Ерте жастан ағылшын тілін үйрету туралы баяндама 1 сынып

«Естай Есжанов атындағы №9 орта мектеп» КММ

Турабаева Бахыт Базаровна

ағылшын тілі пәнінің мұғалімі

«Ерте жастан ағылшын тілін үйретудің оқыту мәселелері: оқытудың тиімді әдіс – тәсілдері және оларды шешу жолдары»

Ағылшын тілін білу - бүгінгі қоғамда өте маңызды болып табылады. Түрлі салалардағы халықаралық байланыстар жағдайында ағылшын тілінде сөйлейтін адамдар қажеттілігі ұлғайып келеді. Осыған байланысты мектепке дейінгі және бірінші сыныптан ағылшын тілі оқытыла бастады.

Қазіргі заманда ағылшын тілінің атқаратын объективті рөлін елемеуге болмайды. Ағылшын тілін меңгеру - жұмыспен қамту мәселелері, табысты мансап және кәсіби дамуға әсер етеді, кез келген салада өз қызметінде жоғары деңгейде болуға мүмкіншілік туғызады. Бүгінгі таңда жаһандық мәдениетке көшу - ағылшын тілі арқылы жүруде. Шет тілін практикалық меңгеру - әлемдік нарыққа шығуға қол жеткізуді қамтамасыз етеді, әлемдік мәдениетке баулиды, білім беруді жаңа сапалы деңгейге көтеруге мүмкіндік береді. Шетел тілі жалпы және кәсіби мәдениетті жоғары деңгейге көтеретіні ақиқатқа айналды.

Психологтардың зерттеуінше шет тілін ерте жастан оқыған бала бойында мына қасиеттердің жоғарлайтыны анықталған: жалпы және жеке жұмыс жасауға, қабілетті, салыстыруға, сараптауға, қорытынды жасауға белсенділігі.

Бастауыш сыныптағы баланың ерекшеліктері шет тілін оқытуда төмендегі жағдайларда ажыралып тұрады: тез қабылдауы, еліктеуге бейімділігі, қиялының әртүрлілігі, ойлау, ауызша сөйлеу іскерліктерінің дамуы, танымдық іс - әрекеттерінің басымдылығы, есте сақтауы, қызығушылық қасиетінің молдылығы мен түрлілігі, іс - әрекетті ойын түрінде тез қабылдауы.

Бастауыш сыныпта баланы оқытуда алғашқы кездесетін қиыншылықтар: әріпті танымауы, физиологиялық ерекшелігі, психологиялық ерекшелігі болып табылады.

Басты қиыншылықтарды шешу үшін сабақта төмендегілерді ұйымдастыру маңызды болып табылады: көру, есту, тыңдау, сергіту сәті.

Шет тілін бастауыш сыныптан оқытуды бастау өте маңызды және жемісті, себебі адамның жеке тұлға болып қалыптасуы жас кезінен басталады. 6 - 7 жас дәстүрлі екінші тілді үйрену үшін ең қолайлы кезең болып саналады. Отандық және шетелдік тәжірибелер шет тілін жас кезден үйрену - балалардың оқу - танымдық деңгейін арттыратынын дәлелдейді. Шетел тілін ерте кезден оқытудың өз ерекшеліктері бар. Психологтардың пайымдауынша, бастауыш мектеп жасындағы балалардың қабылдау, есте сақтау және назар аудару қабілеті - адамның табиғатына тән. Бала тілді еліктеу қабілеті арқасында меңгереді. Есте сақтау үшін балаларға ерекше фотографиялық қабілет тән. Осы жасында фонематикалық есту дамуының жоғары дәрежесі белгіленеді. Бастауыш мектеп жасындағы балаларда мидың сол жақ жарты шарына қарағанда, оң жағы жақсы дамитыны белгілі. Сондықтан, шет тілін оқыту - баланың жеке ерекшеліктеріне, психикалық және физикалық дамуына байланысты қалыптасуы тиіс. 5 жастан асқан балалардың ойлау қабілеті сапалы өзгереді. Жас балалардың психологиялық ерекшеліктері төмендегідей: тіл және сөйлеу сензитивтігі, жоғары сезімталдылығы, эмоционалдығы, гипербелсенділігі, табиғи қызығушылығы. Сондықтан, оқытуды үш әдіспен үйлесімді

Қазіргі таңда ағылшын тілін оқыту сапасын жақсарту мақсатында тіл үйрету саласында әлемдік озық тәжірибелерді, жаңа технологиялар мен әдістерді барынша қолдануда. 5 - 6 жастағы балалардың негізгі іс-әрекеті ойнау іс-әрекеті болып табылады, сондықтан ағылшын тілін үйрету үшін осы факторды ескере отырып әртүрлі ойындарды пайдаланамын. Ойындар арқылы балаларға жаңа сөздерді, сөз тіркестерін үйретемін. 7 - 9 жастағы балалар да ойнағанды ұнатады, бірақ оларды ағылшын тіліне оқыту үшін тек ойындарды ғана емес, әртүрлі тапсырмалар, жаттығуларды да орындатқызу керек. Ойын арқылы балалар шетел тілінде жеңіл қарым - қатынас жасай алады және ойын кезінде оқушылар шаршағандарын сезбей, әсерлене, қызыға отырып шет тілін тез үйренеді. Егер мұғалім ойынды тек балаларды көңілдендіруге, дем алдыру үшін ойнатса, одан ешқандай пайда жоқ. Ойын белгілі бір білім беруді мақсат етіп, ойналған кезде ғана нәтижелі болады. Ойын бұл: іс-әрекет (тілдік), зорлықтың, қыстаушылықтың жоқтығы, жеке адамға ғана тән іс-әрекет, коллектив арқылы тәрбиелеу және білім беру баланың психикасын, ой - өрісін дамыту, қызықтыра отырып үйрету.

Шет тілінде лото, карта, домино, жұмбақтар, сөзжұмбақтар, байқаулар түрінде де, лингвистикалық ойындар, қолғап ойыншықтар, жануарлар, көкөністер т.б. түрінде де ойналады. Шетел тілін үйрету ойынының мынадай түрлері бар: грамматикалық ойындар, фонетикалық ойындар, лексикалық ойындар, орфографиялық ойындар, рөльдік…