Ғажайып қыс тақырыбына арналған сабақ жоспары

Білім беру саласы : Шығармашылық

Ұйымдастырылған оқу- қызметінің түрі : Музыка

Тақырыбы: « Ғажайып қыс » (Таза ауада серуен түрінде)

Мақсаты : Әнді сезіммен, мәнерлеп нақышына келтіріп айтуға және би, музыкалық ойын әрекеттерін орындауға дағдыландыру,серуен кезінде кейіпкерлермен араласуға тәрбиелеу;

Көрнекілік: музыкалық үнтаспа, қыс мезгілінің суреттері, гуашь, акварель бояу, қылқаламдар.

Ашық оқу -қызметінің барысы:

Көңілді әуенмен, сәнді киіммен балалар безендірілген залға кіріп, шеңберге тұрады.

Музыка жетекшісі:

Қайырлы күн қадірлі қонақтар!

Бүгінгі « Балдәурен» мектеп алды даярлық тобында өтіп жатқан ашық- оқу қызметіне қош келдіңіздер!

Далада ауа райы керемет. Күн жылы, күн бізге жылуын, жарығын , күлкісін сыйлап тұр. Ендеше балалар бізде өзіміздің мейірімді күлкімізді сыйлап, келген қонақтарымызбен амандасып алайық.

Балалар, біз заман талабына сай үш тілде білуіміз керек. Ендеше сол үш тілде әндете отырып шаттық шеңберімізді жасап алайық.

Қайырлы таң ұстазым, қайырлы таң достарым,

Шеңберге тұрайық, жылулық сыйлайық.

Добрый утра учитель, добрый утра друзья

Посмотрите друг на друга , пожелайте добра.

Good morning , good morning , good morning to you,

Good morning , good morning , we are glad to see you.

Музыка жетекшісі: Ал жарайсыңдар балалар орындарыңа отыра қойыңдар.

Балалар қандай сабаққа келдіңдер?

Балалар : Музыка сабағына.

Ендеше осы біздің әдемі әуендерімізді шығару үшін бізге ең алдымен нелер қажет екен?

Ноталар.

Дұрыс айтасыңдар балалар, кім біледі неше нотамыз бар екен?

Балалар: Жеті нота.

Ендеше атап өтейік: (До,ре,ми,фа,соль,ля,си)

Балалар менің сендерге бір жұмбақ жасырғым келіп отыр жұмбақты шешуге дайынсыңдарма?

Ақ киімді денелі, ақ сақалды

Соқыр мылқау танымас тірі жанды

Үсті басы ақ қырау, түсі суық

Басқан жері сықырлап келіп қалды

Бұл кім екен балалар?

Балалар : Қыс ата.

Ал енді бәріміз бірге қонаққа қыс атаны шақырайық.

Балалар : Қыс ата бізге қонаққа келіңіз.

Қыс ата:

Борандатып аққарлатып, арқаланып қыс келді

Ақ көңілмен, пәк көңілмен,сендерге сәлем береді.

Балалар мені қонаққа шақырдыңдарма? Міне мен келдім, мен сендермен ән айтқанды , би билеп , ойын онағанды жақсы көремін.

Музыка жетекшісі : Сәлеметсізбе Қыс ата келіңіз отырыңыз балаларымыздың әдемі әнін тыңдаңыз.

Ән : «Аққала»

Қыс ата : Балалар сендердің әсем әндерің маған қатты ұнады.Менде құр қол келген жоқпын сендерге ойындар алып келдім.

Қимылды\ойын: « Қарларды домалақтаймыз»

Балалар қарларды домалақтап,әр түрлі пішінге келтіреді

Музыка жетекшісі : Қыс ата біздің балаларымыздың қыс жайлы жаттаған тақпақтарын тыңдап көріңіз.

Тақпақтар:

1.Қараңдаршы далаға, дала әппақ ақша қар,

тал мен үйлер ауылда, жамылыпты ақ шатыр.

Қар атысып ойнайық, қыс қызығын тойлайық!

2.Аппақ күміс бар әлем, зымыраймыз шанамен,

торғайлар тон киеді, аяз беттен сүйеді.

Жиналып ап бар бала, тұрғызамыз аққала!