Ертегілер еліне саяхат тәрбие сағаты 1 сынып

«Ертегілер еліне саяхат» ертеңгілігінің

бағдарламасы

Мақсаты:Халық ауыз әдебиетінің бір түрі ертегілер туралы мағлұмат беру.Сахналап көрсету шеберлігін арттыру. (Дұрыс сөйлеу) Сахнада өздерін дұрыс ұстауға әдептілікке тәрбиелеу.

Көрнекіліктер: ертегілер туралы суреттер, үйшік, орман көрінісі. Слайд.

Жүргізуші: Армысыздар құрметті ұстаздар,ертегіні жақсы көріп тыңдайтын біздің сүйікті балаларымыз. «Ертегілер еліне саяхат» атты ертеңгілімізге хошкелдіңіздер.

Ашып беру үшін мектеп директоры С.Е.Утебаева

Ертегі халық ауыз әдебиетінің бір түрі.Атадан балаға жалғасып келе жатқан ұлттық мұрамыз. Ертегіні сүйіп тыңдамайтын бала жоқ. Барлығымызда кішкентай кезімізден ертегіні тыңдап, ертегі ғажайыптарына сеніп өстік. Әкеміздің атамыздың ертегісін тыңдап өстік.

1-жүргізуші : Балалар ертегілер еліне саяхат жасауға дайынсыңдарма?

-Бүгін біз ертегілер еліне саяхат жасаймыз. Ертегінің аты «Бауырсақ»

Ертегінің ішінде көптеген тапсырмалар бар. Ертегінің қызықты болуына көрермендердің көп көмегі керек.

Ендеше ертегімізді бастайық Ғажайып сәт

-Балалар естіп тұрсыңдарма есік қағылып тұр

-Бұл кім екен бізге қонаққа келген?

-Келіңіз, хош келдіңіз.

-Бұл кім балалар? (Мейірімді періште)

-Сендерге «Бауырсақ» ертегісін сахналап берейік міне бұл ертегіде түлкі бауырсақты жеп қояды , бауырсақ сәтсіздікке ұшырайды.

-Бауырсақты жеп қойған аяныштыма ? Әрине

-Ал бүгін «Бауырсақ» ертегісінің жаңа нұсқасында бауырсақ сәтсіздікке ұшырамайды , керісінше жақсылыққа кенеледі. Өзіне жаңа достар табады, жаңа өнерлі балаларға кездеседі.

- Тек сендер мұқият тыңдаңдар.

-Кәне мейірімді Періште сиқырлы сөзіңді айт, ертегімізді бастаймыз.

- Ерте ерте ,ертеде кемпірмен шал болыпты. Олар ормандағы үйлерінде тіршілік етіпті

1- көрініс: Орман ортада үй тұр. Үйдің алдында кемпір отыр.

2-көрініс: Орманның келесі жағында шал отын шауып , жинап жүр.(арқасында отын, қолында балтасы бар)

Шал: - Азаннан отын шауып шаршадым

- Тамақ әкеп беретін ешкімде жоқ

- Қой кемпіріме хабарласып,ыстық бауырсақ пісір деп айтайын (телефонды алады,нөмерін тереді)(Алло, әнінің желісімен сөйлейді)

-Аллоу үйдемісің ?

Кемпір: Үйдемін ғой

Шал – Қарным ашты тамақ барма?

Кемпір – Қандай тамақ

Ұнда жоқ , майда жоқ Әндетіп айту

Қайдан ғана пісіремін

Шал: Іздесеңші қапты қағып

Кемпір : Не ішесің?

Шал: Ыстық бауырсақ болса, қою шаймен.

Кемпір: Мақұл шалым дайындайын, тез қайтқайсың.

2-көрініс Кемпір: Ал балалар , мен бауырсақ дайындайын. Сендер ән салып менің көңілімді көтеріңдер(заттарын дайындап,қамыр ашытуға кіріседі)

Жүргізуші: Жаңаша білім алу өмір талабы. Үш тілде оқыту заман талабы. Басекелестікке қабілетті ұрпақ тәрбиелеу ұстаздардың басты міндеті. Енді кезекті бүлдіршіндерге береміз

Жүргізуші:1)1и , 1 и сынып оқушылары тақпақ оқиды( 3 тілде )

2) Ән : Мерекеңізбен орындайтын Сардар Ұлжан 1 «а» сынып оқушысы

3-көрініс Бауырсақ : Орнынан тұрады . Керіліп созылады,көзін ұқалайды

-Ой ұйықтап қалыппын ғой

Ұн едім , әжем қаймаққа илеп, майға пісіріп, терезеде суытты.

Балалар менің әнші болғым келеді.

Өнерлі балаларды іздеп жүрмін.

Атамды да іздеп тауып алайын .

Айнала қандай тамаша , серуендеп қайтайын.

Домалаймын, домалаймын

Майлы бауырсақ мен баламын (билеп шығып кетеді)

Жүргізіуші;Бауырсақ ,өнерлі балалар іздеп жүр екен. Өнерімізді ортаға салайық.

1 «Ә» сынып оқушысы Амангелді Бауыржанның орындауында Әке- Ана әнін тындаңыздар.

4- көрініс Орман; Бауырсақ келеді ,алдынан қорбаңдап аю шығады

Аю (қуанып)

-Ой қандай әдемі бауырсақ

-Қандай дәмді бауырсақ .