Ертегі қалашығы атты ашық сабақ мектепке дейінгі топ

Сабақтың тақырыбы: «Ертегі қалашығы»

Сабақтың мақсаты: Білімділік: Сәби жастағы балалардың тілін дамытып сөздік қорларын дамыту. Ертегі қалашығындағы кейіпкерлерді атай білу, заттардың түсін, пішінін ажырата білу, қиял мен эстетикалық танымдарын дамыту.

Түзете-дамытушылық: ірі және ұсақ моториканы жетілдіру, ойлау қабілетін, есту зейінін, қиялын, ертегіні кейіпкерлендіре отырып, байланыстырып сөйлеу дағдыларын жетілдіру.

Тәрбиелік:Қоршаған ортаға ертегіге деген қызығушылықтарын арттырып, достық пен жанашырлыққа тәрбиелеу.

Әдіс-тәсілдері: дәстүрлі емес кіріктірілген саяхат сабақ, сұрақ-жауап, түсіндіру, көрсету, әңгімелеу.

Қолданылатын көрнекіліктер: ертегі желісі бойынша суреттер,үйшіктер, аю, түрлі-түсті қағаз, желім, ақ қағаз.

Кіріспе бөлім: Шаттық шеңбері

Ұйымдастыру кезеңі: Балалар қане, қолымыздан ұстап, алақан жылуы арқылы, бір-бірімізге жылы лебіздер тілейік!

Аспаның ашық болсын!

Деніміз сау болсын!

Өміріміз ұзақ болсын!

Тәрбиеші: Балалар, бүгін бізде өзгеше сабақ болады, біз сиқырлы автобусқа отырып барлығымыз ертегі қалашығына саяхатқа барамыз. Қане, бәріміз автобусқа отырып, кетейік.

Балалар бір-бірінің иығынан ұстап автобуспен жүреді.

Дамытушы ойын. «Шырша ағашының түбінде не жасырынған?»

- Балалар, мына шыршаның түбінде бір нәрсе бар. Сандықша екен.

- Балалар, мына сандықшаның ішіндегі тапсырманы орындасақ ертегі қалашығының қақпасы ашылады.

(балалар сандықшаның ішіндегі суреттерді атайды. Қақпа ашылады.)

1-аялдамаға келдік. Суретпен жұмыс. Мынау аялдамада үй тұр. Мұнда қызық суреттер ілініп тұр екен.

– Бұл қандай ертегі?

– «Бауырсақ», «Шалқан».

– Бауырсақ ертегісінің кейіпкерлерін атаңдаршы?

Балалар тағы да автобусқа отырып келесі аялдамаға барады.

2-аялдама: «Сәбіз» үй кездеседі. Ішінде қоян отыр.

– Менің тапсырмамды орындайсыңдар ма? Олай болса, қоян туралы өлең білесіңдер ме?

Ұзын құлақ, сұр қоян.

Естіп қалып сыбдырды

Ойлы-қырлы жерлермен

Ытқып-ытқып жүгірді.

«Жеміс-жидек жинау».

Кеңістікті бағдарлауға арналған қимыл-қозғалыс жаттығуы:

– Балалар, мында қараңдаршы, қоян көкөністерді шашып кетіпті. Қане, біз бәрін себетке салып жинап кетеміз.

3-аялдама: Көпірден өту. Тепе-теңдік сақтауға және денені түзу ұстап басқаруға арналған жаттығу.

– Балалар, мынау не?

– Көпір.

– Көпірдің түсі қандай?

– Сары, алтын тәрізді.

- Ендеше, алтын көпірден бір-бірлеп қолымызды жанымызға созып, жайлап жүріп өтуіміз керек. (Балалар бірінен соң бірі көпірден өтеді.)

4-аялдама: