Міржақып Дулатұлының 125 жылдығына арналған әдеби кеш

«Оян, қазақ!»

Міржақып Дулатовтың 125 жылдығына арналған ашық тәрбие

сабағы

Өткізген: Т.Т.Садықбаева

Сабақтың тақырыбы: « Оян, қазақ! » Міржақып Дулатовқа 125 жыл Мақсаты: А) Оқушыларды тәуелсіздік алудағы есіл азамат - М.Дулатовтың

өмірімен, шығармашылығымен таныстыру. Б) Елінің патриоты болуға, халқын сүюге тәрбиелеу. В) Оқушылардың ойлау қабілеттерін арттыру, сөздік қорларын мо- лайту. Түрі: ашық тәрбие сабақ Әдіс – тәсілдер: баяндау, сұрақ – жауап, мәнерлеп оқу, шығармашылық жұмыс. Формасы: сыныппен, топпен. Көрнекілігі: М.Дулатовтың портреті, ақын шығармашылығына көрме, слайдтар.

Сабақ барысы: 1. Ұйымдастыру кезеңі. Оқушыларды түгендеу, дайындықтарын тексеру.

2. Мұғалімнің кіріспе сөзі.

І кезең

Әнұран

Рысмұхаммед:

Көк туым көтерілді бағым жанып, Елтаңбам төрде әлемге танылды анық.

Шырқадым әнұранды бар дауыспен,

Арманым Ата Заңым қабылданып.

Мөлдір: Армысыздар, қадірменді, ұстаздар, оқушылар!

Тәуелсіздік мәңгілікке сақталсын, Алдымыздан барлық үміт ақталсын. Тату-тәтті бірге болып қашанда,

Бейбіт өмір бар халықпен жақталсын, - деп,

бүгінгі ашық тәрбие сағаты алдымызда келе жатқан ұлы той – Тәуелсіздік мерекесіне және осы тәуелсіздікті аңсап өткен ХХ ғасырдың басында ұлт-азаттық көтерілісті бастап шыққан «Алаш қозғалысының» қазақ зиялыларының бірі-Міржақып Дулатовтың 2010 жылы аталып өтетін 125 жыл мерейтойына арналады.

Рысбек:

Көк байрағы бүгінгі ұрпақ жалауы, Бұл белгіміз – бар халықтың қалауы

Жер жүзіне желбіресін қашан да,

Шарықтасын Қазақстан жалауы. Қазақ халқы – болмысынан еркіндікті сүйетін, кең дала төсінде табиғатпен туыстасып, еркін өмір сүрген халық. Ата-бабаларымыз сонау көне түркі заманынан 18 ғасырдың бел ортасына дейін өз билігі өзінде болып, дербес мемлекет ретінде тіршілік етіп келді. 1731 жылы алдымен Ресейге тақау тұрған Қазақстанның батыс өңірлері, кейінірек басқа аймақтары Ресейдің бодандығына кірді. Содан бері қазақ даласын орыс отаршылдығының билеп-төстеуі басталды. Бірақ намысты ата- бабаларымыз осы отаршылдыққа қарсы сан көтеріліске шықты. Арамызда осы көтерілістерге тоқталатындарың бар ма?

Гүлжайнар: Рысбек, өзің жоғарыда айтып өткендей, ата-бабаларымыз тәуелсіздікті армандап, отаршылдыққа қарсы сан көтеріліске шықты. Рлардың ішіндегі ірісі Кенесары Қасымұлы бастаған ұлт-азаттық көтеріліс еді. Ал ХХ ғасырдың басында қазақ зиялылары бастаған ұлт-азаттық көтерілісі өрістеді. Ол тарихқа «Алаш қозғалысы» деген атпен енді. Ә.Бөкейхан, А.Байтұрсынұлы, Х.Досмұхамедұлы, М,Дулатов, М.Шоқай т.б. ұлы қайраткерлер 1917 жылы шілде, желтоқсан айларында өткен жалпықазақ съездерінде «Алаш» партиясын және Алаш автономиясын құрды. Кеңес өкіметінің орнауы бұл шын мәніндегі мемлекеттік құрылымның қалыптасуына мүмкіндік бермеді. Сөйтіп халқымыз кеңес өкіметінің құрамында автономия (1920), кейінірек одақтас республика (1936) болып енді.

Мөлдір: Рахмет, Гүлжайнар! Өткен ғасырдың соңына қарай кеңес өкіметі ыдырап, соның нәтижесінде 1991 жылы қазақ елі ғасырлар бойы аңсаған тәуелсіздікке қол жеткізді. Осы жылдың 25 қазанында тәуелсіздік жөніндегі декларация қабылданды, ал 16 желтоқсан Қазақстан тәуелсіздігін жариялады. Тәуелсіздікті нығайту, оны әлемдік қауымдастыққа мойындату үшін Қазақстан Республикасының тұңғыш президенті Н.Назарбаев үлкен еңбек сіңірді.

Дәулет:

Көгімізде елжірейді күніміз, Төбемізде желбірейді туымыз

Егеменді ел бірлігі туымыз