Ғажайыптар әлемі сабақ жоспары мектепалды даярлыққа

Білім беру саласы: Әлеумет

Бөлімі: Экология негіздері.

Тақырыбы: Бізді қоршаған әлем.

Тақырыпша:Ғажайыптар әлемі

Мақсаты:

1.Балаларды ауаның қасиеттерімен таныстыру; тәжірибе арқылы ауаның біздің айналамызды қоршап тұрғанына көздерін жеткізу.

2.Ойлау белсенділіктерін, байқағыштықтарын арттыру.

3.Қоршаған ортаны таза ұстауға тәрбиелеу.

Қолданылатын көрнекі құралдар мен жабдықтар: балалар санына қарай су құйылған ыдыс пен түтіктер; попролон, қарындаш, ауа толтырылған шар, шағын қорап(сәлемдеме).

Сөздік жұмыс: поролон.

Билингвальды компонент: ауа-воздух, самал жел- легкий ветерок.

Оқу іс-әрекетінің кезеңдері

Педагогтің іс-әрекеті

Балалардың іс-әрекеті

Мотивациялық-қозғаушылық

-Балалар, бүгін біздің тобымызға таңертең пошташы сәлемдеме алып келіпті. Сәлемдемені біздің досымыз-Самал жел жіберіпті.Не бар екенін көрейік.Самал жел бізге мынадай хат жазыпты:

«Шардың ішіне не жасырылғанын табыңдар.Оның ішінде не болуы мүмкін?»

Балалар үрленген шарды айналдырып қарай бастайды. Олар өз пікірлерін айтады.

Ұйымдастырушылық-ізденістік

Билингвальді компонент.

Ауа-воздух, самал жел-легкий ветерок.

Педагог шардың байланған жібін шешіп, ішіндегі ауаны жайлап шығара бастайды.

-Меніңше, шардың ішінде бір нәрсе бар сияқты.Өйткені оның жібін шешкенде, дыбыс шыққан сияқты болды.

-Ауа тағы қай жерлерде жасырылынып жатуы мүмкін? Біз де өзімізді ғалым деп сезініп, тәжірибе жүргізіп көрейік.Дайын болсаңдар, өз орнымызға отырайық.

-Біз мұрнымызбен не істейміз?

-Біз немен тыныс аламыз?

-Яғни мұрын арқылы ауа біздің өкпемізге өтеді. Тынысты шығарғанда пайдаланылған ауа қайтадан ауыз немесе мұрын арқылы сыртқа шығарылады. Кәне, бәріміз тексеріп көрейік.

-Енді түтікті суы бар стаканға салып үрлейік.Стақан ішіндегі суда не болды?

-Енді осы тәжірибені қорытындылайық.

-Үстелдің үстінде ұсақ тастар жатыр. Осы тастарды стақандағы суға тастап көріңдер. Суда не пайда болды?

-Ол қайдан пайда болды?

-Ал мына поролонның кішкентай бөлігін стақандағы суға тастап көріңдер. Не болды?

-Поролон неге батып кетпейді?

-Ауаның бар екенін тексеру үшін түтікті алып, поролонды су түбіне батырыңдар.Не байқадыңдар?

-Желге қандай қорытынды ой айтар едіңдер?

Суретпен жұмыс.

Ауаның ластануы бейнеленген суреттер көрсету.

Проблемалық сұрақ: «Ауаның ластануын қалай азайтуға болады?»

Дәптермен жұмыс.

Жеке жұмыс жүргізу.

Балалар пелагогтің іс-әрекетін бақылайды.Шарды босатқандағы ысылдаған дыбысты тыңдайды.Сұраққа былай деп жауап беруі тиіс: