Ертегілер еліне саяхат мектепке дейінгі сабақ жоспары

Қызылорда облысы,Жаңақорған ауданы,Сүттіқұдық ауылы

№52 Б Аралбаев атындағы жалпы орта мектебі жанынан ашылған

«Жұлдыз»шағын орталығының

тәрбиешісі. Сабырова Мақпал

«Балдырған» II кіші тобы

«Ертегілер еліне» саяхат.

«Бауырсақ» ертегісі (қуыршақ театры арқылы сахналау.)

Мақсаты: Ертегі, әлеміне қызығушылығын қалыптастыру. Ертегіні сахналау барысында кейіпкерлердің мінез-құлқын жеткізе білуге үйрету. Ертегі кейіпкерлердің сөз мәнерін, қимыл қозғалысын келтіріп ойнауға үйрету. Сөздерді анық айтуға, есте сақтау қабілетін дамыту.

Қойылымның кейіпкерлері: Шал, кемпір, бауырсақ, қоян, қасқыр, аю, түлкі.

Ханшайым: Үлкенге де сіз,

Кішіге де сіз, Сәлем бердік сіздерге Құрметпен біз. Ханшайым: Мен де сендерге құр-қол келген жоқпын. Мен сендерге «Бауырсақ» ертегісін ала келдім. Кәне, балалар бәріміз қызықтап көрейік.

«Бауырсақ» орыс халық ертегісің саусақ театры арқылы ойнап беру.

Ханшайым: Ерте, ерте, ертеде, кемпір мен шал өмір сүріпті. Бір күні шал кемпіріне айтады.

Шал: Кемпір-ау, маған бауырсақ пісіріп берсеңші. Кемпір: Неден пісірейін? Ұн жоқ қой! Шал: Әй, кемпірім-ай! Қойманың түбін қырнап көрсенгой бауырсақтық ұн табылып қалар.

Ханшайым: Кемпірі солай істейді. Қойма түбін қырнап- қырнап екі уыс ұн табады да, қаймаққа шылап, қамыр илеп,

бауырсақты майға пісіріп,терезе алдына суытқалы қояды.

Жата-жата жалыққан бауырсақ терезе алдынан домалап түседі. Одан әрі жолмен домалай жөнеледі. Бауырсақ жолда

домалап келе жатса алдынан қоян шыға келеді.

Қоян: Бауырсақ, бауырсақ, мен сені жеп қоямын!

Бауырсақ: Жоқ, сен мені жеме мен саған өлең айтып берейін.

Әжей қойма қырнаған, екі уыс ұн жинаған.