Ғажайып дыбыстар курсы 3 сынып сабақ жоспары

Қазақстан Республикасы Білім және ғылым министрлігі

Атырау облысы

Қызылқоға ауданы

Сағыз ауылы

№9 орта мектеп

Ғажайып дыбыстар

курсының бағдарламасы

3 сыныптарға арналған

Бастауыш сынып мұғалімі:Нурмолдина Серпер

ӘБ отырысында қаралды Келісемін: Бекітемін:

Хаттама № Директордың оқу ісі жөніндегі Мектеп директоры :______

ӘБ жетекшісі:____ орынбасары: «___»____2019ж.

«____»_______2019 «_____»_______2019ж.

Ғажайып дыбыстар

Барлығы 34сағат,аптасына 1сағат

Бағдарлама Қазақстан Республикасының Президенті Н.Әбішұлы Назарбаев «Қазақстан жолы-2050:Бір мақсат,бір мүдде,бір болашақ» Қазақстан халқына Жолдауында жаңа жүйе құраушы «Мәңгілік ел» жалпы ұлттық идеясын өмірде іске асырудың іргетасы мектепте қалануы тиіс.

Еліміз «Қазақстан -2030» стратегиясын мерзімінен бұрын жүзеге асырып, әлемнің дамыған 50 елі қатарына енгенін, 2050 стратегиясын, «100нақты қадам: баршаға арналған қазіргі заманғы мемлекет».Ұлт жоспарларын жүзеге асыруды бастағанын түсіндіре отырып, әрбір оқушының бойында өз отаны үшін мақтаныш сезімін қалыптастыруға өз үлесін қосады.

Жоспарлау негізінде қарастырылған құжаттар

-ҚР Білім және ғылым министрінің 2013 жылғы 3 сәуірдегі № 115 бұйрығымен бекітілген Жалпы білім беретін пәндердің, таңдау курстары мен факультативтердің үлгілік оқу бағдарламалары;

-«ҚР Білім және ғылым министрінің 2013 жылғы 3 сәуірдегі № 115 бұйрығына өзгерістер енгізу туралы» Қазақстан Республикасы Білім және ғылым министрінің 2014 жылғы 15 шілдедегі № 281 бұйрығымен бекітілген Жалпы білім беретін пәндердің үлгілік оқу бағдарламалары.

Ы. Алтынсарин атындағы Ұлттық білім академиясы Ғылыми кеңесімен баспаға ұсынылды (2018 жылғы 15 маусымдағы № 7 хаттама).

2018-2019 оқу жылында Қазақстан Республикасының жалпы орта білім беретін ұйымдарында оқу процесін ұйымдастырудың ерекшеліктері туралы:

Әдістемелік нұсқау хат. – Астана: Ы. Алтынсарин атындағы Ұлттық білім академиясы, 2018. – 372 б.

Түсінік хат

«Ғажайып дыбыстар» - таңдау курсы. Бұл курс арқылы оқушылар негізгі пән «Қазақ тілінде» меңгерген білім, білік, дағдыларын жетілдіре түседі. Осы таңдау курсы арқылы оқушылардың дүниетанымы кеңіп, дұрыс байланыстырып сөйлеуге үйренеді. Грамматикалық сауаттылықтары артады. «Қазақ тілі» пәніндегі сияқты қазақ тілінің дыбыстық, лексикалық жүйесі мен грамматикалық құрылымын меңгеру үдерісі қарастырылады.

Таңдау курс бағдарламасы Қазақстан Республикасының мемлекеттік жалпыға бірдей білім беру стандартының талаптарын қамтамасыз еткен.Талаптардың мазмұны оқушылардың жас ерекшеліктерін ескерген. «Ғажайып дыбыстар» бағдарламасы «Қазақ тілі» және «Өзін-өзі тану» пәндерімен байланыста жасалған.

Курстың оқушылардың ауызша дұрыс сөйлеуді, сауатты жазуды, сөзді мағынасына сай дұрыс қолдануды талап етеді. Халық ауыз әдебиетінің үлгілері арқылы оқушылардың шығармашылық қабілетін, тіл байлығын,байланыстырып сөйлеу қабілеттерін арттыру. «Өзін-өзі тану» пәнімен тығыз байланыс жасай отырып,оқушылардың рухани байлығын, отанына деген сүйіспеншілігін дамыту. Жаны таза адамның ғана аузынан дұрыс сөз шығатынын ескере отырып, алдымен оқушыларды ізгілікке, жалпы адамгершілік құндылықтарға тәрбиелеу көзделген. Сонымен қатар, бағдарламада оқушылардың грамматикалық, фонетикалық, синтаксистік, орфографиялық білімдерін жетілдіру үшін тапсырмалар жүйелі түрде алынған.

