Ертегілер еліне саяхат тақырыбындағы 1 сынып тәрбие сағаты

Күні:

Тақырыбы: «Ертегілер еліне саяхат»

Мақсаты:

- ертегі кейіпкерлері туралы білімдерін кеңейту;

- ойлау, қайта жаңғыртып еске түсіру арқылы қиялдай білуге үйрету;

- ертегілер арқылы балаларды адамгершілікке, мейірімділікке және адалдыққа, еңбексүйгіштікке тәрбиелеу;

- қиялдау, мәнерлеп сөйлеуге баулу, шығармашылық қабілетін дамыту.

Сөздік жұмыс: ғажайып, сиқырлы, құм қалашығы.

Заттық - дамыту ортасы: «Ертегілер әлемі», «Ертегі ханшайымы шақырады» үнтаспасы, сиқырлы кітап, қуыршақ театры «Қарлығаштың құйрығы неге айыр» ертегісінің кейіпкерлері, ғажайып сәт Ертегі ханшайымы, құм қалашығы.

- Балалар бүгін бізге қонақтар келіпті. Қашанда қонағын сыйлайтын халықпыз. Сондықтан бірінші қонақтарымызбен жақсылап амандасып алайық.

Үлкенге де сіз,

Кішіге де сіз.

Баршаңызға құрметпен

Бас иеміз біз.

- Балалар бүгін көңіл - күйлерің қалай?

- Жақсы болса, бәріміз қосылып

«Ертегілер әлемі» әнін айтайық

- Балалар, ертегілер әлемін қандай деп ойлайсыңдар?

- Ертегілер елінде кімдер тұрады?

- Қандай жағымды жағымсыз кейіпкерлерді білесіңдер?

- Ертегілер бізді неге үйретеді?

Балалардың жауабы тыңдалады. Үнтаспадан тосыннан, алдын - ала жазылған Ертегі ханшайымының сөзі естіледі.

Ертегі ханшайымынын сөзі

«Сәлеметсіңдер ме, балалар,

Мен, ертегілер елінің ханшайымымын, сендер мені көрмейсіңдер, мен сендерді үнемі көріп, бақылап жүрмін, сендер ертегі тыңдағанды жақсы көреді екенсіңдер, олай болса мен сендерді ертегілер елінде күтемін.

Ертегілер еліне тек білгіштер, тапқырлар, өз ісіне ұқыпты, мейірімді, адал балаларды күтемін. Ертегілер еліне келу жолды сиқырлы кітап тауып береді.

- Кітапты жоғарыдан іздеңдер, бар ма?

- Төменнен іздеңдер, бар ма?

- Оң жақтарыңа қарандар, мұқият қарандар, бар ма?

Сиқырлы кітап топтарындағы ең үлкен гүлдін жанында - а - а - а»

Ханшайымның тапсырмасы:

Жұмбақтар шешу.

1. Өзі жап-жас, мұрты бар,

Ет пен сүтке ұмтылар.

Тастамайды жылы үйді,

Түлкі тонын шұп-шұбар. (мысық)

-Енді маған мысық туралы білетін қысқаша ертегі айтып беріңдер.

2.Қиқу салып бақырып,

Айқаулауды тауыпты.

Қыт-қыт дейтін шақырып,

Кім біледі? (тауық)

Тауық кездесетін ертегінің мазмұнын айтып бер.

3.Өзі қу, жүрген жері айқай – шу. (түлкі)

4.Далада жүр шапқылап, керемет тым саққұлақ,

Тек есектен басқа да, оған ұқсар жоқ құлақ. (қоян)

5.Қыс бойына жатады, тәтті ұйқыға батады. (аю)

6. Өзі қып-қызыл болып піседі,

Күнге ұқсас келеді. (бауырсақ)

7.Итке өзі ұқсаған, Айтыңдаршы, ол қай аң? (қасқыр)

8.Қанаты жоқ ұшпайдыСу астында қыстайды. (балық)

9.Сары ғана ол мамық. (балапан)

Ханшайымның тапсырмасымен кітапты тауып алады

Жүргізуші:

- Сиқырлы кітап өте әдемі екен, ашып көрейік, ашылмайды, енді не істедік?

/кітапты сілкіп, тыңдап көреді, үнтаспадан түсініксіз дыбыстар шығады, тәрбиеші түсінеді/