Энергияның сақталу заңы бойынша 9 сынып ашық сабақ

Сыныбы: 9 «А»

Сабақтың тақырыбы: Энергияның сақталу және бір түрден екінші түрге айналу заңы

Сабақтың мақсаты:

Энергия – физикалық шама екендігін, энергияның түрлері туралы түсінік беру. Энергияның түрлерін бір-бірінен айырмашылығын, формуласын білуге үйрету. Энергияның түрлері арқылы табиғаттағы энергия жоғалып кетпейтінін, жоқтан пайда болмайтынын және ол бір түрден екінші айналатынын ұғындыру.

Күтілетін нәтижелер:

Энергия – физикалық шама екендігін, энергияның түрлері туралы түсінді. Энергияның түрлерін бір-бірінен айырмашылығын, формуласын біліп, үйренді. Энергияның түрлері арқылы табиғаттағы энергия жоғалып кетпейтінін, жоқтан пайда болмайтынын және бір түрден екінші түрге айналатынын ұғынды.

Қолданылатын әдіс – тәсілдері:

«Қабырғадағы роль» әдісі, «Құпия зат» әдісі.

Ресурстар:

Флипчарт, маркерлер, слайдтар, теледидар, оқулық, А4 парағы

Мұғалімнің іс-әрекеті

Оқушының іс-әрекеті

Ұйымдастыру кезеңі (3 мин.)

а)Оқушылармен сәлемдесу, түгендеу.

ә) Оқушылардың сабаққа дайындығын тексеремін.

б) Ынтымақтастық атмосферасын құра отырып, оқушыларды энергияның атауы және түрлері арқылы топқа бөлемін.

Оқушылар ынтымақтастық атмосферасын құрып, энергияның қима қағазда жазылған формуласын алып, атауын айтып, атауы, түрлері бойынша 4- топқа бөлінеді:

1. Энергия

2. Кинетикалық энергия

3. Потенциалдық энергия

4. Толық механикалық энергия

Үй тапсырмасын тексеру, сұрау (15 мин)

Оқушылардан үй тапсырмасын «Қабырғадағы роль» әдісі арқылы сұраймын.

Оқушылар үй тапсырмасына «Қабырғадағы роль» әдісі арқылы жауап береді. 4-топқа тақтаға 4 – флипчарт іліп қоямын, флипчартта сұрақтар беріледі. Сұрақтарға жауап береді.

Жаңа сабақ (20 мин)

Энергия- физикалық шама. Оның екі түрі бар: кинетикалық және потенциалдық энергия. Өзара әрекеттесетін денелер жүйесінің потенциалдық және кинетикалық энергияларының қосындысы жүйенің толық энергиясын Етолық береді: Етолық = Ек + Еп.

Денелер жүйесінің кинетикалық және потенциалдық энергияларының қосындысы толық механикалық энергияны беретіндіктен, бұл заңды былайша тұжырымдауға болады: бір-бірімен тартылыс және серпімділік күштері арқылы әрекеттесетін денелердің тұйық жүйесінің толық механикалық энергиясы өзгеріссіз қалады:

Етолық = Ек + Еп = const.

Энергияның сақталу заңын жалпылама түрде былайша тұжырымдауға болады: табиғаттағы энергия жоғалып кетпейді және жоқтан пайда болмайды, ол тек бір түрден екінші түрге айналады. Энергияның басты қасиеті, осы.