Ертегілер еліне саяхат тәрбие сағаты мектепалды топқа

Тақырыбы: «Ертегілер әлемінде» (бауырсаққа көмек).

Мақсаты:

Білімділік: логикалық ойлауын, есте сақтау қабілеттерін ойын қорытып айта білуін, яғни жүйелі сөйлеу қабілеттерін дамыту.

Дамытушылық: Сөздік қорын молайтып, тілін дамыту, әңгімені тыңдап, өз бетінше бейнелей алу қабілеттерін дамыту.

Тәрбиелік: Ұжымдық бірлесіп жұмыс жасай білуге, тапқырлыққа, жылдамдыққа, қайырымдылыққа тәрбиелеу.

Көрнекіліктер: Суреттер, көрнекі жасалған тапсырмалар, түрлі-түсті қағаздан жасалған пішіндер, желім, сүлгі.

Мотивациялық кезең:

Балалар, біздің бүгінгі күніміз ерекше болады. Себебі бүгін біз ертегі бойынша тапсырмалар орындаймыз. Ертегімізді бастамас бұрын, бүгінгі көңіл – күйіміз жақсы болу үшін, бір – бірімізге сәттілік тілеп, жақсы тілектер айтамыз.

Балалар қимыл-қозғалыс жасай отырып, бірге айтады.

Жылулық шеңбер:

Арайлап таң атты!

Алтын сауле таратты.

Қайырлы таң, балалар!

Қайырлы таң, қонақтар!

Біз ерекше баламыз,

Айтқан тілді аламыз,

Дос болып мәңгі қаламыз!

Жарайсыңдар балалар! Көңіл-күйлерің қалай?

Жақсы!

Онда балалар, бойымызды тік ұстап әдемі болып отырамыз.

Ұйымдастырушылық іздену кезеңі:

Балалар, кәне есімізге түсірейікші қандай ертегілерді білеміз?

«Үш аю», «Қызыл телпек», «Жеті лақ», «Үш торай», «Бауырсақ», т.с.с.

Жарайсыңдар, енді біз бауырсақ ертегісін еске түсірейік. (балалар ертегіні айтады). Тек бұл жолы сендердің бауырсаққа көмектерін қажет. Бүгін біз бауырсаққа көмектесіп, оны қояннан, қасқырдан, аюдан, түлкіден аман қалайық. Ол үшін олар бауырсаққа тапсырмаларды береді, ал сендер тапсырмаларды орындауға көмектесесіңдер, сонда ғана бауырсақ аңдардан құтылатын болады.

Балалар, бауырсаққа көмектескілерің келе ме?

Ия!

Ал ендеше бәріміз бауырсаққа берген тапсырманы орындауға тырысайық.

Ертегінің мазмұнын айтқызу. (қоянға кездескенге дейін). Бауырсақ домалап шығатын кезінде, бауырсақтың киімін киіп бір бала шығады. Ол әндетіп келе жатып қоянның киімін киген балаға жолығады. Қоян бауырсақты жеп қоятының айтады, ал бауырсақ «жемеші» деп жалынады. Сонда қоян: «Мына тапсырманы орындасаң жіберемін», - дейді.

Қоянның тапсырмасы:

1-ден 10-ға дейін тура және кері санау.

Пішіндерді ата. Біркелкі пішіндерді сана.

(Қоянның тапсырмасын орындап, бауырсақ әрі қарай жүре береді)

Балалар! Бауырсақ қоянның берген тапсырмасын қателеспей орындайды, сендер де тапсырманы жаңылмай орындаңдар, сонда бауырсақ аман қалады.

Балалар, ертегі бойынша келесі бауырсаққа кездесетін кім?

Қасқыр.