Ғажайып гүл құм терапиясы бойынша материал

Тақырыбы: «Ғажайып гүл»(құм терапиясы)

Мақсаты: Балалардың көңіл-күй жағдайын бағалауын қалыптастыру.Жан-жақты психикалық процестерді дамыту: қабылдау, есте сақтау, көңіл аудару, тілдерін дамыту, қолдың ұсақ моторикасын дамыту. Көріп сезу арқылы балалардың сөздік қорын,танымдық қабілеттерін дамыту.Балалардың ақыл-ой белсенділігін күшейтіп,ойлау жылдамдығын дамыту.

Көрнекіліктер:шағым құмзар балаға, түрлі- түсті құм.

Әдіс-тәсілдері: әңгімелесу,танымдық ойындар,түрлі-түсті құммен сурет салу, ертегі элементтері, әуен.

Сабақ барысы:

Ұйымдастыру кезеңі: Балалар бір-біріне жылы лебіздерін білдіреді.

Алақанды ашайық,

Күннің нұрын салайық,

Жүректің жылуын салайық,

Таза ауаны салайық,

Жиналған бар жылуды,

Қонақтарға шашайық!

Балаларды ыңғайлы отырғызу.Қол және саусақтарды уқалау, жаттығулар жасату арқылы балалардың көңіл-күйін көтеру.

Саусақ жаттығуы: «Күн мен гүл»

Көтерілсе күнім,

Ашылады гүлім.

Кешкісін күн батады.

Гүл ұйқыға жатады.

II. Негізгі тапсырмалар

«Менің көңіл - күйім қандай?» Бала өз көңіл-күйіне сәйкес келетін смайлик суретін тауып (көңілді,көңілсіз,ренжулі) айтады.Сол кездердегі көңіл-күйін баяндайды.

Есік қағылып,топқа ханшайым келеді.

Ханшайым: -Сәлеметсіңдерме балалар,қонақтар!

- Бұл қай топ екен?

- Топ аттары айтылады.

- Мен ертегі елінен келдім сендермен танысқым келеді. Балалар есімдерін айтады.(Керемет,Мадина,Ұлжан,Аяла,Бекарыс,Аслан т.б)

Ханшайым: Менің елімде әдемі гүл бағы бар.Онда әдемі гүлдер,өсімдіктер өседі.Бірақ мен ғажайып гүл іздеп келдім.Сендер маған көмектесесіңдерме?

-Әрине ,көмектесеміз.

Психолог: Ханшайым бүгін біз құм еліне барамыз,жүр бізбен бірге.

Жұмысымызды бастамас бұрын, Сіздерге қысқаша мәлімет беремін.

Құм -нағыз кең тараған пайдалы қазба. Құм сусымалы зат. Құмды бір орыннан екінші орынға сусытып себуге болады.Адам құрылысқа сазбен біргеқұмды пайдаланады. Құм қосылған саздан кірпіш және алуан түрлі ыдыс жинайды.(балалар шаршаса,бой сергітуін өткізу)

Құм еліне кіру үшін ережесін білу керек:

Құмды шашпау.

Лақтыруға болмайды.

Құмды басқа жерге тастауға болмайды.

Ешкімді ренжітпеуге болмайды.

Балалар құмзарға жақындайық, ыңғайлы тұрыңдар.

«Сәлеметсіңбе құм!» жаттығуы. Саусақтармен, алақандармен құмды жайып, іздер салу.(балалар өз құмзарларына барады)

III. Тапсырма:Балалар бүгін бізге қонаққа келген Ханшайымға ғажайып гүлді түрлі-түсті құмнан жасап сыйлайық. (әдіс-тәсілдерін түсіндіру).

Музыка әуенімен балалар түрлі-түсті құммен гүл,күн, өсімдіктер салуды көрсетеді. Балалар өз жұмысын еркін тұрып салады. Балалар суретті алақанмен ептеп құм жазу арқылы өшіріп, келесі суретті салуды көрсетеді.