Ер есімі ел есінде тақырыбындағы мақала, 2 бет

ЕР ЕСІМІ - ЕЛ ЕСІНДЕ

Бүгінгі күнді түсініп-түйсіну үшін де, болашақтың дидарын көзге елестету үшін де кешегі кезеңге көз жіберуіміз керек. Тарихты білмей болашақты бағдарлау мүмкін емес!

2018 жылдың қазан айының бірінші жұлдызында Кеңес Одағының екі мәрте Батыры Сергей Данилович Луганскийдің туғанына 100 жыл толып отыр. Осыған орай Медеу ауданы ардагерлер кеңесінің төрағасы Серикбаев Ким Серикбаевичтің бастамасымен Д.Снегин атындағы №30 мектеп-гимназиясының директоры Ережепова Галия Батихановнаның ұйымдастыруымен іс-шаралар атқарылды.

Екі мәрте Кеңес Одағының Батыры С.Д. Луганский - Д.Снегин атындағы №30 мектеп-гимназиясының түлегі.Ол 1936 жылы аталып отырған оқу ошағын тәмәмдап және бақташы болып жұмыс істеп, осы жылы Қызыл Әскер қатарына қабылданып,комсомол жолдамасымен Орынбор әскери ұшқыштар мектебіне жіберіледі... .

Міне,осындай елін қорғаған батыр азаматымыздың 100 жылдық мерей тойын және қарттар күнін атап өтуді қыркүйек айыннан бастап кеттік. 21.09.2018 директордың тәрбие ісі жөніндегі орынбасары Жиганбаева Мадина Кенжебековнаның ұйымдастыруымен мектебіміздің 9 «Б» және 10 «А» сынып оқушылары С.Д. Луганский атындағы көшеде тұратын тұрғындарға ардагерлер кеңесінің дайындаған таныстыру әрі шақыру хаттарын шын көңілден таратып шықты.

Екі мәрте Кеңес Одағының Батыры С.Д. Луганскийдің дүниеге келген күні және қарттар күні Медеу ауданының әкімшілігі, Алматы қаласының ардагерлері және Д.Снегин атындағы №30 мектеп-гимназиясының әкімшілігі, мұғалімдері мен оқушылары Отанымызды қорғаған азаматымыздың ескерткішіне гул қою рәсіміне қатысты. Осы іс-шарадан соң білім ордамыздың оқушылары Медеу ауданының ардагерлерімен бірге С.Д.Луганскийдің тұрған үйінің сыртындағы ескерткіш тақтасына гүл қойып,батырдың өмірі жайлы сұхбаттасты.

Осыдан соң білім ордамызға қайта оралып, «Подвигу жить веках» атты кешімізбен жалғастырдық. Аталған іс-шараға Алматы қаласының ардагерлері,Медеу ауданының ардагерлері, Медеу ауданының қызметкері Жұмагүл Бекпенқызы қатысты. Мектеп әкімшілігі, мұғалімдері ,оқушылары ауызбірлікпен атсалысып, өз өнерлерін ортаға салды. Мектебіміздің қабырғасында осындай азамат білім алғанын мақтанышпен жар салдық!

Біз қарттарымызды мерекелерімен құттықтап, өткенімізді еске сала отырып келер ұрпаққа өнегелі тәрбие бердік демекпін.

Елбасымыз Н. Ә. Назарбаев «Өз тарихын білмеген халық, өзін де сыйламайды» деген. Сондықтан әр қайсымыз өз еліміздің тарихын әрқашанда жадымызда сақтап, мақтан етейік!