Ғажайып әлемге саяхат ашық сабағы мектепалды топқа

Тақырыбы: «Ғажайып әлемге саяхат»

Мақсаты: Тәрбиеленушілердің бойына жылдамдылық, ептілік, ұлттық-салт дәстүр колоритін, ұлттық әдеп-ғұрыпты қалыптастыру. Олардың бойындағы шығармашылық ойлау тапқырлықтарын дамыту.

Кейіпкерлер: Хан макеті, хабаршы.

Қажетті құрал жабдықтар: орамал, ат, папаха, теңге, күннің көзі т.б.

Сабақтың барысы: Қазақ халқының ұлттық күйі ойналып тұрады.

Д/ш нұсқаушысы: – Халқымыздың айтуы бойынша, Жерұйық деген бір керемет жер бар екен. Ол жерде әр адам жүз жасап, бақытты өмір сүреді, ол жердің малы жылына екі рет төлдейді . Әлім хан осы жерге лайықты халық өмір сүргенін қалаған екен. Бірақ, ондай халықты қайдан табарын білмей, ханның көңіл-күйі болмайды (ханның бетінде көңілсіз бетперде болады, музыка әуені ойналады). Бір кезде Әлім хан ат тұяғының дыбысын естиді, сол кезде хабаршы атпен шауып кіреді.

Хабаршы: – Сүйінші! Сүйінші! Тату тұратын халық бар екен, қазір көресіз! Қуанған Әлім хан хабаршыға тақия сыйлайды (ханның бетіндегі көңілсіз бетперде көңілді бетпердеге ауысады, көңілді музыка әуені ойналады).

Хабаршы: – Үлкен рахмет! ( кетеді).

Д/ш нұсқаушысы: Бурабай тауының етегінде халық тұрады, жастарының қолынан келмейтіні жоқ. Олар Күміс көлдің шығыс жағына бармақшы болды және өздерінің ойын-сауықтарын құрды. Сонымен қатар, әдемі би де билейді екен.

«Қара жорға» биі.

Д/ш нұсқаушысы: – Әлім ханға бидің ұнағаны соншалық, ол Жерұйық жерін осы халыққа бермекші болды және батасын берді.

Бата

Д/ш нұсқаушысы: – Бірақ, ол жерге жету өте қиын. Олардың жолындағы бірінші кедергі (балалар аттың жүрісі сияқты жүреді).

Жұмбақ:

Мінсең қанат,

Сүті-дәрі,

Еті – тамақ (жылқы)

Д/ш нұсқаушысы: - Кім бірінші жұмбақтың шешуін табады, сол жүргізуші болады. Балалар кедергіден аттап, сапқа тұрады. Алыс жолда жүру үшін бізге алтын теңге керек. Ақша түйілген шүберекті жинау ойының қалай атайды?

Қазақтың ұлттық ойыны «Теңге алу»

Д/ш нұсқаушысы: - Балалар, бізді келесі кедергі күтіп тұр. Жұмбақ жасыру.

Жұмбақ:

Ақ сандығым ашылды,

Ішінен жібек шашылды (күннің көзі)

Екі команда жұмбақты шешіп, тақтаға суретін салады. Кімнің суреті өте жақсы салынды, сол келесі ойында жүргізуші болады.