Ерекше балалардың танымын дамыту әдістері

Ерекше білім беруге қажеттілігі бар балалардың танымдық процестерін дамыту мақсатында қолданылатын әдіс-тәсілдер

Сабақтың мақсаты:

1. Балалардың ойыншықтар туралы ұғымдарын кеңейту. Дыбыстарды дұрыс анық айтуға бейімдеу. Балалардың ойыншықтарға деген қызығушылықтарын арттырып, сүйікті ойыншығын күтіп ұстауға тәрбиелеу. Ойыншықтармен сюжетті-рөлдік ойын ережелері туралы білік, білімдерін пысықтау, молайту. Баланың көріп қабылдау, есте сақтау, ойлау қабілеттерін ойын арқылы дамыту. Байланыстырып сөйлеуге үйрету, сөздік қорын жаңа сөздер арқылы толықтыру.

2. Түстерді ажырата білуін пысықтау, сабақ барысында толық және дұрыс сөйлем құрап жауап беруге машықтандыру. Ойланып толық жауап беруге, зейінділікке тәрбиелеу.

3. Ойыншықтармен күтіп ойнауға және тазалығын бақылауға үйрету. Жеке бас гигиенасын сақтаудың маңыздылығын пысықтау.

Имандылықтың, үлкенді сыйлаудың, ауызбіршіліктің маңызын түсіндіру. Балаларды ұқыптылыққа, тазалыққа бейімдеу.

Көрнекі құралдар: Ойыншық: жануарлар түрлері, Монтессорий кабинетіндегі жабдықтар, суреттер, муляждар, себеттер, үлестірмелі тапсырмалар, ойыншық түрлері;

Сабақтың әдісі: қайталау, сұрақ-жауап, түсіндіру, өз бетінше жұмыс, дидактикалық ойындар арқылы тапсырмаларды орындау.

Сабақ барысы

Әдістемелік түсіндірмелер

І. Ұйымдастыру кезеңі:

Балалар жартылай шеңбер құрып тұрады.

Бір, екі – еңкей,

Бүгілмесін тізең.

Үш – төрт шалқай

Иілмесін тізең.

Қолды көтер аспанға

Саусақты соз, жасқанба.

(Балалар дене шынықтыру жаттығуларын жасайды)

Сәлеметсіздер ме, балалар!

Қонақтармен амандасамыз.

Сәлеметсіздер ме, апайлар!

ІІ. Өткенді қайталау:

Дидактикалық ойын «Ненің дауысы?»

Балалар көрсетіңдерші:

Мысық сүтті қалай жалайды?

Ит қожайынын көргенде қалай қуанады?

Ат қалай дауыс шығарады? (Иго-го) Тұяғымен қандай дыбыс шығарады?

Балалар «Ат шабыс» жаттығуын таңдай қағу арқылы жасайды.

Мысық қандай дыбыс шығарады? (мияу-мияу)

Балалардың көңілін сабаққа аудару

Сабаққа қызығушылықтарын жаттығулар жасату арқылы арттыру. Жануарлардың қимылын қимыл арқылы көрсету. Дыбыстарды, буындарды айту арқылы тілін төсеу. Тілдің қимылы.

Мынау сиыр. Ол қалай мөңірейді? (мө-мө)

Дидактикалық ойын «Төртінші артық» қай сурет артық?

3 суретті 1 сөзбен атауға болады (үй құстары)

ІІІ. Жаңа сабақ:

Балалар бүгін біз «Ойыншықтар көтерілісі»

деген көрініс көреміз. Кейінгі кездері бес жасар Айнамкөз ойыншықтарын жинауды, сындырмай ұстауды мүлдем ұмытты. Қашан көрсең де ойыншықтары ойнаған жерде шашылып жатады. Бір күні кешкісін ойыншықтар Айнамкөзге қатты өкпеледі. Ашуға мінді. Ертеңіне Айнамкөз керуеттің астынан аяғының ғана көрініп жатқан теңбіл-теңбіл кербұғысын тартып шығарды. Сол сол-ақ екен кербұғы көзін алартып, басын тұқыртып, тармақ-тармақ мүйіздерін бұған бағыштап тұра қалды. Ашулы. Оны итере салып, Айнамкөз қуыршағына жармасты. Шашы таралмаған, көйлегі кір-кір оның да ойынға зауқы соқпай, көзі жасаурап теріс айналды. Сүйкімді маймақ қонжық та Айнамкөздің шақырғанына қолын бір сілтеп, манеждің тасасына қарай томпаңдай жөнелді. Оның да реніші орынды, өйткені Айнамкөз қонақтар әкелген кәмпит-күлшемен бөлісуді білмейді. Ылғи бір өзі жейді. Кезек әншейінде ойынға бір қанбай, ылғи ұшып-қонып тұратын допқа келді.…