Ғажайып сөздер сабақ жоспары мектепалды топқа

Ұйымдастырылған оқу іс-әрекетінің технологиялық картасы

«Гүлдер» тобы 29.11.2018.

Білім беру саласы:Коммуникация

Бөлімдері: Ағылшын

Оқытушының аты-жөні: Досмағанбетова Гүлбарам Бақытқызы

Тақырыбы:: «Ғажайып сөздер»

Мақсаты: Балалардың бойындағы дұрыс іс-әрекет құндылығын дамыту. Балалардың бойында жақындары мен достарына мейірімді,қамқор қарым-қатынас жасау дағдыларын дамыту.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушылық

-Балалар бізге қонаққа апайлар келіп отыр екен.Қанекей апайлармен амандасып алайықшы.

-Балалар, біз бүгін мейірімділік,қамқорлық, достық туралы әңгімелесеміз.

Сендер ойларыңша қайрымды, мейірімді адам қандай болу керек?

-Дұрыс айтасыңдар.Енді біз «ғажайып сөздер» деп аталатын сөздер бар екен соларды айтайықшы.

-Сәлеметсіздер ме!

-Здравствуйте!

-Good morning!

-Қайырымды,мейірімді адам ақылды,тәртіпті болу керек.Кішілерге қамқорлық жасап, үлкендерге көмектесу керек.

Рахмет-Thank you

Өтінемін-Please

Кешіріңіз-Excuse me

Ұйымдастыру

-іздестіру

(Осы кезде топқа Жалқаубек пен Сотқарбек дауласып кіріп келеді.)

-Сендер кімсіңдер?Не үшін дауласып жатырсыңдар?

Бізде сабақ жүріп жатыр тыныштық сақтаңыздар.

Сотқарбек:

-Мен Сотқарбекпін.Мен жолдан әдемі қорапша тауып алсам мынау соған таласып жатыр.

Жалқаубек:

-Жоқ ол қорапшаны бірінші болып мен көрдім,бірақ алуға ерініп тұрғанда мынау алып қойды.

Тәрбиеші:

-Сендер босқа дауласпаңдар.

Бірнәрсе алғың келсе таласып, тартып алуға бола ма екен,балалар.Қане,маған беріңдерші ашып көрейін ішінде не бар екен. Ой,мынаның ішінде хат жатыр ғой,қане оқып берейін.

«Сәлеметсіңдер ме,балалар. Мен Білім ханшайымымын. Менің сиқырлы білім кілтім жоғалып кетті Соны тауып берулеріңді өтінемінМен ол кілтті «Ғажайып сөздер әлемінде» деп естідім.Ол жерге бару үшін көптеген тапсырмалар орындау керек.Мен сендерге сенемін.Өйткені сендер өте білімді балаларсыңдар».

-Ал,балалар,көмектесеміз бе ханшайымға?

-Олай болса біз жолға шығайық.Сотқарбек,Жалқаубек сендер де барғыларың келе ме?

-Ендеше кеттік.Балалар жол қысқару үшін мен сендерге әңгіме айтып берейін. «Мазасыз балапан» деп аталады. (әңгімені айтып беремін)

-Міне,балалар,біз пішіндер аялдамасына да келіп қалыппыз.Бұл жерде екі шелек тұр соларға пішіндерді ретімен саламыз.Және пішіндерді ағылшынша атап берейік.

-Тағы да жолға шығайық.Ал балалар жол қысқарсын үш тілде 1ден 5ке дейін санайықшы.Балалар,біз математика аялдамасына келдік.Бұл жерде кішкене көлшік бар екен ия.Бұл көлшіктен өту үшін бізге не керек деп ойлайсыңдар?

-Дұрыс айтасыңдар.Ал көпірдің тақтайларын алу үшін ондағы есептерді шығаруымыз керек.