденуге дағдыландыру, еңбекке баулу, ғылымға қызығушылығын арттыру.

Сабақтың типі: Жаңа білімді меңгерту.

Сабақтың түрі: Дәстүрлі емес сабақ.

Сабақтың көрнекілігі: Интерактивті тақта, дербес компьютер, РASPQRT XpIorer GLX PS-2002, қозғалыс сенсоры PS-2103, штатив.

Сабақтың барысы:

І.Ұйымдастыру кезеңі. Оқушылардың сабаққа қатысуы, даярлығы, шағын топтарға бөлініп отыруы.

ІІ.Үй тапсырмасын сұрау:«Ұшқыр ойдан –ұтымды жауап»(сұрақтар беру арқылы)

ІІІ. Жаңа сабақты меңгерту.

А) «Ой қозғау» Ой қозғау арқылы жаңа тақырыпты ашу.

Мақал

От жанды жылытады.

Жақсы сөз тәнді жылытады.

Енді «Жуан» және «Жіңішке» сұрақтар беру арқылы жаңа тақырып бойынша постер қорғау.

В) «Қызығушылықты ояту» (РASPQRT XpIorer GLX PS-2002, қозғалыс сенсоры PS-2103) аспаптармен көрсетілім.

металл шардың жоғарыдан төмен түсіп келе жатқан суреті көрсетіледі.

Тапсырма: Дененің күйі, жағдайы қалай өзгереді?

Серіппеге ілінген жүктің қозғалысы.

С) Мағынаны тану.

Негізгі тапсырма жазылған қағаздар әр топқа бөлініп беріледі. Әр топ оқушысы берілген тапсырма мәтінімен танысады.

І топ тапсырмасы

Сіз, күйлі - қуаттысыз ба?

Энергия – қандай ұғым?

Механикалық күй дегеніміз не?

ІІ топ тапсырмасы

Механикалық энергия дегеніміз не?

Механикалық энергияның қандай түрлері бар?

ІІІ топ тапсырмасы

Толық механикалық энергия деп нені айтамыз?

Энергияның сақталу заңының мәнісі неде?

ІҮ.Топты құрастыру «Қас- қағым сәт»

Жұптаса отырып шағын топ ішінде тапсырманы талдау, бір-біріне айтып беруі, дайындығы.

Әлеуметтендіру (социология) кезеңі.

a) Оқушылардың алған тапсырмасы бойынша араласып отыруы.

b) әр топтан келген оқушы өз білімін ортаға салып, топ ішінде толық әңгіме құрастыру.

Ү. «Тапқыр болсаң -тауып көр» сандық, сапалық , логикалық есептер шығару.