Ғаламтор тақырыбы қазақ тілі сабақ жоспары 7 сынып

Қазақ тілі, 7-сынып

6-бөлім,ІІІ тоқсан:Интернет және әлеуметтік желілер

Оқу мақсаты

О4. Мәтіндерге салыстырмалы анализ жасау.

Идеясы ұқсас публицистикалық және ауызекі сөйлеу стиліндегі мәтіндердің тақырыбы, құрылымы, мақсатты аудиториясы, тілдік ерекшелігін салыстыра талдау.

Публицистикалық және ресми стиль ерекшеліктерін қолданылған тілдік құралдар арқылы тану.

Оқылымалды тапсырмасы

Публицистика (латынша: көпшілік, әлеумет)—қоғам өмірі үшін маңызды мәселелерді талқылау деген ұғымда жұмсалады.

Сіз заманауи жаңашыл әлеуметтік желілер көрмесіне шақырылған журналистсіз. Көрмеден соң мектеп газетіне мақала жазу тапсырылды.

Не жазасыз?

Көрме ретінде заманауи жаңашыл әлеуметтік желілер көрмесі туралы суреттер топтамасы ұсынылады.

Оқылым тапсырмасы

Әлеуметтік желілер туралы екі стильдегі мәтін ұсынылады.

Мәтінді оқылымның түрлі стратегиялары арқылы оқып шығады.

Мысалы:

1) жеке оқу;

2) жұпта екі мәтінді бір-біріне мазмұндап береді;

3) топта талдайды.

А мәтіні

Жұрт неге телефонға шұқшияды? Бір дастарқан басында бұрынғыдай емен-жарқын, алаңсыз отырып әңгіме айтпауы неліктен? Әркімнің өз қалтафонымен қамсыз отырғаны қалай? Тоқсанға келген апам айтпақшы: «Со бәлеңнің ішінде не бар?». Әрине, телефон ең алдымен байланыс құралы. Оның да түр-түрі бар қазір. Сосын ән тыңдайды. Кино көреді. Қызыққа толы видеоларды тамашалайды. Хат жазады. Хабарлама алады. Суретке түседі. Сайттарға кіріп, соңғы жаңалықтармен танысады. Өзіне керекті ақпараттарды іздейді. Қысқасы, бүгінгінің телефоны әмбебап. Ал шұқшиып отырғандардың басым бөлігі әлеуметтік желінің қолданушылары. Қайда барғаны, кіммен кездескені, қандай мақала оқығаны былай тұрсын, не тамақ жегеніне дейін әлеуметтік желіге жарқыратып салып жатады. Қысқасы, соңғы бірер жылдың шамасында адамдар тұрақты түрде желілерге желімденді. Тап бір желіге байланған құлындай. Соның әсерінен телефонға қарап күліп не қайғырып отырған адамға таңғалмайтын болдық. Біздің бұл әрекетіміз үлкендерге аса түсінікті емес. Сондықтан олардың жастарды «жын қақты» деп ойлауы әбден мүмкін.

Ғаламтор деректерінен

Ә мәтіні

Қазіргі кезде әлеуметтік желілер "Вконтакте", "Мой Мир", халықаралық "Facebook", "LinkedIn" және тағы басқалар кең таралған. Статистика бойынша, Қазақстандық интернет қолданушылардың 62,4% "Вконтакте" желісінде, 25,9% "Мой Мир" желісінде, ал 22,7% "Одноклассники" желісінде отырады. Бұл ақпарат жастардың әлеуметтік желіде қаншалықты және қайда отыратынын көрсетеді. Көптеген жастардың ата-аналары…