Бағдарламаны құрастыру барысында оқушылардың грамматикалық білім,білік дағдыларын,шығармашылық қабілеттерін ескерген. Оқытудың әртүрлі әдіс-тәсілдері,формалары қарастырылған. Берілген тапсырмалар әр оқушының ерекшелігін ескере отырып құрастырылған. Өз бетімен ізденушілік жұмыстары да қамтылған.

Курстың өзектілігі:

Бастауыш сатыдағы оқушыларда шығармашылық әрекеттің алғашқы қарапайым деңгейі қалыптасады. Бұл жағдайда оларды үнемі ынталандырып,қызықтырып отыру қажет. Бастауыш сыныпта оқушылардың ауызекі және жазба тілін дамытуға көңіл бөлініп келеді. Сондықтан қазақ халқының тілін сүйетін ұрпақ тәрбиелей отырып,оқушыларды сауатты жазуға үйрету,негізгі тілдік ұғымдармен таныстыру, өз ойы мен пікірін еркін жеткізе алатын дара тұлға тәрбиелеу.

Бұл курста оқушылар дыбыстардың фонемалық қасиетіне ерекше назар аударады; сөздің лексикалық мағынасы туралы түсінігі кеңейеді;сөздік қоры байиды; ана тіліміздің орфоэпиялық және орфографиялық нормаларын меңгереді;сауатты жазуға төселеді.

Бағдарлама жаңа педагогикалық технологияларды қолдану барысында оқушылармен жеке,топтық,сыни тұрғыдан жұмыс істеуге, шығармашылыққа жетелейді.

Сабақта оқушылардың даралық қабілеттеріне қарай тапсырмалар ұсынылады. Оқушылар өз жұмыстарын жоспарлауға, жүзеге асыруға, өз бетінше орындауға, талдауға, қолдануға бейімделеді. Осы мақсатпен құрылған бағдарламада логикалық ойды жетілдіруге арналған тапсырмалар, тапқырлығын дамытатын жұмыстар берілген.

Курстың негізгі мақсаты:

-Тұлғаның интеллектуалды дамуын қамтамасыз ету;

-Ана тілін ардақтайтын ұрпақ қалыптастыру;

-Диалогтық және монологтық сөйлеу дағдыларын,сөйлеу мәдениетін дамыту;

-Пунктуациялық ережелерді практикалық түрде меңгерту;

-Оқушылардың сауатты,көркем жазу дағдыларын жетілдіру;

-Оқушылардың өзіндік құзіретін жоғары деңгейге жетуіне жағдай туғызу.

-Алған білімдерін түсіне білуге, талдай алуға, өмірде қолдана білуге, өз жұмыстарына баға беруге дағдыландыру;

Курстың міндеті:

-Ауызекі және жазба тілде сөйлеудің айырмашылығын айта білу;

-Дыбыстардың дыбысталу ерекшелігін ажырата білу;

-Үлгі,сызба және кестемен жұмыс істей білу;

-Сөз таптарына ажырата алу және сұрақ қоя білу;

-Сөзге толық дыбыстық талдау жасай алу;

-Сөздерді мағынасына қарай ажырата алу;

-Сөз құрамына талдау жасай білу.

Әдістемелік жұмыс түрлері:

Бағдарламадағы тапсырмаларды орындау барысында топпен,жұппен,жеке оқушымен жұмыс түрлері қарастырылады. Оқушылар әр тапсырманы түсініп, талдап, саралап қолданады.

Бағдарламаның ерекшелігі – жаңа педагогикалық технологияларды басшылыққа ала отырып, өздігінен білім алу жетелеу; оқушыларды ынталандыру, іздендіру,өзіндік пікірін қалыптастыру; шығармашылық жұмыстар арқылы сыни тұрғыдан ойлауға дағдыландыру.

Таңдау курсының жұмыс жоспарын құру төмендегідей принциптерге негізделген: