Өнердің ғажайып әлемі ашық сабағы

Білім беру саласы: «Әлеуметтік орта»

Оқу іс – әрекеті: Өзін – өзі тану.

Тақырыбы: «Өнердің ғажайып әлемі»

Мақсаты: «Өнер» құндылығы туралы түсіндіру, өнерге деген қызығушылығын арттыру.

Қажетті құралдар: Интерактивті тақта, үнтаспа, бейнебаян, бейнежазбалар, оюлар, желім, қоржын, моншақтар, шашақ жіптер, пазлдар.

Әрекеттердің кезеңдері

Тәрбиешінің әрекеттері

Балалардың әркеттері

Мотивациялық қозғаушы

Шаттық шеңбері

- Сәлеметсіздер ме, балалар! Мен сіздерді көргеніме өте қуаныштымын. Бүгінгі ашық оқу қызметіне көп қонақтар келіп отыр, ендеше қонақтармен әндептіп амандасайық (бірден шеңберге тұрамыз, «Қайырлы таң» өлеңін үш тілде айтамыз). Балалалар, біз бүгін «Өнердің ғажайып әлеміне» саяхат жасаймыз.

Балалар шеңберге тұрып, келген қонақтармен амандасып, өлеңді іс – қимыл арқылы орындайды.

Іздену –

ұйымдастыру

Әңгімелесу.

- Қанеки, балалар отырғыштарға жайғасып отырайық. Балалар әрбір адамның бойында өнерге деген қызығушылық, ынта болады. Біреулеріңіз әнді жақсы айтасыздар, биді жақсы билейсіздер, ал кейбіреулеріңіз суретті керемет саласыздар. Осының бәрі өнер.

Әнші

- Ал балалар тақтадаға мұқият назар аударайық, тақтадан кімдердің суретін көріп тұрсыздар? Ән айтып тұрған әншінің аты кім балалар?(слайд)

- Иә, балалар «Әнші» деп – әнді орындайтын, сол әннің әуені мен сөзіндегі негізгі ойын тыңдаушыларға жеткізе білетін өнер адамы.

- Дұрыс айтасыздар балалар, бұл кісі ҚР халық әртісі, Құрмет және Парасат ордендерінің иегері. Қырғызстанның және Өзбекстанның еңбек сіңірген әртісі.

- Енді балалар тақтадан кімді көріп тұрсыздар?

- Бұл кім балалар?

- Дұрыс айтасыздар балалар, бұл кісіде әнші, біздің жерлесіміз, Құрмет орденінің иегері, «Серпер» жастар сыйлығының лауреаты, дарынды әнші.

Биші

- Тақтадан кімді көріп тұрсыздар?

- Бұл кісінің есімі кім?

- Дұрыс айтасыздар балалар «Биші» деп мәнерлі де әсем қимылын музыка сазына сәйкестендіре отырып қимыл – Қозғалыс арқылы ойын жеткізетін адам.

Сергіту сәті.

- Ал ендеше бір серігіп алайық.

Жарайсыңдар балалар, біз «Айгөлек» әнін айтып, би қимылдарын бірге орындадық.

Әңгімелеу

- Балалар біз жаңа өнер адамдары жайлы сөз қозғадық. Ендеше «өнер» сөзінің мағынасын өнер адамдарының өздерінен сұрайық.

Жігіт сұлу көрінеді өнерімен,Тізілтіп сөз маржанын тергенімен.Жезтаңдай, бұлбұл даусын әнге қосса,Әнші сұлу көрінер әніменен.

- Ал енді Маңғыстаудың жарық жұлдыздарының бірі Құрманов Асылбекті ортамызға қошеметпен шақырайық.

- Қош келдіңіз біздің мерекемізге. Төрден орын алыңыз.

(әнші жайлы слайд көрсету) Әнші туралы әңгімелеу.

- Асылбек ағай, өнер әлеміне қалай келдіңіз?