Ер есімі ел есінде атты тәрбие сағаты 9 сынып

Сабақтың тақырыбы: Ер есімі-ел есінде

Сабақтың мақсаты: 1941-1945 жылдардағы Ұлы Отан соғысы туралы оқушыларға түсінік беру. Сөздік қорын молайтып,нақты деректерге сүйене отырып,ой-өрісін дамыту.Герман фашизмінің әділетсіз,қатігез болғандығын айту. Отандастарымыздың жанқиярлық ерлігін шынайы әңгімелеу.Өз отанын және Отанды қорғаған ерлерді құрметтеуге патриоттық сезімін тәрбиелеу.

Көрнекілігі: батырлардың суреттері, әдеби кітаптар,ТСО,слайдтар.

Сабақтың барысы:Ұйымдастыру кезеңі,безендіру ,портреттерді ілу.

Әнұран

Кіріспе:

1 жүргізуші:

Сәлеметсіздер ме құрметті ұзтаздар,оқушылар. Бүгінгі «Ер есімі-ел есінде» атты тәрбие сағатымызды ашық деп жариялаймыз.

Халықтың қалыпты өмірін,тіршілігін күрт өзгерткен қатерлі де қаһарлы,қатал да, ауыр кезең туды. Фашистік Германияның негізгі мақсаты Кеңес одағын жаулап алу еді.Осы мақсатын орындау үшін «Барбаросса» жоспарын жасады. Оны Германияның басшысы 18 желтоқсанда 1940 жылы Гитлер бекітті.

2 жүргізуші:

1941 жылы маусымның 22 күні, күн сәскесі түскенде кенет радио көңілді музыканы кілт үзіп, Москвадан неміс фашист жендеттерінің соғыс жарияламастан елімізді басып кіргені жөнінде қаралы хабар таратты.Сөйтіп, Ұлы Отан соғысы басталды.Ел тыныштығын бұзған бұл өрескел жағдай рухани сананы билеп алды.

Ашу мен ыза кернеген Отандастарымыз жауға тойтарыс беріп оларды жер бетінен аластатуға бел байлады. Міне осылай, Ұлы Отан соғысы басталды. Ұлы Отан соғысы төрт жылға созылды.Ол сұрапыл соғыс біздің жерімізге орасан зор шығын мен қиындықтар алып келді.

Мунира:

Бүгінгі бейбітшілік заманда өмір сүріп болашақ үшін белсене еңбек етіп жатқан азаматтар осынау шат заманның бірден орнай қалмағанын жақсы біледі.

Сания:

Сонау,1941 жылы Германия жендеттері біздің елімізге баса көктеп кіріп, Отанымыздың бостандығына қауіп төнген шақта туған еліміздің, халқымыздың тәуелсіздік жолында Кеңес адамдарды ерлік пен қаһармандықтың тамаша үлгісін көрсетті.

Бақдәулет:

Ұлы Отан соғысындағы ерекше ерлігі үшін Қазақстанның 369 жауынгеріне «Кеңес Одағының Батыры» атағы берілді.

Оразкүл,Ұлбосын

Ән: «Мәншүк»

Жансая:

Тағы басқа 91 әйелге «Кеңес Одағының Батыры» атағы берілді. Олардың ішінде қазақстандық қос жұлдыз Мәншүк Мәметова мен Әлия Молдағұлова бар.

Бағлан:

Осы соғыста бүкіл жер шарының 50млн-нан астам адамы құрбан болса,біздің

еліміздің 20млн-ға жуық азаматы өз елінің бостандығы мен тіуелсіздігі үшін өмірлерін құрбан етті.

Мейіржан:

Жаралғандай жалыннан,

Жайсаң батыр-Бауыржан.

Естігенде есімін

Жау есінен жаңылған.

Бұзып-жарып қоршауды

Жолсыз жерден жол салған.

Ұлжан:

Оқ борады күн-түні,

Жатты жерді от қарып.

Алға қарай ұмтылды

Батыр қазақ Тоқтаров.

Туын жықпай қолдағы

Опат болды ел үшін

Кеудесімен қорғады

Ұлы Отан жеңісін.

Ұлбосын:

Жер мен көктің арасын

Шарпығанда қалың өрт

Әлия орыс қаласын

Азат етіп болды мерт.

Ол Жеңісті көрген жоқ,

Келді кейін азат күн.

Бірақ мәңгі өлген жоқ

Батыр қызы қазақтың.

Сания:

Отан үшін жандарын пида еткен, аталарымыздың рухы алдында бас иеміз!

Жасұлан:

Дәл осынау жадыраңқы мамыр күні,

Болсадағы қай ғасырдың,қай жылы

Ұлы Отаным басын иіп бір минут

Есіне алмақ сол бір опат қайғыны.

Мейіржан: Мәңгілік алау.

Отан үшін мерт болғанды танып біл,

Оларды әсте ұмытпайды халық бұл!

Ерлік даңқы ешқандай өшпейді,

Батырлардың жүрегі от боп жанып тұр!

Олар-сенің таңғы шапақ нұрың ғой,

Олар-сенің мәңгі асқақ жырың ғой!

Мәңгі алауға жиі барып әрдайым,

Бас киімді қолыңа алып,гүлің қой!

Қара бұлтқа оранбасын Күн көкте

Барлық халық бейбіт өмір сүрмек де!

Отанының бақыты үшін мерт болған,

Батырларды есіңе ұста құрметте!

Ән: Хор: «Көгершін»

Көрініс: «21 июнь 1941ж»

21 маусым күні Оқушылардың мектеп бітіру кешінен қайтып келе жатқан сәті. Кенет радиодан:»тыңдаңыздар, тыңдаңыздар! Сөйлеп тұрған Москва!1941 жылы 22 маусым фашистік Германия тұтқиылдан соғыс жариялап, елімізге басып кірді.»1 әйел: Оразкүл «Соғыс, соғыс дейді, естідіңдер ме? Сұмдық-ай енді қайттық? Күніміз не болар екен?»2 әйел: Сәния «Қойыңдар жамандық шақырмай. Ел шетіне жау тисе, арқа сүйер азаматтар бар емес пе?»1 азамат: БекжігітАт басына күн туса,Ауыздықпен су ішерЕр басына күн туса, етігімен су кешер – деген бар емес пе, жыламаңдар, жастарыңды тиыңдар?1 жүргізуші:Уа, халқым!Күн туды сенің басыңа,Жау кірді сенің жеріңе,Сұм фашистен қорғауға,Аттан, халқым майданғаАсқар:

«Алар жау сыбағасын оңбай бізден»,ШығамызСоңғы күшпен,Соңғы айбынмен,Қорғаймыз байтақ елді,Өйткені оныӘр ұрпақ өз тұсында қорғай білген.

Бәрі: Отан үшін аттанайық!

Асқар:

Коммунистік партия мен Кеңес халқы тәрбиелеген 28 батыр Отанымыздың жүрегі Москваға жаудың бірде-бір танкісін,бірде-бір солдатын жібермей қорғап қалды.

Қымбат:

Тастар көкке атылды

Орман шулап,тау құлап

Жиырма сегіз батырды,

Жеңе алмады жау бірақ.

Бектөре:

Жамылды жер тұманды

Өрт ішінде қалды бақ.

Жиырма сегіз қыранды

Жеңе алмады жау бірақ.

Х.Арай:

Жау жеңілді ақыры,

Атты бейбіт таң күліп.

Жиырма сегіз батырын,

Ұмытпайды ел мәңгілік!

Мунира: