Ер есімі ел есінде тақырыбындағы мақала

ЕР ЕСІМІ – ЕЛ ЕСІНДЕ!

Ұлы Жеңістің 75 жылдығы да жақындап келеді. Уақыт өз дегенін жасайды. Жыл өткен сайын бізге Ұлы Жеңісті сыйлаған ардагерлеріміз бен тыл жұмыстарында аянбай тер төккен жандардың қатары сиреп барады. Сондықтан Ұлы Жеңістің ардагерлерін – майдангерлерімізді сыйлап, құрметтеу, оларға қамқорлық жасау басты борышымыз!

Ұлы Жеңіс күнінің мән мағынасы уақыт өткен сайын еш өшпек емес, себебі оның құндылығы ғасырлар бойы жас буынға өсиет болып қалары анық. Ұлы Отан соғысының қатпарлы парақтарына үніліп қарасақ, қазақтардың қанды қырғында қаймықпай соғысқанына тарихтардан ашық көзіміз жетеді. Сұрапыл соғыс жылдарында өскелең ұрпақтың болашағы үшін білек сыбана еңбек етіп, барлық саналы ғұмырын елдің игілігіне арнаған үлкен атам жайлы марқая,мақтанышпен айтқым келеді.

Ұлы Отан соғысына қатысқан Калжапбар Егеубаев (1904-1978 жж.). Атам елінің асыл қазынасы, шаңырағымыздың берекесі, ұлтының ардақты азаматы, халқына қалтқысыз еңбек етті десем артық айтқандық емес шығар. Соғыс басталған алғашқы жылдары броньмен балық аулауға қалдырса да, ұрпағының бейбіт заманда өмір сүруі үшін өз еркімен Ұлы Отан соғысына еш ойланбастан ұрысқа 1942 жылдың 4 маусымында аттанды. Айқас алаңдарында өшпес ерлік жасап, соғыс даласында 1418 күні мен түнін 1054 атқыштар полкінің құрамында өткізген. Жау танктері мен немістердің психикалық шабуылына тойтарыс берудің не екенін түсініп, дене жарақаттарында алған. Украина, Кавказ, Кубань, Тамань, Варшава өлкелерін азат етуге және Берлинді алуға қатысқан. Осындай ерлік көрсетіп, соғысқа қатысып, ерен еңбегінің арқасында бірнеше «Алғыс хат", 10-ға тарта медальдарымен, 30-ға таяу "Мақтау" кагаздарымен марапатталып, Ш-дәрежелі Отан соғысы, П-Ші дәрежелі "Даңқ" ордендерінің иегері атанған. Осыдан біраз жылдар бұрын Москва қаласының архив бөлімдерінен Қалжапбар атамыз жайлы деректерде табылған. Көзі тірісінде табиғатынан көп сөйлемейтін, тұйық мінезді атам тіпті Ұлы Жеңіс күндерінде де омырауына әлекей-шүлекей етіп алған орден, медал

«Ата, сіз де ел құсап катысканыңыз жайлы айтып, жұртпен неге бөліспейсіз?" деген сұрақтарға, "қойшы, балам, Отанға қауіп төнгенде қарап калмау, сонау бабалардан бері келе жаткан үрдіс емес пе, оған несіне мақтанайын, 15 жастан (көбі соғысқа бару…