Есептеудің қызықты тәсілдері бойынша жоба 5 сынып

Қазақстан Республикасының білім және ғылым министрлігі Балқаш қаласының білім, спорт және дене шынықтыру бөлімі

Жалпы білім беретін № 24 орта мектебі

Бағыты: Қолданбалы математика

Секция: Математика

Тақырыбы: Есептеудің қызықты жеңіл тәсілдері

Орындаған: 5 «А» сынып оқушысы

Сегизбаев Аңсар Жетекшісі: математика мұғалімі

Бертаева Нурсулу Камбаровна

Балқаш-2018

АҢДАТПА

Жеңіл тез есептеу – өмірдің ең қиын жағдайларында аз уақыт ішінде жақсы және стандартты емес шешімдерді табуға үйрететін ақыл-ойдың қызықты жаттығуы. Шындап келгенде, адам оймен математикалық есептеулер жүргізгенде де жазбаша есептеу кезіндегі ережелерді қолданады.

Легкий быстрый счет – интересная гимнастика для ума, приучающая в самых сложных жизненных ситуациях находить в кратчайшее время хорошие и нестандартные решения. Производя математические вычисления в уме, человек пользуется, по сути, теми же правилами, что и при письменных вычислениях.

МАЗМҰНЫ

1. Кіріспе.

2. Негізгі бөлім. 2.1. Натурал сандарды қосу мен азайту жеңіл әдістері. 2. 2. Натурал сандарды көбейту тәсілдері:

1) Бір таңбалы санға көбейту. 2) Екі таңбалы сандарды көбейту. 3) 5-ке аяқталатын екі таңбалы сандарды көбейту. 4) 1-ге аяқталатын екі таңбалы сандарды көбейту. 5) Екі таңбалы сандарды 101-ге көбейту. 6) Үш таңбалы сандарды 1001-ге көбейту. 2. 3. Ферроль әдісі:

1) Екі таңбалы сандарды көбейту. Екі орынды санды 11-ге,111-ге көбейту белгісі. 2) 10-нан 20-ға дейінгі екі орынды сандарды көбейту. 3) Үш орынды санды екі орынды санға көбейту. 2. 4.Белгілі бір сандарға көбейту әдістері:

1) Екі тетелес сандарды көбейту. 2) 5,50,25,75,125 сандарына көбейту. 3) 25,35,45,55,65,75,85,95 сандарына көбейту. 4) 22,33,44,....99 сандарына көбейту . 5) 9, 99, 999 сандарына көбейту 6) Екі таңбалы сандарды 99 санына көбейту 7) 37- ге көбейту 8) 100 ге жақын сандарды көбейту 9) 200-ден үлкен сандарды көбейту

10) 1000 ға жақын сандарға көбейту 2.5. Сандардың бөлінгіштік белгілері, бөлу әдістері: 1) Төрт таңбалы сандардың 4-ке бөлінгіштік белгісі. 2) Үш таңбалы және төрт таңбалы сандардың 8-ге бөлінгіштік белгілері. 3) 37 ге бөлу тәсілі. 4) 5,50, 25, 75, 125 сандарына тез бөлу әдісі 2.6. Кез-келген санның квадратын шапшаң есептеу әдістері. 1) Ондық цифры 5 болатын екі орынды сандарды шапшаң квадраттау әдісі 2) Соңғы цифры 5 болатын сандарды шапшаң квадраттау әдісі 3) Төрт таңбалы сандардың квадратын табу

3. Қорытынды.

4. Пайдаланылған әдебиеттер тізімі.

КІРІСПЕ

Ауызша есептеу дағдылары математикалық білімнің маңызды элементі болып табылады. Қазіргі ғылым мен техникада, күнделікті ісімізге компьютерді, калькуляторды пайдаланып жүр.

Алайда, калькулятормен есептеудің пайдасымен қатар зияны да бар. Атап айтқанда, бүгінде кей оқушының қарапайым көбейту кестесін біле бермеуі мүмкін. Егер қолыңызда есептеуіш техника, кесте болмай қалса ауызша есептей білу сізге көмекке келетіні сөзсіз.

Оймен есептеу үшін математика кемеңгері болу қажет емес, тек ойша есептеудің жеңіл ережелері мен тәсілдерін жаттап, есептеу шапшаңдығын арттыру маңызды.

Қазіргі таңда оймен есептеу операцияларын үйрететін басылым кітаптар сатылымда жоқ. Осы себепті есептеудің оймен жеңіл, әрі қызықты әдістерін осы жобада көрсетуді жөн санадым.

Бұл тәсілдерді меңгеріп, күнделікті қолдану саналы түрде ойды біршама жаттықтыруды қажет етеді.Сондықтан мен бұл жобамда логикалық ойлау қабілетін дамытатын, есептеудің қызықты жеңіл әдістерін қарастырдым. Жеңіл есептеу әдіс-тәсілдерін қолдану тапқырлыққа, зеректікке, логикалық ойлай білуге, амалдарды және күнделікті өмірде кездесетін әр адамға қажет қарапайым есептеулерді тиімді жолдармен орындауға үйретіп, ауызша, шапшаң есептеу дағдыға айналып, есептеу жұмысын оңайлатады.

Зерттеу жұмысының өзектілігі: Ақыл-ойдың алғырлығы адамдардың мақтанышы, ал оймен қызықты тәсілдермен тез есептей алу қабілеті адамдарды таңдандырады.

Мен өз жобамды «Есептеудің қызықты жеңіл тәсілдері» тақырыбында алу себебім, математиканы жақсы көретіндіктен калькулятор көмегіне сүйенбей дұрыс, әрі тез есептеудің қызықты жеңіл әдістерін үйренгім келді.

Тақырыбымның өзектілігі мынада: есептеудің қызықты жеңіл тәсілдері адамдарға күнделікті өмірінде, ал оқушыларға математикадан «өте жақсы» оқуға көмектеседі.

Зерттеудің мақсаты: Есептеудің қызықты жеңіл әдістері мен тәсілдерін меңгеру және осы тәсілдердің қолдану тиімділігі мен қажеттігін дәлелдеу.

Зерттеудің міндеттері: А) Тақырып бойынша кітаптарды қарастыру және игеру. Ә) Қызықты жеңіл есептеудің ең қолайлы әдістері мен тәсілдерін таңдап алу. Б) Осы әдіс-тәсілдердің ережелері арқылы оқушыларды математикаға, қызықтыру.

Зерттеу объектісі: есептеудің қызықты жеңіл әдістері мен тәсілдері.

Зерттеудің әдістері: Талдау, бақылау,теориялық, практикалық. Зерттеудің жаңашылдығы мен практикалық маңыздылығы:

 Мектеп математикасында кездеспейтін есептеудің қызықты жеңіл әдіс-тәсілдері игерілді;  Бұл ережелер мектеп оқушыларына есеп шығаруда көп көмегін тигізеді, әрі қолдана алады.