Ғажайып қалта арқылы көкөніс пен жемісті ажырату

Ұйымдастырылған оқу іс-әрекетінің технологиялық картасы

№ оқу іс-әрекет: «Қатынас» білім беру саласы

Бөлімі: Сөйлеуді дамыту

Тақырыбы: Ғажайып қалта

Мақсаты: Көкөністер, жемістер туралы түсінік беріп, тілдегі дыбыстар мен сөздерді айта білуге үйрету.

Құрдастармен тілдік қарым-қатынас жасауды дамыту;

Дауысты және дауыссыз дыбыстарды дұрыс дыбыстай білуге дағдыландыру;

Ұйымшылдыққа баулу.

Көрнекіліктер: көкөністер, жемістердің мүсіндері.

Сөздік жұмыс: тәтті.

Жоспар кестесі:

Оқу іс-әрекетінің кезеңдері

Тәрбиешінің іс-әрекеті

Баланың іс- әрекеті

Кіріспе

Негізгі

Шаттық шеңберіне тұрғызу.

Дөңгеленіп тұрып:

-Арайлап атқан таңымыз аппақ,

Арайлап атқан таңымыз ашық,

Арайлап атқан таңымыз жарқын,

Арайлап атқан таңымыз қуанышты

болсын!

Сиқырлы сәт: «Ғажайып қалта». Тәрбиеші балаларға «Ғажайып қалта» ойынын ойнауды ұсынады. Ойынның шартын түсіндіреді. Қалтада көкөністер мен жемістер болады. Балаларға көкөністер мен жемістерді бір-бірлеп алғызады. Аттарын айтқызып, көкөніс не жеміс екенін ажыратып беруді сұрайды. «Қандай?» деген сұраққа жауап берулерін күтеді. Олардың үлкен - кішкентай, тәтті - ащы екенін, түстерін және қайда өсетінін айтады, сөз тіркестерін дұрыс айтуға үйретеді.

Дыбыстық жаттығу жасату.

Ті-ті- тәтті.

Сергіту сәті:

Орнымыздан тұрамыз,

Қолымызды көтеріп,

Алма ағашындай жайқалып,

Әдемі болып өсеміз.

1.«Кім жылдам?» дидактикалықойыны.

Шашылып жатқан көкөністер мен жемістерді жинайды. Шапшаңдыққа, жылдамдыққа үйретеді. Кім көп, тез жинаса сол жеңеді.

2.«Дұрыс сал!» дидактикалықойыны.

Балалар шеңберге тұрады.

Балалар көңілдене қимыл-қозғалыс жасайды.

Балалар сиқырлы сәтке таң қалады.

Ойын ойнауды қуана қабылдайды.

Көкөністер мен

жемістерді ажыратады.

Көк, қызыл деп жауап береді.

Балалар қимыл-қозғалыс пен өлең сөздерін бірге қайталайды.

Балалар қуана жинайды

Үлестірмелі материалмен жұмыс. Жемістердің суреттерін тәрелкеге, көкөністердікін себетке жапсырады.

Қорытынды

Балалардың не үйренгендерін сұрайды, тілдерін дамытуға көмектеседі.

Сұрақтарға жауап беруге, тілдерін дамытуға талпынады

Күтілетін нәтиже:

Біледі: көкөністер мен жемістердің атауларын;

Игереді: көкөніс, жемістер туралы түсінікті;

Меңгереді: сөз тіркестерін дұрыс айтуды.