Фариза Оңғарсыноваға арналған әдеби кештің тәрбие сағаты

«Жыр-менің жалғыз тарланым»

Әдеби-сазды жыр кешінің мақсаты: Оқушыларды қазақтың ақын қызы Фариза Оңғарсынованың өмір жолдарымен таныстыру, өлеңдерін мәнерлеп оқуға дағдыландыру, өлеңдерінің тәрбиелік мәнін түсіндіру; Балғын бүлдіршіндерді ақынның өлеңдері арқылы халқын сүюге, туған жерін қадірлей білуге, адал, шыншыл болуға тәрбиелеу.

Көрнекілігі: Ф. Оңғарсынованың портеті, плакатқа жазылған өлең жолдарынан үзінді, кітап көрмесі.

Шығармашылық кештің барысы:

Ә.Желдібаевтың «Ерке сылқым» күйінің әуенімен кешті бастау.

1-жүргізуші: Қымбатты ұстаздар, ата-аналар, шақырылған қонақтар және оқушылар!

Қазақ поэзиясын ерекше нұрландырып, жұлдыздай жарқыратқан, намысты қайрап, қыр қазағын жыр бесігінде тербеткен, қаламын басты қару етіп ұстаған ақындарымыздың бірі – Фариза Оңғарсынованың өмірден өтуіне байланысты Жыр – менің жалғыз тарланым атты әдеби – сазды жыр кешімізге қош келдіңіздер!

2-жүргізуші: Ақынның тұтас бір әлемге айналуы кез келген таланттың, тіпті кейде теңгеруінді таланттың да маңдайына біте бермейтін құбылыс. Ақын жыры айдын көл, шалқар теңіз емес, тылсым мұхит. Өнер халықтікі. Халық өзі тудырып, дараларын да,даналарын да өзі иеленеді. Қазақтың ақын қызы – Фариза Оңғарсынова өмірден өтті.

1-жүргізуші: Жыр менің жалғыз тарланым.

Аялап өтер ардағым,

Талықсып атар таңдарым.

Айымдай жалқы арман үй,

Қарқылдай берсін қарға мың.

Бұрқатсын боран шаңдарын,

Тарттырсын дүлей зардабын.

Жанымды жырмен жалғадым,

Өзімді саған арнадым.

2-жүргізуші: Жырым еді жырласам жанды ұғынар,

Бірақ соның арты құм, алды мұнар.

Өлең деген өр мінез адамға ұқсас,

Әрқайсының өз жолы, тағдыры бар.

1-жүргізуші: Фариза Оңғарсынова 1939 жылдың 5 желтоқсанында Гурьев (Қазіргі Атырау) обылысы, Новобогат ауданына қарасты Манаш ауылында туған. 1966-1968 ж.ж. Гурьев обылыстық «Коммунистік еңбек» газетінің партия тұрмысы бөлімінде әдеби қызметкер болып істеген.

2-жүргізуші: Көрнекті ақын 1968-1970 ж.ж. Республикалық «Лениншіл жас» газетінің Ақтөбе, Гурьев, Орал обылыстары бойынша меншікті тілші қызметін атқарған. 1970-1978 ж.ж. Республикалық «Қазақстан пионері» журналының бас редакторы болды.

1-жүргізуші: Алғашқы өлеңдері баспасөз беттерінде 1958 жылдан бастап шыққан. Әр жылдары 20-дан астам өлеңдер жинақтары, очерктері, таңдамалы шығармалары, «Біздің Кәмшат» повесі, аудармалары «Жазушы», «Жалын», «Молодая гвардия баспаларынан жарық көрді.

Туысқан республикалар ақындарының, Чили ақыны П.Неруданың жырларын, кейбір дарамалық шығармалары қазақ тілі аударған.

2-жүргізуші: 1984 жылы «Үйім – менің Отаным», «Маңғыстау монологтары», «Революция және мен» өлеңдер топтамалры үшін Қазақ КСР Жоғарғы Кеңесінің Құрмет Грамоталарымен, «Құрмет белгісі», «Парасат», «Достық» ордендерімен марапатталған. Республикалық мәдени – ағарту ісіне еңбегі сіңген қызметкер. Қазақстан Республикасы Парламенті Мәжілісінің депутаты болған. Халық жазушысы.

1-жүргізуші: «Бала кезде маған үлкен әсер еткен бір жәйт – қырдың түнгі аспаны. Жазда, күзде, көктемде, қыста жатар алдында далаға шықсаң, аспан беті самсаған жұлдызға толып, өзінің құпия әлеміне жымыңдап шақырғандай әсер беретін. Аспанмен астасып жататын дала. Осының бәрі адамды ойға, дүниенің неше түрлі құпияға толы әлеміне жетелейді».

2-жүргізуші:

Далам менің!