Ерекше білімді қажет ететін оқушыларға арналған ойындар

«Ерекше білімді қажет ететін оқушылардың таным процесін дамытуда ойын - жаттығулардың әсері»

Сагингалиева С.С.

Подстепный қазақ жалпы орта білім

беретін мектебінің мұғалім - дефектологы

«Ойын баланың алдынан өмір есігін ашып,шығармашылық қабілетін

дамытады,ойынсыз ақыл ойдың қалыптасуы мүмкін емес»

В.А.Сухомлинский

Қазіргі таңда барлық әлем жұртшылығының назарын аударып отырған мәселе балалардың жеке сұраныстары мен ерекшеліктеріне ортаның, отбасының қатысуымен білім беру үрдісіне толық қосуды қарастыратын инклюзивті білім беру. Инклюзивті оқыту – ерекше мұқтаждықтары бар балалардың жалпы білім беретін мектептердегі оқыту үрдісін сипаттауда қолданылады. Демек, инклюзивті оқыту негізінде балалардың қандай да бір дискриминациясын жоққа шығару, барлық адамдарға деген теңдік қатынасты қамтамасыз ету, сонымен бірге оқытудың ерекше қажеттілігі бар балаларға арнайы жағдай қалыптастыру идеологиясы жатыр. Осы бағыт балаларды оқуда жетістікке жетуге ықпал етіп, жақсы өмір сүру жағдайын қалыптастырады.

Ал, біздің елімізде инклюзивті білім беру жүйесінің дамуы туралы ресми дерек «Қазақстан Республикасының Білім беруді дамытудың 2010-2020 жылдарға арналған мемлекеттік бағдарламасында» көрсетілді.

Әрбір педагог өзі оқытып отырған шәкіртінің жеке ерекшелігін ескеріп,

педагогикалық қолдау білдіруі керек.Сонымен қатар әр сабағын қызықты ұйымдастыруда түрлі әдіс-тәсілдерді қолданады.Солардың бірі ойын технологиясы.

Ойын технологиясы:

Оқушы үшін - ақыл-ойы дамиды, оқуға қызығушылығы, белсенділігі, шығармашылығы артады тұлғалық қасиеттері қалыптасады.

Мұғалім үшін - ойын түрінде оқыту жалықтырмайды,оқушы білімінің сапасын арттыруда,сабақты қызықты өткізуге тиімді.

Ата –ана үшін - бала бойындағы жағымсыз қылықтарды, ойын арқылы тәрбиелейді.

Ойын әрекеті сабақ басында –өткен сабақты еске түсіреді,әрі психологиялық дайындық.Сабақ ортасында – көңіл-күйді сергітеді,ерік-жігерін дамытады,сабаққа ынтасын арттырады.Сабақ соңында – тақырыпты бекіту,алған білімді жинақтау мақсатында алынады.

«Кім көбірек» Мақсаты: Ойлауды дамыту. Алфавиттегі кез-келген

әріп таңдалынады,сол әріптен басталатын сөздер атау.

«Не өзгерді?» Әріптерді орнына қойып,жаңа сөздер шығару. Мұрын –бұрын ,орман – арман,бақа - сақа,тақа т.б

«Сөйлем ойла,тез ойла»Мұғалім допты лақтырып,белгілі тақырыпта сөз айтады,оқушы сол сөзді қатыстырып сөйлем ойлап допты кері лақтырады.

«Жұпты таңда» лимон - қышқыл,ал қант-?шілде -жаз,ал сәуір-?

«Балық,құс,аң»Жүргізуші ойыншылардың қасына жаймен барып, «балық,құс,аң» деп айтып келеді де,бір ойыншының жанына келген кезде даусын қаттырақ шығарып «құс» дейді.,сол мезетте ойыншы бірден өзі білетін құстың атын атау керек,білмей қалса ойыннан шығады.

«Кеңістік»Балалардың алдында үлкен бөлменің суреті тұрады.Балаларға шағын суреттер таратылып беріледі,суреттерді орындарына орналастыру сұралады.Мысалы:балықты аквариумға сал,гүлді үстелдің үстіне қой,сөмкені орындыққа қой т.с.с. Ойын жалғаса береді.

«Сөздер жұбы» Мақсаты: есті дамыту.

Жаттығудың жүргізілуі: жұп сөздердің екіншісін есте сақтау. Мысық - сүт,қыс - сырғанақ,өзен - көпір,тіс - щетка

«Тыңда және орында» Мақсаты: есту, моторлы есті дамыту. Жаттығудың жүргізілуі: бірнеше әрекеттерді атап, бірақ оларды көрсетпейді. Бір екі рет қайталауға болады. Балалар бұл…