Ер қанаты – ат әкелер сағатының жоспары, 5 сынып

БҚО, Казталов ауданы,

Қараоба ауылы, Ғ.Қараш атындағы мектеп-гимназиясының тәрбие ісі жөніндегі орынбасары Ажимгереева Мейрамгул Адилбеккызы

Тақырыбы: «Ер қанаты - ат» әкелер сағаты

Мақсаты: мектеп пен отбасы арасындағы ынтымақтастықты дамыту, халықтың дәстүрлері мен салттарын өскелең ұрпаққа насихаттау, әкелер беделін арттыру.

І. Ұйымдастыру бөлімі

(Әкелерді тізімдеу,хабарлау, шақыру)

ІІ. Әкелерді қарсылау. Ашылу салтанаты.

ІІІ. «Ұлы дала жаңғырығы» ел арасында дәстүрлі салт пен ғұрыпты ұстанып, қазақы болмысты насихаттап, үйретіп келе жатырған әкелердің тәлім сағаты.

ІҮ. «Ер қанаты - ат» 12-15 жас аралығындағы жасөспірімдер арасында тай жарыс.

Өту барысы.

Жүргізуші: Қайырлы күн ардақты әкелер, ұлағатты ұстаздар, және оқушылар! «Асқар тау» әкелер клубы мүшелерімен қолға алынып отырған «Ер қанаты - ат» атты әкелер сағатына қош келдіңіздер! Әкелер сағатымызды бастамас бұрын ортамызды шеңбер етіп құрып ұйымдастыру тренингіне кезек берелік. Бүгін әкелер қауымы болып «Құндылықтар әліппесі» жаттығуын орындаймыз.Менің қолымдағы «киіз үй» қобдишасында арнайы әліппе реттілігімен әріптер бар. Әркім өз кезегінде суырған әріпі бойынша бүгінгі әкелер сағатынан алып кететін құндылығы, әсері жөнінде бір ауыз сөзбен сипаттайтын боламыз. Мысалы: «Қ» әріпі түссе « қайсарлық», «Ұ» әріпі түссе «ұлтжандылық», «П» әріпі түссе «парасаттылық» т.б. құндылықтарды атайтын боламыз. Іске сәт!

(Шеңбер бойына құндылықтар әліппесі айтылып шығады. Әр қатысушы пікіріне қол шапалақтап құрмет көрсетіледі)

Жүргізуші: Әке – ұрпақ иесі, панасы, айбары, асыраушысы және тәрбиешісі. Жеті атадан санағанда екінші ұрпақ. Ол тек бір отбасы ғана емес, ауыл, ел қамқоршысы. Атам қазақ бағзы заманнан бала тәрбиесіне бей жай қарамаған. Баланы ертең ел қорғайтын ер, ұлттың намысты азаматы ретінде әділдікке, қайсарлыққа, кеңдікке, ұлттық құндылықтар мен дәстүр ғұұрыптарға тәрбиеллейтін болған. Өмірге келген баланың әрбір сәтті қадамы әке үшін зор мәртебе, үлкен мақтаныш болған. Сондықтан да әке ақылымен жүру, ешкімнің ала жібін аттамай, халық дәстүрі мен ғұрпына үндесе адал ғұмыр кешу баланы тек жақсы болашаққа әкеледі. Назарымызды экранға аударайық.

(Экраннан «Адал ұрпақ» клубының ұйымдастыруымен түсірілген әке туралы видеороликтері көрсетіледі)

Жүргізуші: Керемет!

Әке, сенің жасыңнан асып барам,

Кезі-кезі келгенде тасып та алам.

Кезі-кезі келгенде жасып қалам,

Мына өмірге, бәрібір, ғашық балаң,- деп Мұқағали атамыз жырлағандай қаншама ғасыр өтсе де ұрпақтар сабақтастығы, әкенің жолы ұрпақ тәрбиесінен көрініс таба отырып мәңгілік жалғасын табары хақ. Ұрпақтар сабақтастығы аясында өткелі отырған әкелер сағатының қонақтарына сөз кезегін беруге рұқсат етіңіздер.

Алғашқы құттықтау сөз кезегі мектеп-гимназия директоры Дүйсеков Нұрлығали Сағынғалиұлына беріледі.

Сөз кезегі «Асқар тау» әкелер клубының төрағасы Молдашев Алпамыс Амангелдіұлына беріледі.

Жүргізуші: Ән: «Әкешім»

Орындайтын: Хамитов Есенбек