Францияның соғыстан кейінгі жағдайы сабақ жоспары, 9 сынып

9-сынып. Дүние жүзі тарихы

Сабақтың тақырыбы: §4. Франция

Сабақтың мақсаты:

Францияның соғыстан кейіңнгі әлеуметтік-экономикалық және саяси жағдайына сипаттама беріп, әлеуметтік шиеленістің себебін, Францияның көппартиялық жүйесінің ерекшелігін және экономикалық дағдарыстың ел өміріне әсерін нақты факторлармен ашып көрсету.

Француз фашизмі туралы түсінік бере отырып,, оның герман және итальян фашизмінен айырмашылығына талдау және тиісті тиісті қорытынды жасай білуге баулу.

Халықтың майданның қалыптасуы туралы әңгімелеп, жүргізген шараларының маңызына тоқталып, ең бастысы, Францияда фашизмнің билеп-төстеуіне тосқауыл болғанын атап, оқушыларды фашизмге, ымырасыздыққа қарсы тәрбиелеу.

Сабақтың түрі: дәстүрлі сабақ

Әдісі: интерактивті

Көрнекілік: карталар (ХХ ғасырдың бірінші жартысындағы Франция, ХХ ғасырдың бірінші жартысындағы Еуропа)

Сабақтың жоспары I. Ұйымдастыру кезеңі

II Үй тапсырмасын тексеру

III Жаңа сабақ

IV Жаңа сабақты бекіту

V Қорытындылау,бағалау

VI Үйге тапсырма.

Сабақтың барысы: І.Ұйымдастыру кезеңі

Оқу құралын тексеріп түгелдеу

Әнұран орындау, «Хабар»

Оқушылар зейінін сабаққа аудару

ІІ.Үй тапсырмасын сұрау:

Ұлыбритания үшін Бірінші дүние жүзілік соғыстың қорытындысы қандай болды?

Ллойд Джордж үкіметінің сыртқы саястына талдау жасаңдар.

Лейбористер партиясының күшеюі неден көрінді? Олардың үкімет басындағы тәжірибесін сипаттаңдар.

Дүниежүзілік экономикалық дағдарыстың салдарын ашып көрсетіңдер.

Англиядағы қандай партияның өкіметі немістердің сыртқы саясатын қолдады?

Жаңа сабақтың жоспары:

Соғыстан кейінгі Франция

Франциядағы экономикалық дағдарыстардың ерекшеліктері

Француз фашизмінің ерекшеліктері

Халық майданының қалыптасуы

Негізгі оқиғалар:

1919 жылы Францияда 2,2 мың ереуіл болып, оған 2 млн жұмысшы қатысты.

1924-1926 жылдарда солшыл блок үкіметі билік басында болды.

1930 жылы экономикалық тоқырау басталды.

1924 жылы «Патриоттық жастар» лигасы құрылды.

1927 жылы «Әскери крест» лигасы құрылды.

1934 жылы Халықтық майдан құрылды

1936 жылы Халықтық майдан партиясы парламент сайлауында жеңіске жетті.

Лигалардың аты

Лигалардың талаптары

«Француз әскери лигасы»

Фашистік диктатура орнату

«патриоттық жастар» лигасы

«Алтын парламентті» жою, күшті атқарушы өкімет құру.

«Әскери крест»

«Коммунизмді құрту», «Сатқын демократияны»

Сабақты бекіту:

Бірінші дүниежүзілік соғыстан кейін мемлекеттің ішкі өмірінің қандай саяси ерекшеліктері болды?

1919-1920 жылдардағы мемлекеттегі әлеуметтік шиеленістің себебі неде?

Француз көппартиялық жүйесінің ерекшеліктерін атаңдар