Ғажайып құмдардың сиқырлы әлемі бойынша мектепке дейінгі ашық сабақ

Тақырыбы: «Ғажайып құмдардың сиқырлы әлемі»

Ұйымдастырылған оқу қызметінің мақсаты: Балалардың шығармашылық қабілетін, өзара қатынас дағдысы мен өзін-өзі басқаруын, өзіне деген жағымды қарым-қатынас құрылымын, психологиялық сезімдерін, көңіл-күйлерін қалыптастыру. Құмның құрамды бөліктерін ажырата алуға, қасиеттерін топтауға үйрету;

Балалардың айналадағы қоршаған ортаны қабылдау, ес, көру арқылы логикалық ойлау, қиялдау, танымдық қабілеттерін, сенсорлы-жабыстыру саласын, ұсақ саусақ моторикасын дамыту;

Балаларды ұқыптылыққа, білім құмарлыққа, бір-бірінің жұмыстарын бағалай білуге, көркемдікке, топтасып жұмыс жасауға, тез тіл табыса алуға тәрбиелеу:

Ұйымдастырылған оқу қызметінің құралдары: Дайындалған ыдыстағы құм, түрлі-түсті құмдар, балалар санына жайпақ табақтар (поднос), суы бар су құйғыш, су сепкіш, ұсақ пішінді ойыншықтар, әйнек ыдыстар, кішкене ыдыстар, көзілдіріктер, арнайы киімдер, түбі тесілген ыдыстар, қылқалам, желім, ыдыстағы су, йод, қол сүртетін сулы және құрғақ сүрткіштер,

Сөздік жұмыстар: «Ғажайып жағажай» туралы аңыз әңгіме оқу. Құрғақ құм, сулы құм, жабысқақ құм, құм иірімі деген сөздердің айтылуы және мағынасымен жұмыс жасау.

Ұйымдастырылған оқу қызметінің барысы:

Балалар әуенмен залға кіреді.

Ізінен сиқыршы мак кіреді:

Тәрбиеші: Мен сиқыршы макпын. Мен сіздерді ғажайып әлемнің сиқырлы сырларымен таныстырамын. Өзімнің тәжірибе орталығыма сіздерді ертіп апарамын.

- Балалар сиқыршы макпен танысып, амандасады.

Қонақтар келіпті ғой. Қонақтармен амандасайық. (балалар амандасады)

-Сәлеметсіздер ме!

Фокус: Бізге мында бір хат келген. Қазір қарайық, ішінде не бар екен. Ішінде не бар, бірдеңе көріне ме? Қазір, мен бұл хатты сиқырлаймын. Ал сіздер маған көмектесіңіздер, жарайды ма?

Сол суға йод тамызып, ақ парақты сол суға батырамыз.

Суда лимонмен салынған құм таулардың суреті шығады.

Сиқыршы: Мынау ненің суреті?

Балалар: Таулар, құмдардың суреттері.

Сиқыршы: Ендеше, біз бүгін сол құмдардың қалай пайда болғанын, қалай жасалғанын зерттеу керекпіз. Ол үшін менің сиқырлар жасайтын сиқырлы зертханама бару керекпіз. Ал, онда тек ұшып бара аламыз. Қане, ендеше бәріңіз маған қараңыздар да ортаға қолдарыңызды созыңыздар. Мен бәріңізді сиқырлаймын. (сиқырлы таяқшамен сілкіп)

Жел ұшыр...

Жел түсір...

деп айқайлайды да шапанын сілкіп жібереді. Балалар бәріңіз мында қараңыздар.

Міне, мынау менің сиқырлы зерттеулер жүргізетін зертханам. Балалар біз бүгін алыс-алыс құмды жерлерде болатын ғажайып ертегі әлемімен танысамыз. Ондағы ғажайыптармен жаңа білім алуға тырысып, қиялдай алатын, ойын ойнағанды жақсы көретін адам ғана кездеседі. (балаларды үстелге апарып, арнайы киімдерін, көзілдіріктерін кигізу.).

Ал, ғажайып құм елі міне біздің алдымызда. Қазір бұл жерде құмнан басқа ештеңе жоқ. Ендеше, мені тыңдаңыздар. Сіздерге арналған бірнеше ережелер бар, соны тыңдап алыңыздар.

Құммен жұмыс жасаудағы қауіпсіздік ережелерімен балаларды таныстыру.

Құмды ыдыстан әдейі шашпа.

Адамға қарай топырақ шашуға болмайды..

Құмды ауызға салма.

Құммен ойнап болғасын қолыңды жу немесе сүрт.

Балалар осы ережелерді орындаймыз ба?

Балалар: орындаймыз.

Бәріміз алақанымызды құмға басып, менімен бірге

«1 2 3, бол сиқырлы күш» деп қайталаңыздар. (балалар сиқырлы сөзді қайталайды)

Сиқыршы: Не пайда болды?

Балалар: із, қолымыз бен саусақтарымыздың ізі пайда болды.

Сиқыршы: Сосын... Өте жақсы.

Ал енді мен осы құмды сиқырлаймын. (таяқпен сілкіп қалады)

Енді сіздердің алдарыңызда мынадай зат бар (үлкейткіш әйнек, лупа)

«1 2 3, бол сиқырлы күш» .

Сол үлкейткіш әйнекпен қараңыздар, не көрдіңіздер?

Құмдар қандай екен?

Балалар: үлкен, түйір, тас сияқты.

Сиқыршы: Бұл менің сиқырымның күші ғой. Бұл үлкейткішті қайтадан алып тастасақ құм қандай ?

Балалар: кіп-кішкентай болып қалды.

Сиқыршы: Енді құмды қолымызбен сипап көрейікші, құм қолымызға қандай болып тиеді?

Балалар: жұмсақ, мұздай.

Сиқыршы: Ендеше бәріміз құмды қолдарымызбен үйкелеп, ысқылап жылытып, өзіміздің жылуымызбен бөлісейік. Ал мен сиқырыммен сіздерге жәрдем беремін.

- Кімде құм жылыды? (балалар өздерінің үйкеген құмдарының қалпының қалай өзгергенін айтады)

Сиқыршы: Жарайсыздар, балалар сіздер жақсы еңбектендіңіздер. Сонымен құм қандай болады екен?

Енді алақандарымыз бен саусақтарымызды құмға тығып қоямыз. «Саусақтарым қайда тығылды?» іздейікші.

Бас бармақ қалған саусақтарды іздеді. Оған біз көмектессек қалай болады?

1. Балаң үйректі көтереміз, қозғалтамыз, саусақтарымызбен амандасамыз.

2. Ортаңғы теректі көтереміз, қозғалтамыз.

3. Шылдыр шүмекті көтереміз, қозғалтамыз.

4. Кішкене бөбекті көтереміз, қозғалтамыз.

5. Барлық саусақтарымызды қозғалтамыз.

Қазір бәріміз қолдарымызды құмның бетіне шығарып, құмның бетін тегістеп, әдемілейікші. (құмды қолымызға алып, арасынан өткізейік). Құм қандай?

Балалар: жұмсақ.

Ойын: «Не өзгерді?»

1) Балалардың алдында бөтелке және бір жағынан тесілген, жанында таяқшасы бар.

2) 2 йогурт ыдысы тұрады, ішінде құм бар.

3) йогурт ыдысындағы құмды біртіндеп бөтелкеге толтырайық.