Физикадан 9-сыныпқа арналған Күш тақырыбы сабақ жоспары

Физика 9 сынып.

Сабақтың тақырыбы: Күш.

Сабақтың мақсаты: 1).Оқушыларға күш,оның түрлері және оның нені сипаттайтының меңгерту.

2).Әртүрлі тапсырмалар арқылы оқушылардың ойлау,есте сақтау қабілеттерін дамыту.

3).Оқушыларды өзара түсіністікке,ұжымшылдыққа тәрбиелеу.

Сабақтың түрі :аралас.

Әдісі:сұрақ-жауап,әңгіме,семантикалық кесте.

Көрнекіліктер: презентациялар,интерактивті тақта, тәжірибе жасауға арналған құрылғылар.

Барысы:

І.Ұйымдастыру.(сынып оқушыларын түгендеу. )

ІІ.Үй тапсырмасын тексеру.

1.Салт атты шауып келе жатыр.Егер ат сүрініп кетсе немесе оқыс тоқтайтын болса,онда қандай жағдай байқалуы мүмкін?

2. Ньютонның бірінші заңын дәлелдейтін мысалдар келтіріндер.

3.Қандай санақ жүйесі инерциялық деп аталады?

4.Қандай санақ жүйесі инерциялық емес санақ жүйеге жатады?

5.Жермен байланысқан санақ жүйесі инерциялық жүйеге жата ма?

ІІІ.Жаңа тақырып.

Күш деп дененің басқа денелер тарапынан болатын әрекетінің нәтижесінде үдеу алатынын сипаттайтын және осы әрекеттің өлшемі болып табылатын физикалық шаманы айтады.

Денелердің механикалық қозғалысын зерттеу барысында жалпы мәлім болды:

1.Ауырлық күші.

2.Серпімділік күші.

3.Үйкеліс күші.

Осы күштерге тоқтала кетейік.

Ауырлық күші.(Fa = mg,мұндағы m -дененің массасы, g- еркін түсу удеуі,оның модулі шамамен 9,8 м/с2-қа тең ) деп денелердің Жерге тартылыс күшің айтады.

Серпімділік күші деп дененің пішіні мен көлемі өзгерген кезде пайда болатын күшті айтады.

Бұл күш денелерді қысу.созу, майыстыру немесе бұрау кезінде пайда болады.

I FсерпI=k∆l,бұл формула Гук заңын өрнектейді,мұндағы Fсерп - серпімділік күшінің модулі,k-қатаңдық коэффициенті, ∆l=l-l0 -дене ұзындығының өзгеруі.

Үйкеліс күші деп денелер тікелей жанасқанда пайда болатын күшті айтады және ол күш әрдайым жанасу бетінің бойымен қозғалыс бағытына қарама қарсы жаққа қарай бағытталады.

IV.Бекіту.(Семантикалық кесте.)

Күштердің түрлері Сипаттамалары Формуласы

1.Ауырлық

2.Серпімділік

3.Үйкеліс

V.Қорытындылау.( 2 жұлдыз,1 тілек )

VI.Бағалау.(формативті )

VII.Үйге тапсырма.П-ф 11 оқу, №9 жаттығу.