Ер есімі ел есінде кездесу кешінің сценарийі

Тақырыбы Ер есімі- ел есінде

Мақсаты: Ұлы Отан соғысы, оның зардаптары, Ұлы Жеңіс туралы мағұлмат беру. Отан үшін жан қиған аталар мен апалардың, соғыстан оралған, қазіргі кезде арамызда жүрген ардагерлеріміздің ерлігін үлгі ете отырып, оларды құрметтеуге тәрбиелеу.

1-Жүргізуші-

: Армысыздар, құрметті қонақтар, оқушылар, ! Әрқайсымыз үшін жақын әрі қымбат мереке Жеңіс күні де келіп жетті. Жеңіске жету жолында қазақстандықтардың асқан ерлігі мен әскери жанқиярлығы Отан соғысы тарихындағы жарқын беттерге айналды. Сондықтан бұл күннің маңызы өте жоғары. Жеңіс үшін шыбын жандарын құрбан еткен бірнеше миллиондаған адамдардың есімдерін есте сақтап, 1418 азапты күн мен түнді болашақ үшін ерен еңбекпен, қайсар ерлікпен өткізгендерін ұмытуға болмайды. Ендеше, бүгінгі «Ер есімі – ел есінде» деп аталатын кездесу кешіміз Жеңіске, Жеңіс себепкерлеріне арналады.

2-жүргізуші

Төрт жыл бойғы қанды қырғыннан кейін, қырық бестің көктемінде дүние жүзі халқы бостандық алды. Халық Отан ұғымын терең сезіне түсті. Ерлік пен еңбек жеңіп шықты. «Ешкім де ұмытылмайды, ештеңе де ұмыт қалған жоқ». Осынау сөздер Жеңіс күнін мерекелеу кезінде жиі айтылады. Осынау сөздер соғыстан қаза тапқандар ескерткішіне де қашалып жазылған. Бұл ұлы жеңіс ұлтымыздың жадында мәңгі қалмақ. Соғысқа қатысушылар ерлігі еш ұмытылмас. Батыс шекарада алғашқы соққыны күтіп алған сарбаздар ішінде отандастарымыз да болған. Жауды жеңу үшін барын аямай, жеңісті жақындату жолында қаза болды. Соғыстың соңғы күндерінде де Қазақстаннан шыққан жауынгерлер алдыңғы шепте болған. Рейхстагқа ту тіккен Рақымжан Қошқарбаев та бәрінің есінде қалды.

Жүргізуші

Брест қамалын қорғаушылар арасында шекарашылар,атқыштар,пулеметшілер, минометшілер,зеңбірекшілер болған. Қазақстандықтар Мурманск, Одесса және Севастополь қалалары үшін болған шайқастарға қатысқан.Сондай-ақ Қазақстаннан майданға аттанғандардың ішінде партизандық күреске белсенді араласқандары да бар. Тек Ленинград облысындағы партизандық қозғалыстың өзінде 220 қазақстандық болған. Смоленск облысында – 270, Украина мен Белорусияда – 3000-нан астам жауынгер партизан болып жауға қарсы шайқасқан.

Жүргізуші

Ұлы Отан соғысының 11600 жауынгері Кеңес Одағының батыры алса, оның 497-і қазақстандық болған. Қазақстандықтар ішінен Кеңес Одағы батыры атағын ең бірінші болып 19-шы танк дивизиясының генерал-майоры К.А.Семенченко алды. Батыр атағын екі мәрте алған 4 қазақстандықтар да бар.КСРО ордендері мен медальдарының кавалерлері атағын алғанлар да болған.Олай болса осы Қазақстандық батырлар туралы шағын видеоролик көрейік «Қазақстан батырлары»

Жүргізуші

Соғыстың шарпыған жалынын тоқтату жолында көптеген азаматтар қаза болды. Бірақ олардың алып берген жеңісін кейінгі ұрпақ бағалауда. Аспан әрдайым ашық болу үшін барлық күштерін сарп еткен азаматтарға мың да бір алғыс. Ұлы жеңіс кейінгі ұрпаққа аманат!

