Ғарыш әлеміне саяхат мектепке дейінгі ашық сабақ

Білім беру саласы: Таным

Білім көзі:Математика негіздері.

Тақырыбы: «Ғарыш әлеміне саяхат».

Мақсаты: Балаларды сандар мен геометриялық пішіндер туралы, бір- бірінен ажыратып, атай білуге үйрету. Үлкен – кіші, оң жақ – сол жақ ұғымдарын ажырата білу дағдыларын қалыптастыру. Білімдерін жүйелі түрде көрсете алуға баулу. Саяхатқа бару арқылы, балалардың қиял болжамдарын дамытып, қабылеттерін шыңдау, таным өнерін сөздік қарым- қатынастарын байыту. Ойлау қабілетін тапқырлығын арттыру.

Билингвальды компонент: көктем – весна,зымыран – ракета.

Қолданылатын көрнекіліктер: көктем мезгілінің суреттері, сандар мен геометриялық пішіндер, дидактикалық материалдар.

(Балалар музыка әуенімен залға кіріп,шаттық шеңберіне тұрады.)

Тәрбиеші: -Балалар қараңдаршы, бүгінгі күн қандай тамаша!Келген қонақтармен амандасайық,

Балалар: Күннің көзі ашылып,

Көкте шуақ шашылып,

Құтты қонақ келіпті ,

Төрімізге еніпті.

«Қайырлы күн» қонақтар!

Тәрбиеші: Балалар, біз ашық оқу қызметімізді бастамас бұрын, «Мен қандаймын» тренигын өткізейік. Мына айнаға қарап өздеріңнің қандай екендеріңді айтуларың керек.

Балалар:Мен әдемімін!

Мен сұлумын!

Мен көріктімін!

Мен ақылдымын!

Мен жігітпін!

Тәрбиеші:Балалар, сендер қандай сұлу, ақылды балаларсыңдар. Осындай

ақылды, батыр болуларыңа не көмектесді?

Балалар: Шуағын төккен, Шапағатты күн.

Тәрбиеші: Балалар, мен сендерге жұмбақ өлең оқып берейін:

Қар мұз еріп, су көбейіп,

Сай салаға толады.

Бүршік жарып, жапырақ ашып,

Гүл бәйшешек ашады.

Бөбектерім айтыңдаршы!

Бұл қай кезде болады?

Балалар: Көктем мезгілінде.

Тәрбиеші: Ия, балалар қазір жылдың көктем мезгілі екен, ал осы көктем мезгілінде неше ай бар, атап берейікші.

Балалар: Үш ай бар.

-Наурыз, сәуір, мамыр.

Тәрбиеші: Көктем мезгілін сипаттап айтып берейік.

Тәрбиеші: Көктем мезгіліне тақпақтар айтып берейік.

1. Көктем келді, шуақты

Балаларды қуантты.

Алақай – ау, алақай!

Құстар сайрап, бақтар жайнап, гүл атты.

2.Дала гүлге толыпты.

Аққу көлге қоныпты.

Алақай – ау, алақай!

Көктем қандай, көктем қандай, көрікті!

3.Бүршік шашып, жапырақ ашып

Даланы гүлдер басады.

Сұлу көктем, есігін ашып

Шуағын бізге шашады.

4.Жасыл көктем келеді,

Самал беттен еседі .

Көкте бұлттар көбейсе

Мөлдір тамшы төгеді.

Тәрбиеші: Балалар, көктем мезгілі жайлы көп біледі екенсіңдер.

-Бүгін аптаның қай күні?

Балалар: Бүгін аптаның - бейсенбі күні.

Тәрбиеші: Балалар ендеше апта күндерін есімізге түсірейікші.

(балалар апта күндерін хормен айтады)

-Біз апта күндерін білеміз, ал апта туралы тақпақ білеміз бе?

Балалар: Дүйсенбіде, доп ойнадым далада

Сейсенбіде, серуен құрдым қалада

Сәрсенбіде, сурет салдым сәнді етіп

Бейсенбіде, би биледік әндетіп

Жұма күні, жидек тердім қыратта

Сенбі күні, суға түстік бұлаққа

Жексенбіде, үйде болдым, демалдым

Осылайша өте шықты бір апта.

Тәрбиеші: Сендер математика негіздерінен не үйрендіңдер?

Балалар: Сандарды санауды, пішіндерді атауды, құрастыруды.

(Есікті қағып мысық кіреді)

Мысық: Сәлеметсіз бе! Өтіп кетуге боладыма?

Тәрбиеші: Мысық ,бұл жер саған жол емес, қайдан келесің?

Мысық: Базардан келемін, озіме тамак сатып алдым, сут пен тары.

-Мына пішіндер неге шашылып жатыр?

-Менің қатысуыма боладыма?

Тәрбиеші: Бұл пішіндер жайлы тақпақ айттық, енді жұмбақ жасырамын.

-Балалар, мен сендерге пішіндер жайлы жұмбақ жасырайын.