Фариза Оңғарсынованың Шаңырақ өлеңі бойынша ашық сабақ

Күні:

Сынып: 4

Сабақ: 2

Басталуы: 10 00 – 10 45

Өткізетін мұғалім:

Бастауыш сынып мұғалімі Калиева А.Т

Сабақтың тақырыбы:

Ф.Оңғарсынова « Шаңырақ »

Жалпы мақсаты

Ақын өмірі мен шығармашылығына тоқтала отырып, өлеңнің негізгі ойын табуға жетелеу және шаңырақ туралы «Отан», «отбасы» сөздерімен байланыстыра отырып,түсінік беру, оқушыларды көркем тілде сөйлеуге төселдіру.

Оқу нәтижесі:

Отанға сүйіспеншілікке, ерлікке, батырлыққа тәрбиеленеді.

Түйінді идеялар

Оқушылар іс-әрекеттері арқылы ізденімпаздыққа жетеді.Оқушылардың тақырыпты түсіну деңгейін анықтау, түсінік деңгейін ескере отырып шешім қабылдау.

Тапсырмалар

Диалог оқыту ,сурет салдыру, топпен жұмыс

Сабақ бойынша мұғалімнің жазбалары:

Мұғалімнің іс әрекеті:

/Оқушылармен сабаққа дайындау/

Күн жарығын алақанға саламын,Жүрегіме басып ұстай тұрамын.Ізгі әрі нәзік, жарық, мейіріммен

Өздеріңе ұсынамын шын көңілмен.

/Сабақтарына сәттілік тілей отырып күнді оқушыларға ұсыну/

Шаттық шеңбері

Оқушылардың іс әрекеті

Армысың,асыл күн!

Армысың,Асыл жыр!

Армысың,көк аспан!

Армысың,жан досым!

Жылуыма жылу қос,

Міне,менің қолым!

/Оқушылар бір – бірінің қолдарынан ұстап, бүгінгі күндеріне шын жүректен сәттілік тілейді

- Бүгінгі сабақта мен саған бестік баға тілеймін

- Бүгінгі сабақта мен саған ұшқыр ой тілеймін

-Бүгінгі сабақта мен саған сәттілік тілеймін

-Бүгінгі сабақта мен саған шапшаңдық тілеймін т.б /

-Топқа бөлу:

/Сурет қиындылары арқылы топқа бөлу/

1-топ « ОТАН»

2-топ « ШАҢЫРАҚ»

/Топтағы оқушылар топ басшысын сайлайды, бағалау парақшалары таратылады/

Балалар,сіздерге өткен сабақта үйге не берілді?

Сұлтан Қалиұлының «Солдат хаты» өлеңін мәнерлеп оқу.

/Оқушыларға тізбектете оқыту /

Өткен тақырып бойынша сұрақтар қою:

Немересі әжейдің көңіл күйі қалай суреттелген?

Хат танымайтын әжесін немересі қалай жұбатты?

Балалның әскердегі ағасы келгенде отбасында қандай « шындықтың» беті ашылды?

Баланың отбасындағы дәстүрі мен сыйластығына баға беріп көрейік.

« Ел қорғаны болу – борышым » тақырыптық сурет салу

Әскерге ер адамдар неге барады?

Елін . жерін қорғауға дайындық жасауға

Ондай болса «Ел қорғайтын сарбаздар» әні орындап көрейік.

Иә, балалар, біз әрқашан намысымызды жерге таптатпай Отанымызды қорғап, халқымыздың алдындағы басты борышымызды ақтауымыз керек. Отанымызды сүюіміз керек.

Психологиялық дайындық:

- «ОТАН отбасынан басталады»

/ әр баладан осы мақалды қалай түсінетіні жайында сұрау/

-Балалар, мақалымыз не туралы екен?

-«ОТАН» туралы

- Ондай болатын болса мақалдың мағынасын қалай түсінетіндеріңді ортаға сала отырып, «Отан деген не?» деген сұрақтың жауабын адыларыңдағы постерге түсірсеңдер. Өз ойларыңды айта кетсеңдер.

/ОТАН - ата-ана мен бауырларың, туып өскен жерің, сол сияқты жақындарың! Отан осылар! Өзіміздің көптеген арман-мақсаттарымызды жүзеге асыруымыз үшін Отанымыздың амандығын тілеуіміз керек! Отанымның көркеюіне болашақта зор үлес қосар жастар сіздерсіздер, Отанды құрметтеу керек./

-Ал, енді тағы Отан туралы мақал білесіңдер ме?

-Бүгінгі сабақта оқулығымыздың 156-157 беттерімен жұмыс жасаймыз. Ф.Оңғарсынованың «Шаңырақ» өлеңімен таныс боламыз.