Қалбай

Жеңіс деген жақсылықтың сыңары,

Жігер менен құштарлықтың құралы.

Күрескердің арманы мен ұраны,

Қуаныш пен мерекенің бұлағы.

ЖанатбекБейбітшілік деп салған,Халықтардың ұраныҚара күшке жұмсалғанЕл жеңімпаз құралыТаң шапағы атқандаСерпілмейтін күн бармаӘділеттік қашан даЖеңбей қалған күн барма

ЕсетАйқаста жаудың алқымын сыққанАқжолға қимай намысты елінТөлеген, Мәншүк, Рақымжан шыққан

Қазақстан Республикам менің1 - жүргізуші:Ерлік өлмейді, ер ұмытылмайдыАрдагер ағалар, еске алар өткендіӨмір үшін мақтан етсін ұрпақтарыЖеңіс алып еліне жеткендерді

2 - жүргізуші:Ұрпақтардың тірегісің қашаннан,Өнегеңнен өркен жайды жас арманЖүректерге шуақ нұрын шашатынҰлағатыңнан бала көңіл жасарған

Жүргізуші

Соғыс жылдарында айырықша көзге түскен ақындардың бірі – Нұрсұлтан Жұбатұлы. Ауылда мұғалім болып істейтін сауатты кісі болған. Оның майдан даласынан оралмай қалған батырдың бірі Үсенбай Түктібаевтың анасы Наурызбикеге арнап жазған «Майданнан хат» атты толғауы осы күнге дейін ел есінде. Енді осы толғаулан үзінді тыңдап көрейік.

Заманбек: «Майданнан хат» (үзінді):

Хат жазамын майданнан,

Мейірімшіл ғазиз-анама

«Жақыным-жарым» дегенмен,

Анаңдай жақын бола ма?

Көңілінде тілек, көзде жас,

Екі қолың жағаңда.

Қасірет шегіп, қан жұтып,

Сарғайдың ба жан ана?

Сағынған соң мен ойлап,

жүрегің оттай жана ма?

Ет бауырың елжіреп,

Қайғыра берме балаңа.

Сабырдың суын бере көр,

Жаныңдаға жараңа.

Ажалсыз адам өлмейді.

Мезгілсіз шөлмек сына ма?

Ердің басы ел үшін,

Арыма жаным садаға.

Бұлт жамылып қар төсеп,

Мен жатырмын далада.

Жүргізуші

Осы хат секілді жауынгерлердің жазған хаттары өте көп, оның әрқайсысы бір тарих,бір тағдыр. Оның бәрін оқып отыру мүмкін емес.

Бекарыс

Елге қауіп төнбесін,

Егестен адам өлмесін!

Есен – аман болайық,

Енді соғыс болмасын!

Өртенбесін туған ел!

Шайқалмасын асқар бел!

Шайқалмасын шалқар көл!

Жүргізуші

Қазіргі Жамбыл облысы, Жуалы ауданы, Көлбастау ауылында туған. Жеті жылдық мектеп бітірген соң біраз уақыт мүғалім болып істейді. 1932 жылы әскер қатарына шақырылады. Міндетін өтеп, запастағы командир атағын алып ауылға оралғасын қаржы орындарында жұмыс істеген. 1936 жылы кайтадан Қызыл Армия қатарына шақырылып, түрлі әскери бөлімдерде қызмет еткен, взвод, рота командирі болған. 1941 жылы Ұлы Отан соғысы басталысымен даңқты генерал-майор И.В.Панфиловтың басқаруымен Алматы маңында жаңадан жасақталған 316-атқыштар дивизиясының құрамында майданға аттанған. Соғыс жылдарында батальон, полк, дивизияны басқарды.

Айтыңдаршы достар, бұл кім болды екен ?

-Әрине бұл Бауыржан атамыз еді.