Физика пәнінен аукцион сабақ сыныптан тыс жұмыс

Сабақ тақырыбы: Аукцион сабақ

Сабақтың мақсаты:

1. Еліміздегі әлеуметтік –экономикалық өзгерістерге байланысты экономикалық білімге бет бұрыс байқалып отырған кезде, оқушылардың экономикалық ой-өрістерін дамыту.

2. Оқушылардың тараулар бойынша алған білімдері мен дағдысын есепке алу, физикалық құбылыстарды өмірмен байланыстыру, оқушылардың пәнге деген қызығушылығын арттыру, іздемпаздыққа, өз бетімен еңбектенуге тәрбиелеу.

Сабақ түрі: сайыс сабақ

Көрнекі құралдар мен жабдықтар: слаидтар

Сабақ барысы:

Қайырлы күн, құрметті қонақтар, ұстаздар мен білімге құштар жас өрендер!

«Аукцион» ойынымызға хош келдіңіздер! Алдарыңызда өз білімдерін көрсету үшін 3 зауыт қатысқалы отыр. Ендеше сөз кезегін зауыттардың басшыларны берейік. (Әр зауыт өздерін таныстырады).

«Адам байлығының ішіндегі ең тамашасы – білім», - деген екен шығыс ғұламасы Әбу-р-Райхан әл Бируни. Ендеше, білім байлығы саудаға түсер аукционымызды бастайық!

Аукцион шартымен таныс болыныздар. Бүгін аукционымызда сауда «доллар» атты ақша бірлігімен жүргізіледі. 3 зауыт аукционға қатысар алдында банктен 30 пайыздық несие алады. Алғашқы капиталы 1000 доллар. Олар ойын соңында банкке 1300 доллар берулері қажет. Зауыт президенті «Несие берілді» деген кітапшаға қол қояды және аукционға қатысушының нөмірін алады. Тек нөмері болған жағдайда ғана сұрақты сатып ала алады.Аукционға физикалық сұрақтар сатылымға түседі. Сұраққа бастапқы баға беріледі. Ең жоғарғы баға ұсынған зауытқа сұрақ қойылады. Егер дұрыс жауап айтылса – баға құны екі еселеніп сол зауытқа беріледі. Ал егер қате жауап айтылса, онда зауыт сұраққа берілген капиталынан айырылады. Аукцион соңында несиеден бөлек капиталы көп болған зауыт жеңіске жетеді.

Ескерту: Егер ойын сонында зауыт банктен алған несиесін қайтара алмаса, зауыт мүлкі тәркіленеді. Бұл несие кітапшасында жазылған.

Ендігі кезекте зауыт президенттері банктен 30 пайыздық несие алады.

Сонымен, «Білім – біліктілікке жеткізербаспалдақ, ал біліктілік – сол білімді іске асыра білу дағдысы»,-деген ұлы ұстаз Ахмет Байтұрсынов сөздеріне сүйеніп, 1-сатылымға түсетін сұрақтың тақырыбы: «Тұрақты магнит». Бастапқы бағасы: 100 доллар.

Қай топ жоғарғы баға береді? ... заводы берді, ... заводы екі, ... заводы үш. Сатылды! Дұрыс жауап берген жағдайда топ өз қорына ... доллар қосады.

Сұрақ: Магнит сөзі қайдан шықты және тұрақыт магниттер деп нені айтамыз? (1-минут)

Жауабы: «Магнит» деген сөз Кіші Азиядағы Магнезия төбесі, темір рудасын шығаратын жер атына байланысты шыққан, тұрақты магниттер деп магниттелуін ұзақ уақыт сақтайтын денелерді айтады.

2-сатылымға түсетін сұрақтың тақырыбы: «Электрқозғалтқыш». Бастапқы бағасы: 100 доллар.

Сұрақ: М. Фарадей қандай құбылысты «электромагниттік индукция» құбылысы деп атады? (1-минут)

Жауабы: М.Фарадей өткізгештен жасалған катушканың ішіндегі магнит өрісі өзгергенде, катушкада ток пайда болатынын анықтады. Бұл құбылыс электромагниттік индукция деп аталады.